لو لم أكن مصريا لوددت أن أكون أي حاجة تانية

[nancey2006]

<span style="color:#330033">**الله يرحمك يا عم مصطفى كامل باشا .. لو كنت تعيش معنا هذا الزمان الأسود لما كنت زعقت بعلو صوتك وقلت كلمتك الشهيرة ..

*لو لم أكن مصريا لوددت أن أكون مصريا*

..........................................

****ما الذى يدفع أي إنسان أن يعتز بإنتمائه لبلده؟؟ ما الذى يجعل واحد مثل حليم يشدوا بكل فخر ...

أحلف بسماها و بترابها..أحلف بالقمح وبالمصنع..أحلف بالمدنا و...الخ

هذا الإعتزاز و ذلك الفخر لابد أن يكون له سبب ..وسببه في اعتقادي هو الحب..أكيد الناس دي بتحب مصر..بتموت فيها..بتعشق سماها وهواها وترابها وناسها..والذي منه !!

لكن ليه ؟؟ ليه الناس دى بتحب مصر؟؟ ليه الست كانت بتقول:

*مصر التى فى خاطرى و فى دمى .. أحبها من كل روحى و دمى*

.................................................
مفيش حب كده من الباب للطاق ..متقوليش عشان اتولدت مصري يبقى لازم تحب مصر وتموت فى دباديبها..متقوليش حب من أول نظرة..لأن أكيد تاني و تالت نظرة حتخليك تغير رأيك..متقوليش حب من طرف واحد .. يعنى الطرف التانى يديك بالجزمة القديمة وانت بتصرخ .. بحبك بحبك

فى رأيي أن الحب علاقة متبادلة بين طرفين..مشاعر ماشية فى اتجاهين..يعنى لازم البلد تحبك عشان تحبها ..وبسلامتها البلد دى تحبك ازاى ؟؟؟ ..أقولك!!

تحبك يعنى ترعاك .. تهتم بيك .. بالبلدى كده تعبرك .. تحسسك إنك بني آدم لك قيمة وليك رأى..تعترف أن ليك حقوق زى ما عليك واجبات..........................

من حقك تأكل لقمة نضيفة من غير مبيدات ولا مسرطنات ولا تقاوي فاسدة ..من حقك تاكل رغيف عيش من غير مسامير ولا صراصير ولا بلا أزرق..



من حقك تتنفس هوا نضيف من غير هباب ولا أطران ولا دخان مصانع وكبريت ورصاص وسخام أسود منيل بستين نيله..



من حقك تلاقى مواصلة تركبها من غير بهدلة و شحططه ومرمطة وتزنيق و تلزيق وبلطجة وقلة أدب واللي مش عاجبه الباب يفوت جحش..



من حقك تلاقى شغلة شريفة من غير ذل ومهانة وفوت علينا بكرة يا سيد .. من غير كوسة ومحسوبية وأبجني تجدنى وسكة أبو زيد كلها مسالك..



من حقك لو عييت تلاقى حتة تتعالج فيها بكرامتك وتتعامل كإنسان محترم مش كأنك متسول جاي تشحت من الدكتور اللي أصلاً قرفان من نفسه ونفسه يديلك حقنة هوا عشان يخلص من أمثالك الأوباش الجرابيع..



من حقك تلاقى حد يجيبلك حقك لما يتنطط عليك حتة عيل شبه البرص مش باين من الأرض ويقولك..أنت مش عارف أنا ابن مين يا ابن ال .... ويبقى نهار أبوك أسود لو طلع أبوه ظابط و لا وزير و لا......... واللي له ضهر مينضربش على بطنه..



من حقك لو دخلت قسم الشرطة تخش بثبات بدون رعب من غير ما تبص حواليك خوفا من قفا طاير أو شلوت ضل الطريق أوروسية تبحث عن ضحية أو شتيمة عابرة للقارات ده غير السحل و النفخ وهتك العرض و السفالة وقلة الأدب و المواطن مجرم وابن ستين ... حتى تثبت براءة اللي جابوه ... ويا ويلك يا سواد ليلك لو كانت دقنك منبته انشالله تقاوى شعر .. يبقى انت ارهابي .. واشحن على أمن الدولة لحد ما يبانلك صاحب.. وإن بانلك صاحب يبقى نهار أبوه أسود هو كمان



من حقك تتفرج على تليفزيون بلدك تحس بالفخر..تشوف مدارس بتتبنى ومصانع بتشتغل و كباري بتتفتح و مستشفيات بتتجدد و مدن بتتعمر وشباب زى الورد بيشتغل و يبني ويعمر ويضحي بعرقه ودمه.مش تشوف بلد بتتسرق..وعبارة بتتحرق..وقضاة بتنضرب..وصحفيين بتتسحل..وأسعار كل يوم بتولع..والحرامية اللي سرقوا البلد إما في أوروبا أو في مارينا..وحكومة مش فاهمة حاجة فى أي حاجة ورئيسها بيقول الشعب لازم يرضع الديمقراطية بالبزازة..ومجلس شعب دايماً موافق وهو نايم بيشخر..وأكبر راس فى البلد مرعوب وخايف يحط إيده فى بق الأسد..مستني لما الأسد يهبش ....... مش إيده..والكتكوت ننوس عين ماما متصدر فى الفاضية و المليانة ونافخ ريشه عشان يورينا إنه دكر و بيعرف يكاكي زى بابا



يا ترى بعد كل ده لسة مش فاهمين ليه الشباب بيسيب البلد و يهج؟؟ !! يا ترى لسة مش فاهمين ليه طلبة المنصورة ما صدقوا حطوا رجلهم فى أمريكا ومحدش شافهم تانى ؟؟..لسة مستغربين ليه كرم جابر و بوجي بيدوروا على الجنسية الأمريكية؟؟..لسة بتسألوا فين أحمد زويل و فاروق الباز و مجدى يعقوب..وغيرهم كتير و كتير؟؟...... يا ترى كل دول خونة و مجرمين و معندهمش و لاء وانتماء؟؟!!



ياترى يا عم مصطفى كامل باشا لو كنت عايش معانا .. كنت حتقول إيه ؟؟؟؟

[loza99]

مفيش حب كده من الباب للطاق ..متقوليش عشان اتولدت مصري يبقى لازم تحب مصر وتموت فى دباديبها..متقوليش حب من أول نظرة..لأن أكيد تاني و تالت نظرة حتخليك تغير رأيك..متقوليش حب من طرف واحد .. يعنى الطرف التانى يديك بالجزمة القديمة وانت بتصرخ .. بحبك بحبك

فى رأيي أن الحب علاقة متبادلة بين طرفين..مشاعر ماشية فى اتجاهين..يعنى لازم البلد تحبك عشان تحبها ..وبسلامتها البلد دى تحبك ازاى ؟؟؟ ..أقولك!!

تحبك يعنى ترعاك .. تهتم بيك .. بالبلدى كده تعبرك .. تحسسك إنك بني آدم لك قيمة وليك رأى..تعترف أن ليك حقوق زى ما عليك واجبات..........................



من حقك تلاقى مواصلة تركبها من غير بهدلة و شحططه ومرمطة وتزنيق و تلزيق وبلطجة وقلة أدب واللي مش عاجبه الباب يفوت جحش..

يا بنتي انا بتبهدل بهدله في المواصلات ما يعلم بيها الا ربنا
يا ساااااااااااااااااتر مش قادره اقولك ايه اللي بيحصلي
انا وغيري طبعا مش لوحدي


<div align="center">ولو لم اكن مصريا لوددت ان اكون اي حاجه تانيه</span></div>

<span style="color:#663366">اه
شوفي ازاي
نسيت اقولك شكرا علي الموضوع يا ننوسه
معلشي
ملحوقه
شكراااااااااااااااا وميرسي وسانك يو وبكل اللغات
شكرا

[LA STELLA]

!!!!!!!!!!!!!!!!!!!!!!!!!!!!!!!!!!!!!!

مننكرش ان احنا لينا حقوق فى البلد دى و مش بناخدها و بنتظلم و ناس ملهاش حقوق بتاخد حقوق الغلابة
اه الظلم سائد
اه فى حاجات كتير غلط

بس احنا برده فينا غلط

ليه منقومش احنا الاول بواجباتنا بعدين نطالب بحقوقنا
ساعتها محدش يقدر يتحجج لنا .. و نبقى احنا عملنا اللى علينا و راضيين ذمتنا و الحمدلله
ساعتها لو عملنا مظاهرات نبقى لينا حق

مش معنى كدة ان الغلط كله علينا
لا انا قصدى اوضح حاجات


طب اسألوا نفسكم السؤال ده..؟
لما حد برة بيشتم بلدك..؟ مش بتتعصب عليه و بتدافع عنها
لما حد يهينك عشان انت مصرى.؟ مش برده بتدافع عن بلدك و تتكلم عنها بكل خير؟

و عاوزين بعد ده كله تقولوا انكم مش بتحبوها
لا بتحبوها
بس مش بتحبوا اللى حاكمينها و ممشينها




احنا كمان برده مش كلنا حلو
لازم نحسن اللى فينا الاول
و منقولش (هى جت عليا انا) - (ماهى خربانة من زمان مش انا اللى هصلح الكون)- (اشمعنى انا يعنى)
و الكلام اللى ملوش لازمة ده
بجد كدة عمرنا ما هنتغير


غيروا ما بأنفسكم الاول

نشوف الوقت الكبير اللى بيضيع
نشوف مواعيدنا اللى مش بنلتزم بيها
نشوف عدم مساعدتنا لبعض و تخلينا عن البعض و عدم التعاون و ان احنا نفرح فى بعض مش لبعض
مش كل دى سلبيات فينا.؟
و ليه بتنعصب على بعض ع حاجات هايفة
زى فريقنا كسب و فريقكم خسر لا انت غشاش و مش عارف ايه
كله كلاام فااااااااااضى


على فكرة احنا لو نخاف على بعض و نحب بعض و نعبر بعض و نتعاون و نتعامل بحسن النية و نبطل نتلكك لبعض مكناش بقينا كدة..حتى الخناقات فى الشارع او غيره
فيها ايه..لما نقول..ولا يهمك-حصل خير- فداك- عادى متاخدش فى بالك .. و نسلم على بعض و خلاص
و يكون اسلوبنا احسن من كدة


ده دى نماذج من سلبياتنا
لما نتحد بقى نقدر ناخد حقوقنا من اللى مانعينها عننا



معلش زودتها حبتين و محدش يزعل
بس انى اقول ( لو لم اكن مصريا لوددت ان اكون اى حاجة تانية)
لا صعبة برده
احنا بحبها بس مش بنحب اللى حاكمينها
......
و طبعا لا تعليق على اللى حاكمينها و نظامهم الفاشل فى كل حاجة...طبعا حال بلدنا معروف
<div class='quotetop'>إقتباس</div>

من حقك تلاقى مواصلة تركبها من غير بهدلة و شحططه ومرمطة وتزنيق و تلزيق وبلطجة وقلة أدب واللي مش عاجبه الباب يفوت جحش..

يا بنتي انا بتبهدل بهدله في المواصلات ما يعلم بيها الا ربنا
يا ساااااااااااااااااتر مش قادره اقولك ايه اللي بيحصلي
انا وغيري طبعا مش لوحدي [/b]

ايوة من حقنا
و انا برده بتبهدل جامد فى المواصلات
يعنى هيجرى ايه مثلا لو السواق بتاع الميكروباص يعنىيخلى عنده دم و يبقى محترج و يبطل يتخانق مع السواقين التانيين
او يبقى عنده احساس و يسوق على سرعة متوسطة و يبطل يطلع فوق الرصيف
مثلا يعنى
اما المترو بقى فهو بقى زحمة اوووووى
هو بس محتاج يتوسع شوية.. معلش اصله بقاله ييجى 20 سنة و كان عددنا اقل من كدة كام مليون بس <_<





معلش كنت عاوزة اتكلم اكتر من كدة
بس فى كتير و كتير
وياريت محدش يفهم كلامى بالمشقلب برده
احنا حالنا بؤس برده
بس فى حاجات و حاجات مبصيناش ليها كويس


و كل اللى قولتيه يا نانسى اه من حقنا
حقنا و حقنا

عموما

...

شكرا نانسى ع فتح هذا الموضوع
تحياتى

[شاعرالحب]

انا مش هاعلق على الكلام اللى فى الموضوع ده

يكفى انى اقول ان الموضوع ده من اجمل واروع المواضيع اللى انا شوفتها فى المنتدى ده

بس انا لو اتكلمت مش هاتكلم اكتر من الاتنين اللى قبلى

عموما شكرا على الموضوع

بس برده لازم نسأل نفسنا هى بدلنا بس اللى فيها كل ده .؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

<div class='quotetop'>إقتباس(شاعرالحب @ Dec 14 2006, 03:51 PM) [snapback]246697[/snapback]</div>

انا مش هاعلق على الكلام اللى فى الموضوع ده

يكفى انى اقول ان الموضوع ده من اجمل واروع المواضيع اللى انا شوفتها فى المنتدى ده

بس انا لو اتكلمت مش هاتكلم اكتر من الاتنين اللى قبلى

عموما شكرا على الموضوع

بس برده لازم نسأل نفسنا هى بدلنا (قصدى بلدنا) بس اللى فيها كل ده .؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
[/b]

[nancey2006]

شكرا يا جمااااااااااااااعه