البرادعى وشبح الاغتيال

[أ/رضا عطيه]

فكرتنى بواحد كان دايما يدخل انتخابات مجلس الشعب ويسقط --- الى أن جاء فى مرة واستأجر مجموعتين من شباب البانجو --- المجموعه الأولى تعلق له الإعلانات فى وضح النهار ومجموعة تانيه تقوم بتقطيعها كل ليله وإلقاء عليها زيت عربيات -- والمرشح المحترم يلمها ويعمل مؤتمر كبييير ويعلن فيه إن الحزب الوطنى بيحاربه ---- إلى أن تجمع شباب البلد بالليل ومسكوهم ومن أول قلم من شاب مصرى متع إعترفوا بالحقيقه وصاحبنا مارس هوايته وسقط كالعادة------- يمكن تكون مليت من طول القصه --- لكن ياريتك تمل كمان من تجميل وتزيين ناس ماتعرفشى عنهم شىء غير نقلا عن صحف وقنوات بتتمنى الدمار لمصر ----------------
وبعدين بالله عليك ياراجل ياطيب عمرك سمعت إن البرادعى جاب سيرة إسرائيل ونووى إسرائيل إثناء عمله
ياعالم لما سمعنا إن فيه دكتور إكتشف علاج جديد لأخطر الأمراض وطلب فتح بعض المستشفيات ليجرب فيها --- رفضنا نكون حقل تجارب----------- تقوم إنت عايز تجرب رئبس جديد مستورد -- ليه هى أرض مصر نضبت من الرجال ولاإيه
ياعالم نعم للتغيير بينا ولينا ولأ وألف لأ لتغيير يفرض علينا ---- وبعدين ترفض بطل هبط من طائرته المصريه المنتصره بأخر هبط بطائرة لانعلم وجهتها ولااتجاهتها وأكيد حضرتك كنت راكب على جناحها -------- من حقك تختار لكن ليس من حقك أن تذكر أشياء فيه ناس كتير أدرى بيها منك ---- بقى البرادعى حسيت من كلامه إنه عارف كل حاجه عن ظروفنا وكمان كأنه عايش فى حاره ---- ياراجل ياطيب ده مايعرفشى طريق بلدنا اللى هو مسقط رأسه ----كان من باب أولى أن نكرم هذا العالم - مش نحوله لسلعه كل أحزاب المعارضه بتحاول توظفه لصالحها وكأنه جدو لاعب المنتخب ----------------وشكرا للجميع