إلى كل البشمهندسين الجدد

[Eng_lfc]

المشاركة الأصلية كتبت بواسطة banzer

خالي بالك هو قال الكورسات مفيدة في حالة مفهمتيش من الدكتور

وده بيحصل بنسبة 20% او 10% بس

ولو قولنالكو خدو كورسات من اولها حتدخلو وانتو عاملين حسابكو إنكو مش حتفهمو من الدكتور
واللى حيحط كده في دماغكو مش حيفهم من الدكتور مهما كانت جودته


انا مثلاً انا في الترم التاني كورس كيميا
الكيميا بيدهالنا 4 دكاترة كل واحد ربع على مدار الترم
اول واحد عطانا كان مش بيعرف يتكلم غير انجليزي

ولما واحدة طلبت منه مصطلحات عربي قالها عيب عليكي وانتي في هندسة وعايزة تتكلمي عربي

كنت اموت واعرف معنى كلمة formula ايه
كان طول المحاضرة بيتكلم عنها

طلعت في الآخر معناها الصيغة
الصيغة الاولية والتكرارية وما إلى ذلك
مع إنه شرحه كويس وهو مش شديد يعني ولا حاجة
بس مش عايز يفهم إننا ثقافتنا انجليزي

لكن برده متحطيش الكورس حل بديل خالص

اهه نفس دكتور الكيميا بتاع الكورس كان بياخد عنده زميلي وشال المادة !!
انا على الاقل كنت بحضر جزء من المحاضرات وبسمع للرأيين

وامتحان الميدتيرم لبست في سؤالين الحمد لله
عشان سمعت كلام معيد الكورس وقالنا متذاكروش الحتة ده
ولما قولناله قالنا
اعملكو ايه هو كل سنة مش بيجيبها وجابهالكو السنادي وخلاص اللى حصل حصل

بما انك فى اسيوط
و انا جاى هندسة اسيوط فقولى عن الدكاتره هناك
يعنى شرحهم مبسط و لا لأ و متعبين زى كليات كتير و لا لأ
بس و انت كنت بتاخد كرسات ؟

[BaNZeR]

المشاركة الأصلية كتبت بواسطة محمد بكر

بما انك فى اسيوط
و انا جاى هندسة اسيوط فقولى عن الدكاتره هناك
يعنى شرحهم مبسط و لا لأ و متعبين زى كليات كتير و لا لأ
بس و انت كنت بتاخد كرسات ؟

لأ الدكاترة معظمهم هناك تمام
ولما يجوك الدكاترة حنبقى على تواصل وحاقولك مين كويس ومين شرير

عشان مش كل دكتور بيدي كل المجموعات

انا مخدتش غير في الكيميا والرياضة الترم التاني بس
الرياضة ورطني فيها واحد قالي مجموعتنا ناقصة واحد وتعالى كملنا
بس هو اساساً دكاترة الرياضة كويسين جداً