قدم خيرك .. تنفع نفسك وغيرك

[ساره الالفي]

المشاركة الأصلية كتبت بواسطة زهرة الياسمين

انا اسفه جدا جدا يا ساره
انا وعدتك انى ارجع تانى بس انتى عارفه الدراسه بقى
سامحينى يا قمر

المهم انا كان عندى فكره حلوه كده نفذتها بعض صديقاتى
وانا كمان ان شاء الله هانفذها

احنا ممكن نعمل صندوق فى البيت للتبرعات وكل يوم كل فرد من العائله

يحط فيه اللى يقدر عليه وكمان لو بعض الأقارب زاروكم مثلا نقولهم على الفكره

واكيد هايتبرعوا وبعدين الصندوق يتفتح بعد فتره لما نحس انه فيه مبلغ كويس

نعمل بالمبلغ ده مثلا شنط اطعمه للفقراء او نتبرع بيهم لمسجد او نتبرع بيهم لمشروعات

كفالة الايتام او نعمل بيهم زياره لملجأ ونشترى للأطفال حاجات تفرحهم يعنى الطرق كتيره جدا


وعندى فكره كمان ::: ممكن برضه كل واحد فينا يبدأ يدور فى ملابسه عن اللبس اللى مش بيلبسه

او يكون اللبس ده من زمان عنده ومعدش على مقاسه بس مش معنى كده انها تكون هدوم مقطعه لالا

تكون سليمه بس مش بنستعملها وننضفها كويس ونكويها ونحطها فى اكياس زى بتاعة الملابس اللى بنشتريها

ونشوف مثلا جمعيه بتوزع الملابس دى ونتبرع بيها او لو نعرف حد مسكين نديهاله

ياريت الافكار تعجبك يا ساره وياريت كل واحد فينا يبدأ ينفذ فعلا ولو علبه صغيره ونحط فيها كل يوم مبلغ صغير جدا

هانقدر نعمل حاجه بس اهم حاجه نخلص النيه لله وننفذ على طول

جزاكم الله خيرا

أختي ف الله زهرة الياسمين أولا بشكرك كتير على مشاركتك الفعاله وانا والله عارفه ظروف الدراسه

المهم الأفكار اللي انتي قولتيها دي حلوه وأووووي وبالفعل أنا جربتها قبل كده بس مش بالضبط يعني مش بفكرة الصندوق لكن كنت بجمع تبرعات من البيت وصحابي وبنعمل موضوع الملابس ده كمان بس بصراحه كان ف رمضان على اساس إن الناس محتاجه هدوم للعيد والأطفال محتاجه تفرح
كمان بالفلوس بتاعت التبرعات دي مش بس نجيب بيها أطعمه أو شنط بر لكن ممكن نزور دار أيتام أو دار مسنين متتصوريش بيفرحوا قد إيه بالزياره دي بس طبعا الحاجات دي بتحتاج ترتيبات
بس بجد افكار جميله وربنا يعينا يااارب ونقدر ننفذها