حدث ف الـثـانــويــه الـعــامــه

[Bent 3bdo]

المشاركة الأصلية كتبت بواسطة stoneKane

اسمحولى بقى انا اول ولد هيدخل الموضوع ده

انا بالنسبه ليا ثالثه ثانوى احسن من ثانيه بكتير لان ثانيه كانت مذاكره بس وفى الاخر تعبت ايام الامتحانات ومجبتش مجموع
(جالى التهاب كبدى)

لكن ثالثه بقيت اجتماعى اكتر مع الناس و عرفت ناس كتييييييره وكلهم الحمد لله اصحابى وكلهم كويسين

وبالنسبه للمواقف انا فى يوم كنت رايح درس فى حته بيئه كده اسمها المعصره المهم رحت بالمترو وانا عمرى مكنت بروح بيه
وكنت رايح انا وواحد صاحبى المهم واحنا راجعين قالى خلى بالك انت هتغير المترو عشان انت نازل حدائق المعادى قلتله ماشى بس ابقى فكرنى المهم المحطه بتاعته جت اللى المفروض انا كنت انزل معاه فيها عشان اغير المترو المهم انا وهو سلمنا على بعض وهو نزل وانا فضلت زى الاهبل
وبعد شويه وقفت فى محطه اسمها غريب جدا مش فاكر اسمها حتى والله المهم لقيت نازل بجلالاليب داخلين عليا و ستات شايلين عيال على راسهم و اشكال غريبه كده انا قولت يمكن الحته دى هى اللى كده و المحطه حببتى جايه فى السكه
بعد شويه لقيت محطه تانيه اسمها كوزيكا !!!
فا نزلت فيها وقولت لا الامر زاد عن حده فا المهم لقيت واحد ابن حلال بقوله هو المترو بتاع حدائق المعادى بيعدى من انهى حته قالى المترو اللى انت كنت راكبه ده اخر مترو خد لك تاكس
المهم انا مكنش معايا فلوس فى اليوم ده اصلا لسوء حظى و حكيت لسواق التاكس القصه بتاعتى والراجل قالى تعالى هركبك مع واحد
ركبنى مع واحد كان مركب عائله وانا اتزنقت معاهم
ونزلى على الكورنيش فى حطه برضو انا مش عارفها
فى الاخر كلمت اخويا قلتله تعالى هاتنى من الحته دى والكلام ده كان الساعه 2 بليل
طبعا فى البيت خدتلى كلام زى العسل

أحمد ربنا بقى انك ولد
تصور الموقف ده حصل مع بنت

المشاركة الأصلية كتبت بواسطة Dr. R KH

أنا بأه كنت في مدرسة مشتركة و الولاد اللي كانوا معانا عمري ما شفت و لا هشوف زيهم
هما طبعا كانوا واخدين راحتهم ع الاخر و احنا يا عيني حريتنا محدودة (مش أوي يعني)
في الاول كانوا محترمين معانا الى حد ما بس بعد كده بلاش
و احنا في سنة أولى ف اخر التيرم الأول(كانوا لسه بيتكسفوا)
كنا عايزين نغيب و لازم كلنا نتفق هما قالوا للمدرسين خليهم يغيبوا قلنالهم لو غابوا هما الاول هنغيب على طول
ماصدقوناش و زهقوا مننا كل يوم يقولوا للمدرسين
دخلنا الفصل لقيناهم كاتبين على السبورة
نرجو من الأخوات عدم الحضور غدا الى المدرسة لأننا لن نأتي

تاني يوم محدش راح لا احنا و لا هما
بعد كده حبوا يضايقونا راحوا كلهم تالت يوم
كنا بناخد دروس مشتركة قامت بنت بيئة كده ب17 رجل قبل ما المدرس يدخل واقفة و هزأتهم و سمعتهم كلام عمري ما سمعته
بس يستاهلو

انا الحمد لله كنا بنات بس اعدادى و ثانوى (كل المدارس عندنا كانت كده)
بس انا عايزة اعرف
ياعنى و فيها ايه لو انتو غبتوا وهما لا

المشاركة الأصلية كتبت بواسطة Dr. R KH

أي خدمة يا نغم كتبت أهه عشان خاطرك و عشان ده
بس مش هقول حاجة تاني الا لما تكملي بردو

تسلمى يا جميل
هكتب حاضر

المشاركة الأصلية كتبت بواسطة د\ الاء

احنا كنا ف درس الاحياء مره
بعدين بنت معانا كتبت ع السبوره قبل ما الاولاد يدخلوا
مغرور ع ايه يابن ادم ده انت من تراب ورايح لتراب
اصلهم كانوا مغرورين اوي دكاتره بئي
فلما دخلوا راح واحد كاتب
خدوا الحكمه من افواه المجانين

انتو كنتو عاملين حرب عصابات ولا ايه
بس حته موقف جامد

المشاركة الأصلية كتبت بواسطة yasssmine

انا هقولكم مزقف انا روحت المدرسه اول يوم لقيت الاستاذ بيقول كشاكيل وحجات من دى ما دخلتش المدرسه تانى

طب احمدى ربنا ان هما بيكلموا ع الكشاكيل بس
احنا عندنا كانو بيكلموا ع لون الجلاد كمان

المشاركة الأصلية كتبت بواسطة yasssmine

ايه يا جماعه لو مش عاجبكم انى اتكلم معاكم اطلع والله الاء روحتى فين

انتى منورة يا جميل
مستنين مواقفك

المشاركة الأصلية كتبت بواسطة nourezz

انا هقولوكوا على حتة موقف كنا فى درس الجيولوجيا ومندمجين باه فى الحصة والمستر مطلع مجلات وصخور وبيفرجنا عليها
وبعدين كان فيه كوباية مايه محطوطة والولد اللى كان معانا فى الدرس زق الكوباية من غير ما يقصد وطبعا غرقنا مايه والدنيا كلها كانت غرقاانة والمجلات بتاعة المستر هههههههه مقلقوش اد ايه المستر كان مصدوووومبس الحمد لله عدت على خييييييييييييير

طب كويس يا نور

درس عملى اهو

ايه اللى يحصل لما الصخور يقع عليها مايا؟؟

[Dr. R KH]

المشاركة الأصلية كتبت بواسطة د/ نـــ غ ـــم

انا الحمد لله كنا بنات بس اعدادى و ثانوى (كل المدارس عندنا كانت كده)
بس انا عايزة اعرف
ياعنى و فيها ايه لو انتو غبتوا وهما لا

فيها ان هما كانوا أكتر مننا و احنا كناغبنا كتير و خايفين على أيام الغياب لتخلص و لازم نتفق عشان المدرسة ترفع الغياب