الافحام لمن قال ان الصيدلى بقال

[Dr.KaJoo]

من أكثر الشبهات شيوعا حول مهنة الصيدله هى تشبيه الصيدلى بأنه بقال و من

الناس من يقول هذا محاولة منه لتحقير هذه المهنه بدافع الحقد على الصيادله لما يتمتعون به من مكانه اجتماعيه طيبه واحترام بين الناس وهؤلاء مرضى القلوب الذين مهما

تناقشت معه حول هذه النقطه وجدته لا يقتنع أبدا وهذه طبيعه موجوده فى كل المجادلين بالباطل ,ولذلك أنا لا أرد على هؤلاء انما أكتب فى هذا الموضوع بسبب أن كثير

من الناس العاديين بدأو يقتنعوا بأن الصيدلى بقال لدرجه وصلت الى عزوف بعض

الطلبه عن دخول كلية الصيدله بسبب هذا القول تصوروا ....؟؟؟؟



- والله يا جماعه ده بيحصل ,وبنت زميلتي كلمتني أنها متردده فى اختيار كلية الصيدله بسبب ما يقال عن الصيدلى أنه بقال وتطلب منى الرد على

هذا .

- اذن اتفقنا أن ردى سوف يكون على الناس الذى التبس عليهم الأمر وليس على

مرضى القلوب ,وفى حقيقة الأمر لن أبنى ردى على أساس أن مهمة الصيدلى الأساسيه هى تركيب الدواء أو تصنيعه أو اختراعه لأن هذا قلما يمارسه الصيدلى فى بلادنا

العربيه



- لكن الذى لايعرفه الكثيرون هوأن مايقوم به الصيدلى من صرف الدواء واعطاء المعلومات الخاصه به للمريض سواء عن الجرعه أو طريقة الاستخدام أو الأعراض الجانبيه هوجزء من تعريف ممارسة مهنة الصيدله أصلا.



- التشبيه بالبقال بسبب أن البقال يبيع سلعه يطلبها منه الزبون وهذا يحدث أيضا مع الصيدلى ومع بائع السيارات ,الجرائد , الساعات ,التحف الأثريه ,الذهب ........الخ فلماذا الاصرار على تشبيه الصيدلى بالبقال دون كل هؤلاء ؟؟؟؟ صدقتونى أن الأمر فى أساسه ليس الا نوع من أنواع الحقد على الصيادله ومحاوله للتقليل من شأنهم .



- الصيدليه مثلها مثل أى منشأه تجرى بداخلها تعاملا ت ماديه العميل يدفع قدر من

المال مقابل الحصول على خدمه معينه واذا وضعنا هذه القاعده فستجد أنها مشتركه

بين الصيدلى والبقال وشركات المحمول والمستشفيات والملاهى وغيرها ...مع اختلاف

نوع الخدمه التى يحصل عليها العميل مقابل ما يدفعه من مال .



وأخرحاجه أقولها فى هذا الموضوع هى اذا كان اللصيدلى بقال علشان بيبيع الدواء اذن هوأيضا طبيب طوارىء علشان الحالات الطارئه التى يقوم بعمل الاسعافات الأوليه لها والتى أحيانا تكون هى السبب فى انقاذ المريض من الموت أو تدهور حالته , و هو أيضا ممارس عام يقوم بوصف الدواء للمرضى فىالحالات المرضيه العامه التى لاتحتاج الى تخصص أويوجه الناس الى التخصص الطبى المناسب لشكواههم المرضيه .كل هذه الحالات يتشابه فيها عمل الصيدلى مع غيره فى بعض الأوجه فهل هذا معناه أنه انسلخ من طبيعة مهنته الأصليه؟؟ أترك الرد لكم

[DR/ASMAA]

شكرا جزيلا لك يادكتور على الموضوع
لانه فعلا بيناقش قضيه كبيره وبيرد على الظلم اللى بيقع على كل دكتور صيدلى
بجد مشكور

[Bent 3bdo]

علشان نخلص م الموضوع ده
ف الاول و الاخر
اسمنا دكاترة
اللى عاجبه عاجبه بقى
واللى مش عاجبه يتفلق
لو هنمشى ورا كلام الناس مش هنخلص

[Dr/sooma]

جزاك الله خيرا على الموضوع المهم ده

فعلا لازم الناس كلها تغير مفهومها عن الصيدله ويعرفوا ان كليتنا بتتصنف كثاني صناعة استراتيجية على مستوى العالم بعد صناعة السلاح وهي صناعة الدواء لأن مفيش حد يقدر يستغنى عنها وتعتبر صناعه راقية و متطورة و مؤثرة على اقتصاديات الدول .
وبالنسبة لوصف الصيدلي بالبياع وان الصيدلة بقت تجارة وناس كتير بتعتبرها كده ممكن أقول ان التجارة مش عيب لأن الرسول (صلى الله عليه وسلم) كان بيعمل في التجارة وكمان بعض الأنبياء المهم تكون مش حرام وممكن الصيدلي يجني كنوز من الحسنات يكفي انه يبتسم في وجه المريض وكسب أجر الصدقة وزي ما قال الرسول (صلى الله عليه وسلم) ((خير الناس أنفعهم للناس ))
و ميزة دراسة الصيدله انها بتشمل مجالات كتير زي الطب و الكيميا والفيزيا والزراعه وكل ده بيوسع مدارك الطالب و بيكون انسان متفتح وصاحب رؤية وهدف
ده كان رأيي و ياريت نحاول يكون لينا هدف من الدراسة دي مش انك تفتح صيدلية لما تتخرج وتكون دي أقصى طموحاتك وتكون على اقتناع تام انك هتبقى حاجة كويسة وتقدر تعمل تغيير
ولو عايز تغيير لازم تصبر كتير

[Dr.KaJoo]

المشاركة الأصلية كتبت بواسطة د/ نـــ غ ـــم

علشان نخلص م الموضوع ده
ف الاول و الاخر
اسمنا دكاترة
اللى عاجبه عاجبه بقى
واللى مش عاجبه يتفلق
لو هنمشى ورا كلام الناس مش هنخلص

ايوه كده هو ده الكلام

بس كده انا هبدا اخاف منك

انتى شريره ؟!!

[Dr.KaJoo]

المشاركة الأصلية كتبت بواسطة dr/sooma

جزاك الله خيرا على الموضوع المهم ده

فعلا لازم الناس كلها تغير مفهومها عن الصيدله ويعرفوا ان كليتنا بتتصنف كثاني صناعة استراتيجية على مستوى العالم بعد صناعة السلاح وهي صناعة الدواء لأن مفيش حد يقدر يستغنى عنها وتعتبر صناعه راقية و متطورة و مؤثرة على اقتصاديات الدول .
وبالنسبة لوصف الصيدلي بالبياع وان الصيدلة بقت تجارة وناس كتير بتعتبرها كده ممكن أقول ان التجارة مش عيب لأن الرسول (صلى الله عليه وسلم) كان بيعمل في التجارة وكمان بعض الأنبياء المهم تكون مش حرام وممكن الصيدلي يجني كنوز من الحسنات يكفي انه يبتسم في وجه المريض وكسب أجر الصدقة وزي ما قال الرسول (صلى الله عليه وسلم) ((خير الناس أنفعهم للناس ))
و ميزة دراسة الصيدله انها بتشمل مجالات كتير زي الطب و الكيميا والفيزيا والزراعه وكل ده بيوسع مدارك الطالب و بيكون انسان متفتح وصاحب رؤية وهدف
ده كان رأيي و ياريت نحاول يكون لينا هدف من الدراسة دي مش انك تفتح صيدلية لما تتخرج وتكون دي أقصى طموحاتك وتكون على اقتناع تام انك هتبقى حاجة كويسة وتقدر تعمل تغيير
ولو عايز تغيير لازم تصبر كتير

ايوه فعلا يا دكتوره المفروض طموحنا يبقى اكبر من كده
بس اقول ايه ( انتى فى مصر )

[Dr.M0hamed]

معظم اللي بيقول كدة جاهل لكن اللي يضايق لو دكتور وبيقول كدة هو دة فعلا الحقد !

[totta2010]

افهم من كلامكم ان كل اللى يهمكم الالقاب وبس (سورى ) تبقوا انتوا اللى جهلة مش الناس اللى بتقول عليكم بقالين

[sohila hisham]

بجد شكرا على الموضوع ده
لان فعلا الواحد بيسمع كلام زى ده من اللى يسوى و اللى ما يسواش

[Drsara]

المشاركة الأصلية كتبت بواسطة Dr/sooma

جزاك الله خيرا على الموضوع المهم ده

فعلا لازم الناس كلها تغير مفهومها عن الصيدله ويعرفوا ان كليتنا بتتصنف كثاني صناعة استراتيجية على مستوى العالم بعد صناعة السلاح وهي صناعة الدواء لأن مفيش حد يقدر يستغنى عنها وتعتبر صناعه راقية و متطورة و مؤثرة على اقتصاديات الدول .
وبالنسبة لوصف الصيدلي بالبياع وان الصيدلة بقت تجارة وناس كتير بتعتبرها كده ممكن أقول ان التجارة مش عيب لأن الرسول (صلى الله عليه وسلم) كان بيعمل في التجارة وكمان بعض الأنبياء المهم تكون مش حرام وممكن الصيدلي يجني كنوز من الحسنات يكفي انه يبتسم في وجه المريض وكسب أجر الصدقة وزي ما قال الرسول (صلى الله عليه وسلم) ((خير الناس أنفعهم للناس ))
و ميزة دراسة الصيدله انها بتشمل مجالات كتير زي الطب و الكيميا والفيزيا والزراعه وكل ده بيوسع مدارك الطالب و بيكون انسان متفتح وصاحب رؤية وهدف
ده كان رأيي و ياريت نحاول يكون لينا هدف من الدراسة دي مش انك تفتح صيدلية لما تتخرج وتكون دي أقصى طموحاتك وتكون على اقتناع تام انك هتبقى حاجة كويسة وتقدر تعمل تغيير
ولو عايز تغيير لازم تصبر كتير

aشكرا يا سومة على ردك وهوفعلا رد نشكرك علية شكراا جزيلا ويارب فعلا تكونى حاجة حلوة ات شاء الله ولازم نكون معانا كلنا حكمة الامام الشافعى --------------------------

[Dr/sooma]

لا شكر على واجب يا دكتور سارة
وربنا يوفقنا جميعا عشان نقدر نعمل حاجة مفيده وكل واحد يحقق اللي بيتمناه