نداء لكل الحاسوباتيين

[el saher dodo]

بسم الله الرحمن الرحيم

السلام عليكم ورحمة والله وبركاته


انا حبيت اعمل الموضوع دا كا قتراح بس مش اكتر

أنا بقترح على اللى ف كلية حاسبات بالفعل اننا مثلا ممكن نشرح اجزاء بسيطة من المناهج

هاتبقى حاجت بسيطة اوووى طبعا لاننا لسة ف أجازة بس عشان اللى داخلين يبقى عندهم فكرة اكتر عن المنهج

وانا شايف ان فى ناس كتير ف حاسبات ومعلومات فعلا

اكيد هانحتاج مساعداتهم طبعا


لو موافقين ع الفكرة انا مستعد ابدأ من بكرة كمان لو حبيتوا

واى حد ف حاسبات طبعا يبدأ معايا

يلا مستنى اشوف ارائكوااااا

[~: Zac :~]

فكرة جميلة جدا ربنا يوفقك واحنا معاك ان شاء الله

[الاسطورة]

ابدأ يا دودو ابدأ
بس لو مش شرحت كويس ها اضربك لما اقابلك ف الكلية

[el saher dodo]

هههههههه

هو حضرتك المنصورة؟؟؟؟

يا اسطورة؟؟؟


وبعدين فين الاراااااااااء يا شباب؟؟

[E/GOGO]

فكرة حلوة اوى
وبجد هتفدنا نكون عارفين حاجات فى المنهج قبل مندخل
واحنا شاء الله معاك

[الاسطورة]

المشاركة الأصلية كتبت بواسطة el saher dodo

هههههههه

هو حضرتك المنصورة؟؟؟؟

يا اسطورة؟؟؟


وبعدين فين الاراااااااااء يا شباب؟؟

ههههههههههههه اه منصورة
حضرتى اه
بس اما تعرف انا مين
بس مش ها اقولك
حاول تعرف لوحدك

[bluestorm]

والله فكره حلوه ربنا يوفقك

[el saher dodo]

أوك يا جماعة

خلاص ان شاء الله النهارده بالليل هانزل اول جزء

وان شاء الله هايعجبكوا

[el saher dodo]

بسم الله الرحمن الرحيم



انا يا جماعة هابدأ بمادة علوم الحاسب

علوم الحاسب بسيطة جدااااااااا وجميلة جداااااا وهتحبوها اوووى

هيا بتتكلم طبعا عن الكمبيوتر ووحدات القياس فيه والانظمة العددية وكيفية تحويل من نظام لنظام اخر

بس انا مش هبدأ بالانظمة العديية

انا هبدأ بالكمبيوتر الاول وحاجات سهلة كدة

الكمبيرتر يا شبات هو ممكن نعتبره انسان ( نعم يا خويا ؟؟؟ انسان ازاى يعنى ؟ هتضحك علينا )

لا استنوا بس

جسم الانسان مش فيه حاجات اساسية؟؟؟ واطراف؟؟؟؟

حد ممكن يستغنى عن الحاجات الاساسية؟؟؟؟ بس ممكن نستغنى عن الاطراف صح؟؟؟

هو دا الكمبيوتر بالضبط فيه حاجات اساسية مش ممكن نستغنى عنها وفيه وحدات طرفيه ممكن نستغنى عنها

(بص احنا مش فاهمين منك حاجة لخص مش فاضيين ) أووووووووووك

بصوا يا حاسوباتيين


الكمبيوتر بيتكون من حاجتين اتنين



Hardware & software



طيب نتعرف الاول على hardware

الهارد وير بكل بساطة هو اى حاجة تقدر تلمسها تلمسها تلمسها وبركز عليها

اى حاجة تقدر تلمسها اسمها هاردوير

زى الشاشة – الكيبورد – الماوس – السماعات اوك؟؟؟

طيب و software

السوفت وير بقى دى اى حاجة انت ما تقدرش تلمسها (نعم؟؟؟ وهو ف حاجت معرفش المسها) اه والله

زى البرامج – برنامج ال word تعرف تلمسه ؟؟؟؟ وهكذا بقة

لغاية كدا تمام صح؟؟؟؟

طيب نتعرف بقى على مكونات ال hardware

اولا ال in put devices دى وحدات الادخال

دى اى حاجة تقدر تلمسها وتستخدمها لادخال البيانات للكمبيوتر

اه فى هنا واقفة الاول
( انت قلت بيانات يعنى ايه الكلمة دى؟؟؟ )
بصوا البيانات دى هى عبارة عن المادة الخام - الاصل – بمعنى اصح الصفر والواحد
وبتبقى عبارة عن ارقام وحروف ورموز .......
(انت بتضحك علينا ؟؟ مانت قلت صفر وواحد ) انا مش بضحك عليكوا فعلا صفر وواحد لان كل حرف او رمز بيبقى ليه رقم معين الرقم دا بيتحول للنظام الثنائى اللى هو الصفر والواحد ( فهمتوا )

يبقى تانى اول حاجة وحدات الادخال اللى بنستخدمها لادخال البيانات
زى الماوس - الكيبورد – ال light pen القلم الضوئى



ثانيا output devices وحدات الاخراج

دى اى جهاز بنقدر نلمسه وبنستخدمه لاخراج بيانات ( غلللللللللط كلمة بيانات هنا ) حد عارف ليه..؟
لاننا بندخل للكمبيوتر البينات وبيطله منه معلومات والصح اننا نقول بقة

دى اى جهاز بنقدر نلمسه وبنستخدمه لاخراج معلومات

زى الشاشة – الطابعة – السماعة – البلاتر ( ودا زى الطابعة بس بيطله منه الحجم كبير مش ورق صغير )

ودا شرح لكلامى






ثالثا ال CPU المعالج

اختصار للكلمة central processing unit وحدة المعالجة المركزية

دا اللى جواة بتتحول البيانات لمعلومات واضح كدة ؟؟؟


طيب ف حاجة بقى اسمها
Input & out put devices
وحدات ادخال واخراج معا

بصوا ابسط حاجة فيها الموبايل الصينى شوفتوا الشاشة بتاعته؟؟
بتدخلها بيانات صح؟؟؟ بالقلم الصغير دا ( باللمس يعنى )
وبيخرج منها معلومات ع الشاشة صح

دا مثال ليها واسمها العلمى بقى touch screen شاشة اللمس

بالنسبة للشاشات فيه نوعين منها كمان
الاولى اسمها LCD زى اللى موجوده ف اللاب توب ودى اختصارها Liquid Crystal Display

والتانية CTR ودى اختصار ل cathode tube rays انبوبة اشعة الكاثود ودى اللى موجوده عندنا ف البيوت

ف حاجة كمان اسمها وحدات طرفية peripheral devices وحدات طرفيه

زى الفلاشة مثلا مش الكمبيوتر ممكن يشتغل بدونها؟؟ دى وحدة طرفية

كدة اكون خلصت جزء الهاردوير










ان شاء الله هشرح السوفت وير كمان هو اسهل طبعا

وهتفهموه

بس انا عاوز الاول اعرف ارائكوا ف الشرح واستفسارتكوا طبعا

[موني دياب]

لا بجد شرح جااااااااااااااااااااااااااااااامد قوي ومستنييين منك السوفت وير
مرسيه ليييييييييييييييييييييييييييييييك قوي

[emytone]

شرح ممتاز
بس أنا عندى سؤال هو الموضوع ده شرح للطلبة اللى لسة هايدخلوا سنة أولى يعنى ولا فى شرح لسنوات أكبر ولا من غير تحديد هى مواضيع شرح للتوضيح بغض النظر عن السنة الدراسية

[el saher dodo]

دا للى داخلين سنة اولى لسة

وشكرا على ارائكوا طبعا

[E/GOGO]

بجد تسلم
شرحك مية مية
وجزاك الله خير انك بتساعدنا المساعدة الجامدة دى
وان شاء الله مستنين المزيد

[الاسطورة]

جامد يا دودو
الدكتور مجدى زكريا عامل شغل
مستنيين القادم

[el saher dodo]

جامد يا دودو
الدكتور مجدى زكريا عامل شغل
مستنيين القادم

ماشى يا مودى صح ولا ؟؟؟؟؟؟؟


يلا يا شباب اللى عنده اى استفسار ف الجزء اللى فات

عشان بكرة ان شاء الله هاكمل الباقى