`·.¸¸.·¯`··._.· (رابطه كليه الحقوق جامعه اسيوط) `·.¸¸.·¯`··._.·

[Mahmoud_Nassar]

المشاركة الأصلية كتبت بواسطة النصر لله

سبب مشروعيه خيار الشرط :- هو اننا نعطى فرصه لكل من الشخصين المتعاقدين وذلك للتروى والتامل والتمهل قبل اقدامهما على العقد بحيث اذا وجد كل واحد فيهم مصلحته فى هذا العقد فيقوم بامضاء العقد واذا وجد انه ليس من مصلحته هذا العقد فيمكنه ان يفسخ العقد
**- ومشروعيته :- هنا بيقولك ان العقد جاء على عكس القياس طبعا هتقول ( ليه ؟؟ )
لان النبى محمد ( صلى الله عليه وسلم ) رفضه او نهى عنه لانه من سمو اخلاقه ينهى عن البيع بشروط وده طبعا اساس العقد واكيد احنا عارفين ان الرسول عليه افضل الصلاه واتم التسليم كان بياخد بالقياس فى بعض الامور والمسائل اللى كانت بتعرض عليه وده كمان سبب تانى لرفضه للعقد فى البدايه ولكنه صلى الله عليه وسلم اجازه استحسانا يعنى يقصد يقولك ان العقد فى الشرع اخد حكم يجوز استحسانا
وبعد كده جايب لك دليل على حواز العقد وهو الحديث عن النبى ( صلى الله عليه وسلم ) لما جاله حبان بن منقذ الانصارى فقال ( صلى الله عليه وسلم )
( اذا بيعت فقل لا خلابه ولى الخيار ثلاثه ايام )
يعنى معنى الحديث بيقولك ايه :- (معنى خلابه) اى لا غش ولا خداع
( الخيار ثلاثه ايام ) هو هنا من تحديد التلات ايام مش قصده توقيت مده العيب لكن قصده بيان المده التى يظهر فيها العيب
يعنى مثلا تخيل انك عايز تشترى موبيل من واحد صحبك او اى حاجه تانيه مثلا وهو موافق انه يبعلك المو بيل واتفقتوا انتو الاتنين على التمن متلا فالشرع هنا بيقولك انه لازم على اللى باع لك الموبيل ( لا خلابه ) يعنى مفيش غش ولا خداع
وانت من حقق تقعد ثلاث ايام تشوف العيب اللى فيها فاذا وجد عيب وهو خدعك وغش فمن حقق ترجع له البيعه دى

اتمنى انى اكون عرفت اوصل المعلومه بطريقه سهله

بصراحة ماشاء الله عليكى
ربنا يكرمك ويعزك ويوفقك وترتبى عالدفعه بأذن الله
تاعبينك دايما ربنا يحميكى..

* بس سؤال كدا يعنى
انتى قولتى او الكتاب يعنى قال انه الرسول صلى الله عليه وسلم
اجاز العقد وفى شرحك انه كان رافضه
هل معنى كدا انه لو مكانش اجازه مكانش هيبقى فى عقود اصلا؟؟!!!
طبعا دا إستفسار عادى يعنى ممكن مترديش عليه بس انا بحب افهم يعنى..

* وسؤال تانى هوا فى الكتاب بيقول
" ان الحج دا كان يغبن فى البياعات ومنعه اهله حرصا على ماله فلم يستطيع ذلك "
ايه بقى معنى (يغبن) دى؟؟
لو أفترضنا انه بيضحك عليه يعنى عشان قاله (صلى الله عليه وسلم) قل لا خلابة او لا غش
ايه ال بيمنعه أهله عنه وأيه ال لم يستطيع عليه؟؟

الحاجات دى اصلا هيا ال جات فى بالى ومخلتنيش افهم الجزئية دى أصلا
جاوبونى ربنا يعزكم ..