الصلح مع الجزائر بين مؤيد ومعارض

[محمد.فوكس]

استاذة شمس..انا متفق معاكي تماما..ان دلوقتي احنا رجال الدولة عندنا خلاص شكلهم كده نامو عالموضوع عشان مصالح او اي كان السبب..يعني لما يجي سيادة الريس يقول حريص على العلاقات مع الجزاير..هل تتوقعي ان بعد التصريح ده يمكن اتخاذ اي اجراء.
مع العلم ان تورط الدولة الجزائرية دي حقيقة لازم كلنا نسلم بيها.
و فعلا شكلنا على المستوى الرسمي ننسى حقنا..بس انا عايز اقول ان المسئولين و الناس اللي بيدعوا انهم مقفين و عاقلين في مصر.اذا كانو يظنوا انهم بطريقتهم الهادئة بل الباردة مش بيطفوا النار لا دول بيشعلوها اكتر.
طيب هدي مثال..احنا دلوقتي لينا علاقات دبلوماسية مع اسرائيل.
لكن هل معنى ان الدولة باقية على علاقتها مع اسرائيل ان الشعب برضه حابب اسرائيل؟
انا بقيت بكره الجزاير فعلا لكن سبب كراهيتي ليهم مش الحقد(هحقد عليهم على ايه يا حسرة) لكن لانهم هم اعتدو على كرامة بلدي.اما هم فكراهيتهم طبعا حقد.
حضرتك قولتي نقطة مهمة جدا جدا و ارجو كل الناس اللي غايبة عنها الحقيقة تعرفها.
ان الشباب الجزايري اللي ادعى العقل و التدين لو اتكلمتي معاه هتلاقيه بيقول عروبة و اسلام و لكنه مش عايز يعترف باللي حصل و بيتهم مصر و موقفه لا يختلف عن المشجعين الجزايريين في شيء غير انه مش بيشتم.
و لما الحوار يتطور هتلاقيه بدأ يظهر على حقيقته و بدأ يقل ادبه.
و ده كان رأيي من الاول ان الجزايريين اللي بيكرهوا مصر مش قلة ابدا..و كلمة قلة دي بنضحك بيها عالناس.
طيب ما احنا ممكن نقول ان مش كل الاسرائيليين كانو موافقين على حرب 67.
هل ده يخلينا نقول لا منحاربش اسرائيل عشان منظلمش الناس المحترمة اللي فيها.
و موضوع العلاقات التاريخية اللي صدعونا بيها..طيب هل الدول العربية لما قطعت علاقتها بمصر بعد كامب ديفيد و اجتمعوا في بغداد عشان يتفقوا على تجويع مصر..هل راعو العلاقات التاريخية؟
لو دلوقتي طلع رئيس دولة عربية شتم الرئيس مبارك مجرد شتمية لا اعتداء ولا حاجة اكتر من الشتمية.
و طلع شعب الدولة دي يقول احنا بنرفض شتيمة الرئيس مبارك..هل ده هيمنع الدولة المصرية انها تقطع علاقتها مع الدولة دي.
الموقف مشابه و اخطر كمان لان الجزاير من اول الرئيس لقيادات الجيش و الشرطة اعتدو على مصر مش بالقول بل بالفعل.
سلام عليكم..