|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
15-08-2009, 05:53 PM
|
||||
|
||||
ورجعنالكم مرة تانية بعد الفاصل جات لنا اس ام اسز كتير وبيقولولى كمل  حاضر يا جماعة هكمل اهو وتكملة للمواقف """""""""""""""" المسروق طعمه احلى ( ومحدش يعلق ) .. دا موقف مش هنساه يا جماعة لان الكوكتيل لسة بينقح عليا كان فى اخر الشارع عندنا واحد عنده بيت ادام البيت دا جنينة فيها يوسفى وجوافة وحاجات من دىالمهم الجنينة دى مكانش حواليها سور .. فطبعا انا وشلة المتشردين مبنسيبش حاجة كدا الا لما نعلم عليها ايام طرح الجوافة كنا بنخرج فى وضح النهار وعلى مرئى ومسمع من الجميع نطلع الشجر ونجيب منها الجوافة .. وطبعا وبما اننا هاديين جدا مكناش بنجيب ونمشى لا بنادى على صاحب البيت كان اسمه ميمى .. طبعا فى بداية الامر بنادى ونقول يا استاذ ميمى ميردش نقولله يا ميمى ميردش اعمله ايه نقولله يا واد يا ميمى ( لسانى كان طويل قولتلكوو ) .. طبعا على ما يخرج يبص م البلكونة ويشتم فينا وحنا بردو مبننزلش الا لما ينزل اوام ننط من الشجر ونجرى وطبعا كعادة كل يوم يروح يقول لماما او بابا او حد من العائلة الكريمة ماما تقوللى يبنى ما كل الفاكهة هنا اهى قول اللى انت عايزه ونا اجيبهوله ونا اقوللها لا المسروق دا طعمه حلو .. المهم تقول لاخواتى او لبابا فطبعا يقومو بالواجب وطبعا بردو مكونتش بهمد .. المهم فى يوم .. طلعنا على الشجر وندهناله بردو ( يا واد يا ميمى) وكالعادة يطلع يشتم بس المرادى حصل حاجة ونا بنزل من الشجرة البنطلون شبك فى فرع ومعرفتش انزل .. احاول انزل معرفش وطبعا ميميى باشا ما صدق فراح نازل بسرعة ونا طبعا مرعوب بسرق من شجره وبشتمه كمان .. فى الوقت دا اخويا الكبير كان معدى فقام ميمى باشا ندهله .. ومسكنى متلبس ومعايا دليل ادانتى جوافة خضرا وزن ربع كيلو مرة المزاق لا تسمن ولا تغنى من جوع .. وكما عودناكم فى السابق ان كل موقف بينتهى بعلقة متينة اخويا قام بالواجب على مرئى ومسمع اللى فى الشارع وفى النهاية ولا اثر فيا وكملت ....... .. بس خلاص كبرنا بقا على الحاجات دى ::::::::::::::::: هقول اخر موقف علشان ندخل فى مرحلة التعليم بقا نوم العافية يا حبايبى .. من المعروف عند كل الناس ان كتب زمان كان في الفة بينها وبين الانسان اللى بيذاكر .. الألفة دى كانت عندى اخواتى وهما صغيرين كل واحدة فيهم تمسك الكتاب بالليل والالفة تشتغل .. مفيش نص ساعة والنوم يكبس .. طبعا انا كنت مذبهل واقول بينامو ازاى ونا مش عارف اصلا هما بيعملو ايه وطبعا كل مرة بقوم بدورى .. حيث انى توليت امرهم ومع كل نومة عميقة فى كوباية مية واقوم بدورى كرجل اطفاء النوم واخماده والاستعاضة عنه بفوقان وروقان .. وطبعا اخواتى بيحبونى فيقومو علطول يروحو لبابا ويقولوله ابنك دا بيرش علينا مية وحنا بنذاكر .. وطبعا اقولله دول كانو نايمين وبصحيهم يقوم ضاربنى ويقوللى متقعدش معاهم علشان بيذاكرو وكدا وطبعا انا مش بسيب حقى .. فقولت لازم اكشفهم .. ففيوم كانو بيذاكرو وحصلت الالفة بردو ونامو فقومت رايح لبابا وقولتله تعالى شوف ولادك وطبعا دخل عليهم لقا الالفة شغالة تمام .. فصحاهم طبعا وكلمتين تهزيق علىى اهانتين على مش عارف ايه ونا اضحك بقا اخدت بطارى ههههه  وياريتنى ما اخدت  .. بعدا ما بابا ادالهم اللى فى النصيب قامو بالواجب معايا انا .. مفتريين اخواتى دوول :::::::::: """""""""""""""""""""""""""""""""""""
هكتفى بشوية المواقف دول بس فى حاجة حاسس انى طولت فى البتاع ده والناس زهقت وعايزين حد جديد .. فنا بقول لو عايزنى اكمل هكمل ولو مش عايزين يبقا شكرا على المتابعة لحد كدا ونتفرج على شقاوة حد تانى واكيد بردو انا متابع .. دمتم فى رعاية الله
__________________
 ......استودعكم الله الذى لاتضيع ودائعه.... ....closed 4 ever
آخر تعديل بواسطة ..Just Stop ، 15-08-2009 الساعة 06:01 PM |
|
#2
15-08-2009, 06:06 PM
|
|||
|
|||
|
ههههههههههههههههه ايه الشقاوه دي كلها
لا بجد كنت شقي جداا واكيد طبعا مستنين حضرتك واظن ان الكل مستني حضرتك تكمل  مستنين الباقي ان شاء الله عايزين نشوف باقي المواقف مفيش موقف مش يكون نهيته علقه كده ربنا يوفقك يارب يلا احنا مستمتعين والله في رعاية الله
__________________
.الحمد الله .  |
|
#3
15-08-2009, 07:00 PM
|
||||
|
||||
|
بجد موضوع تحفه
جميل بجد وبعدين ايه الهدوء ال انتوا فيه ده ما شاء الله فاهمين الهدوء غلط على فكرة  اقتباس:
آخر تعديل بواسطة Łosт Mεмoяч ، 15-08-2009 الساعة 08:40 PM |
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 02:59 PM.
