الرجاء هذه شكوي الحقوني اختي هاضيع

[mr_shrefamen2]

السلام عليكم
الاخوة الكرام غفي هذا الموقع الأغر الرجاء افادتي عن موقع التنسيق هل هو يعمل بصورة جيدة اما ماذا ام العيب عندي من امبارح بحاول اعمل تحويل لاختي والموقع بعد ما اكتب البيانات يقولي انتظر جاري تحميل البايانت الشخصية وبظل هكذا دون تغيير وانا اريد التحويل لان ترشيح اختي جاء في مكان بعيد جدا ونريد الحاقها بمكان قريب فما الحل ولا تقولوا اتصل بالرقم الزعوم بتاع الشكاوي 19468لاني اتصلت عليهم وفضلوا لاطعيني علي السماعة مدة اسمع في موسيق تثير الأعصاب لاني ملهوف علي الرد وفين اما ردت الاخت الموظفة وهي قرفانة والله ومن غير ما افهم حاجة عن استفساري قفلت السكة في وشي ودا الزوق اللي المفروض متعلمينه موظفي الاستعلامات.
المشكلة اني الان عايز اعرف حل لتحويل اختي قبل فوات الاوان
النجدة اخوتي الاعزاء

[7med@]

جرب متصفح تاني
لو انت بتستعمل الموزيلا استعمل الاكسبلورر العادي

[m_nagib_2010]

أبعتلى البيانات بتاعتها وانا سوف أقوم لك بعملية التحويل

[without mercy]

حضرتك ممكن تنزل سيبر وتعملها عشان اكيد العيب من عندك وبالتوفيق للجميع ان شاء الله

[Tiger masked]

وبتحصل المشكلة دى معى انا كمان
اروح سيبر اية دا السرعه عندى احسن من السيبر

[allah_islam]

المشاركة الأصلية كتبت بواسطة mr_shrefamen2

السلام عليكم
الاخوة الكرام غفي هذا الموقع الأغر الرجاء افادتي عن موقع التنسيق هل هو يعمل بصورة جيدة اما ماذا ام العيب عندي من امبارح بحاول اعمل تحويل لاختي والموقع بعد ما اكتب البيانات يقولي انتظر جاري تحميل البايانت الشخصية وبظل هكذا دون تغيير وانا اريد التحويل لان ترشيح اختي جاء في مكان بعيد جدا ونريد الحاقها بمكان قريب فما الحل ولا تقولوا اتصل بالرقم الزعوم بتاع الشكاوي 19468لاني اتصلت عليهم وفضلوا لاطعيني علي السماعة مدة اسمع في موسيق تثير الأعصاب لاني ملهوف علي الرد وفين اما ردت الاخت الموظفة وهي قرفانة والله ومن غير ما افهم حاجة عن استفساري قفلت السكة في وشي ودا الزوق اللي المفروض متعلمينه موظفي الاستعلامات.
المشكلة اني الان عايز اعرف حل لتحويل اختي قبل فوات الاوان
النجدة اخوتي الاعزاء

ضرورى ولخطورة الموقف عندك من الان ولبكرة الخميس حتى الساعه السابعه مساءا
لازم تستخدم مصفح Internet Explorer ضرورى
والموضوع ده كان معايا وعملته واشتغل
اما لو بعد ما دخلت البيانات مرداش يسجل معاك خالص لازم تنقل على شبكة تانية
وياريت تقولنا عملت ايه

[saasoo2010]

طب بالنسبة بقى لنتيجة التحويل محدش يعرف هتظهر امته واعرفها منين

[mr_shrefamen2]

الشكر كل الشكر لكم اخوتي وعلي اهتمامكم بمشكلتي والله جد انا اما قريت اول رد وكان فيه الشفاء لصدري الذي كاد يضيق من المشكلة وخاصة عندما طلبت منهم المساعدة ولم يفيدوني ولكن الحمد لله فعلا غيرت المتصفح واشتغل معايا لكن رغبتنا في تقليل الاغتراب طلعت خارج حدود قانون تقليل الاغتراب لذا لابد من تقديم التماس وفعلا عملت التماس من علي النت لكن حاسس انه مش هايتقبل مش عرف ليه رغم اني بعتلهم الظروف وسبب التحويل كما هو مطلوب في الاستمارة
يا جماعة انا خايف لا ما يتقبلش اعمل ايه وخاصة ان اختي ما اغتربتش قبل كدا والمكان اللي احنا عايزين نحول له قريب من ناس قرايبنا وهاتسكن عندهم وكل صاحباتها فيهم الي جه في مكان بعيد بس مع بعض وفي اللي جاله مكان في المحافظة نفسها لكن هي اللي فرقت معاها كتير انا خايف عليه جدا
ربنا يستر علينا وعليكم وعلي كل اخواتنا يا رب

[mr_shrefamen2]

طب لو سمحتم امته نتيجة التحويل دا تظهر ولا ادخل علي فترات واشوف ولا ممكن يكون في اجراءات للتحويل غير الانترن اكثر نفعا انا بانتظار ردكم اخوتي بارك الله فيكم

[allah_islam]

المشاركة الأصلية كتبت بواسطة mr_shrefamen2

طب لو سمحتم امته نتيجة التحويل دا تظهر ولا ادخل علي فترات واشوف ولا ممكن يكون في اجراءات للتحويل غير الانترن اكثر نفعا انا بانتظار ردكم اخوتي بارك الله فيكم

حتى الان غير محدد ولكن غالبا يوم الاحد