ميعاد التقدم لكلية اعلام

[المريمية]

يا جماعة امتى ميعاد التقدم لكلية اعلام انا كل اصحابى تقريبا فى باقى الكليلت قدموا اوراقهم فياريت لو حد يعرف يقولى امتى ميعاد التقدم والكشف الطبى

[roupy]

التقديم مفتوح بقالو كام يوم ممكن تروحى في اى يوم الصبح وتقدمى وتاخدى استمارة الكشف الطبي
انا رحت قدمت يوم الحد وعملت الكشف الطبي النهارده
ربنا معاكى ياقمر

[المريمية]

المشاركة الأصلية كتبت بواسطة roupy

التقديم مفتوح بقالو كام يوم ممكن تروحى في اى يوم الصبح وتقدمى وتاخدى استمارة الكشف الطبي
انا رحت قدمت يوم الحد وعملت الكشف الطبي النهارده
ربنا معاكى ياقمر

شكرا ياروبى على الرد لكن استفسار بسيط ازاى روحت كشفتى وهما قالولى الكشف الطبى يوم 11 واستفسار اخير التسجيل يوم ايه

[roupy]

بصي هو انتى شكلك لسه منزلتيش الكليه
لانك لو نزلتى كان زمانك قدمتى وكمان كنتى هتلاقي يفطه مكتوب عليها (ميعاد الكشف الطبي من 1\8 الى 1\10 تقريبا فهو ابتدى خلاص وناس كتير عملوه وانا عملتو
بس تسجيل ايه انا مش فاهمه قصدك
لو قصدك ع التقديم يعنى وملى الاستماره فهو مفتوح من يوم الحد زى مقلتلك
واى خدمه ياقمر

[المريمية]

اولا شكرا على التوصل ياروبى ثانيا انا نزلت وقدمت بالفعل لكن شئون الطلبة قالتلى الكشف يوم 11 وميعاد التسجيل قصدى بيه تسجيل اليوم اللى تودى فيه الكشف الطبى وتختارى المواد الاختيارية لان فى مواد اختيارية انت اللى بتختاريها مستنية ردك

[roupy]

بصي يا مريميه هو بصراحه انا مش قادره افهم حكاية الكشف الطبي ازاى هما قالولك كده ومع ذلك لما رحت قدمت يوم الحد اللى فات قالولى روحى بكره او بعده وياريت تكونى اخدتى بالك من اليفطه اللى قلتلك عليها بس عادى بقي مش هتفرق تروحى امتى زى ماهما قالولك وخلاص
بس على فكره مافيش تخصص ولا مواد اختياريه في اولى بندرس مقدمات في كل التخصصات (صحافه واذاعه وتلفزيون وعلاقات واعلانات) فمافيش اى مواد اختياريه خالص عملتها ولا طلبوها منى الا بقي لو كنتى انتى قسم انجلش ممكن يكون الموضوع مختلف لان انا قدمت عربي
وعموما الكلام الى بقولهولك ده كله مش كلامى ده كلام الناس بتوع شئون الطلبه وكمان الطلبه بتوع تانيه وتالته ورابعه واعضاء اتحاد الطلبه يعنى كلام موثوق فيه وكلهم بيأكدو نفس الكلام .
بس قوليلي انتى مين اللى قالك على الكلام ده بتاع المواد الاختياريه ؟