كليه العلوم

[Nogha]

ممكن اسألك سؤال ياnogha
حضرتك كنت بتذاكرى زى الثانوية العامة ولا اقل
يعنى حصلتى على جيد مرتفع ازاى كنت ساعات بتهملى ولا كنت بتذاكرى بضمير
اصل انا داخل اولى علوم وان شاء الله داخل شعبة جيولوجيا ومش عارف اى معلومات عن طريقة المذاكرة

بصراحة انا اهملت جامد فى الترم الأول و هو ده اللى قلل تقديرى لأى جايبة الترم 1 لوحده جيد مرتفع اما الترم 2 لوحده فجيد جدا بس طبعا السنة على بعضها جيد مرتفع للأسف و على فكرة التقدير ده مش حلو
عيزة اقولك ان و الله بجد سهل جدا تجيب تقدير و عالى كمان و الامتياز ساهل جدا
حقولك مشكلتى علشان لا تقع فيها
مشكلتى الترم 1 انى كنت بذاكر بنفس طريقة الثانوية العامة و طبعا ده غلط و مكنتش ببيض محاضرات و دى اهممممممممممم حاجة لأن تبييض المحاضرات ده يعتبر عالأقل من وجهة نظرى 80% من المذاكرة و بعد كدة قراءة المحاضرة بتمعن 5% و خلى 5% للتطبيق او حل الأسئلة و 10% حضور المحاضرات او السكاشن (شرح الدكاترة يعنى)
الحمد لله لحقت نفسى الترم 2 رغم انى كنت متأخرة و على فكرة انا حسة ان مدة مذاكرتى فى الكلية اقل من الثانوية بس لازم يكون فيه تركيز و دى بتختلف من شخص لآخر يعنى انا اعرف ناس خلاص من المحاضرة ممكن يدخلو الامتحان بس انا عن نفسى لازم ابيض و اقرأ و اطبق عالمحاضرة كمان
يعنى الترم 1 فعلا اهملت فيه بس لحقت نفسى الترم 2 فحاولوا يا جماعة بجد تجتهدوا من اول يوم و لكل مجتهد نصيب و ربنا مبيضيعش مجهود حد
اهم حاجة تلغوا فكرة الغياب دى يعنى من اول يوم حضور المحاضرات و السكاشن و بدون تأخير
و ياريت تحاولوا تبنوا علاقة مع الدكاترة لأن فعلا احلى حاجة انك تصاحب الدكتور و الدكاترة و الله طيبين و بيعتبرونا ولادهم
تبييض المحاضرات اول بأول و بلاش تأجلهم حتى لتانى يوم حتى لو اجازة لأن المعلومات فمخك بتكون لسا طازة صاحبوا الأخيار المجتهدين و ابعدوا عن الفشلة و الفاضيين و اللى طول الوقت مزوغين لأنهم ناس مفيش هدف حطينه فابعدوا عنهم
و طبعا اهم حاجة
الصلاة الصلاة الصلاة
اعرف فين المسجد و وقت ما تكون فاضى و مفيش محاضرة روح صلى

و اى استفسار تانى احنا ان شاء الله فى الخدمة