مين علوم الاسكندرية؟؟؟؟؟؟؟؟

[محمد.فوكس]

المشاركة الأصلية كتبت بواسطة nogha

يا مسهل
انا اصلا مش عرفة امتى اول يوم فى الدراسة و هل اول يوم حنروح محرم بك و اللا الشاطبى؟
اى حد يعرف اى حاجة يرد علينا الله يكرمكم
هو اول يوم في الدراسة يوم 26 سبتمبر بس طبعا بالنسبالنا اول اسبوع هيصة و كله تايه و محدش فاهم حاجة.
ربنا يستر
و اصبروا يا جماعة مش يمكن نتيجة التخصصات تكون مرضية و فعلا يجيلنا اللى احنا عوزينه
يمكن ليه لأ؟
فعلا الواحد امله في ربنا كبير لأن حصلت معايا حاجات كتير كان املي فيها ضعيف و ربنا وفقني فيها.
يعنى هو ذنب الطلبة ان فيه قسم فاضى؟
مكنوش فتحوه من الأول اصلا
و مين سمعك..انا بقول كده من الصبح.
انا شايفة اانا من حقنا بالنظام الجديد نختار القسم اللى احنا عوزينه و مش مشكلتنا بقى القسم فاضى و اللا زحمة
اه حقنا و في معيد اكدلي ان النظام بيدينا الحق نختار بس شكلهم كده بيستغفلون..و الاقسام الفاضية يسيبوها فاضية احسن ما يملوها بطلبة مش عايزنها.
الكلية مليانة فلوس و يقدروا يكبروا امكانيات الأقسام
شوفو بس فى السامر كورس
لموا من كل طالب 100 جنيه للساعة المعتمدة يعنى لو حد معاه مثلا حيوان 3 ساعات و نبات 3 ساعات كدة دفع 600 جنيه
و ياسلام لو اتأخر اسبوع يبقى غرامة 50 جنيه
انا و الله مش قصدى اعدلهم فى الفلوس و كدة بس عيزة ااكد انهم معاهم فلوس و اللى بيقولوه انه مفيش امكانيات ده مش صح

اوكيه احنا عددنا كبير شوية بس مدام الكلية قبلت العدد ده يبقى معناه ان طاقتها تستحمل.
و بعدين عمالين يقولولنا لما تختار تختار على اساس اللي بتحبه و سوق العمل ما تسيبونا نختار طيب.ولا عايزين تعملو مكتب التنسيق كلاكيت تاني مرة.

المشاركة الأصلية كتبت بواسطة 3loom _alex

من رأيي انهم مش هيقدروا يخلوا قسم الكيمياء بفلوس ....عشان مينفعش يبقى فيه طلاب معانا داخلين القسم ده بتقديرهم و ناس دافعه فلوس في القسم ده ....يعني مثلا في تجارة في حد يقدر يتخرج من تجارة انجليزي و هو دافع فلوس و واحد تاني مش دافع ؟؟؟!!
او عندنا في قسم جيولوجيا البترول ..برده لازم كل اللي دخلوا يبقوا دافعين...يعني قصدي ان خرجين كيمياء يبقوا زي بعض ...
انا بالنسبالي ادفع فلوس و ادخل احسن ما ادخل قسم تاني لكن يبقى اخر الحلول..بس بالنسبة لتجارة انجليزي دي زي جيولوجيا البترول من الاول معروف انه كله بفلوس لكن يختلفوا تمام عن قسم الكيمياء
وبعدين مش كل الناس هتموت على كيميا اوي ...فيه عايزين برمجه و حاسب عندنا ..و فيزياء كمان ..بيولوجي مثلا فيه كيميا حيويه او مايكروبيولوجي ...وان شاء الله خير و كل واحد يدخل القسم اللي عايزه

و الله يا ريت يكون الكلام ده صح بس انا شايف ان اللي عايزين حاجات غير كيمياء قليلين في كل الشعب..ياريت اكون غلطان عشان الضغط يخف على الكيمياء و لو اني مصمم ان سواء في ضغط او مفيش من حقنا ندخل اللي احنا عايزينه.
بالمناسبة انتي كتبتي اول حاجة ايه؟

المشاركة الأصلية كتبت بواسطة 3loom _alex

و بعدين هو مش مبنى طريق الحريه ده مبنى قسم الكيميا
بس مش كل دراسة قسم الكيمياء في طريق الحرية في كتير في محرم بك طبعا في معامل في و محاضرات.
.......يعني ايه طيب امكانيات القسم مش هتكفي ؟؟! انا بيتهيألي ان اكتر قسم ممكن يقبل عدد كبير هو الكيميا ...

صح طب ما دفعتنا السنادي كنا كلنا بناخد كيمياء كل الشعب ما القسم استوعبنا اهو...ممكن بس لو في مشاكل عدد السكاشن و المجموعات يزيد و خلاص.
و السنين اللي فاتت بالنسبة لعلوم طبيعية بالذات كانو و هم داخلين تانية يختاروا بين أ1(فيزيائية رياضية) و أ2(فيزيائية كيميائية)..و كان اللي بيختار حاجة بتجيله من غير كلام يعني اللي يختار أ2 يبقى ضمن يا كيمياء فيزياء يا كيمياء سبيشيال.
و طبعا قسم الكيمياء اكبر قسم و اكبر هيئة تدريس و اكبر ميزانية.
يا رب ندخل كيمياء و كل واحد عايز حاجة يدخلها!!