هيا ايه حكايه التعليم المفتوح دا

[ماهينور 2]

ياريت كلامك يكون منطقى ومتحاولش تكلم الناس من الجانب العاطفى ازاى يكون واحد فقير مش قادر ياخد دروس خصوصيه ومعاه فلوس يقدر يقدم بها فى كليات التعليم المفتوح وانت بنفسك قلت انها بفلوس وقلت ان الطالب اللى جايب 50% معهوش فلوس حتى للدرس العادى يعنى مش معقول كل طلبة مصر بتاخد دروس خصوصيه ماكان فى دروس مجاميع عامه واعتمد عليها كثيرا من الطلاب انا حاسس من كلامك ان انت مش لاحق حاجه غير التعليم المفتوح عشان كده بدافع بكل قوه عن هؤلاء الطلاب وكأن اصبح من يملك بعض المال هو المذنب الأول وان الجامعه يجب عليها لو رضخت لهذه الأراء ان تجعل تنسيق معين للفقراء وتنسيق للطبقه الوسطى وتنسيق قاتل للأغنياء يريت تتكلم بحياديه وتقف موقف وسط







كلامك كله منطقي وفعلا هي دي وجهه نظري بالظبط
ومع ذلك كل واحد له راي يجب ان بحترم

[ابن العمده]

المشاركة الأصلية كتبت بواسطة ماهينور 2

ياريت كلامك يكون منطقى ومتحاولش تكلم الناس من الجانب العاطفى ازاى يكون واحد فقير مش قادر ياخد دروس خصوصيه ومعاه فلوس يقدر يقدم بها فى كليات التعليم المفتوح وانت بنفسك قلت انها بفلوس وقلت ان الطالب اللى جايب 50% معهوش فلوس حتى للدرس العادى يعنى مش معقول كل طلبة مصر بتاخد دروس خصوصيه ماكان فى دروس مجاميع عامه واعتمد عليها كثيرا من الطلاب انا حاسس من كلامك ان انت مش لاحق حاجه غير التعليم المفتوح عشان كده بدافع بكل قوه عن هؤلاء الطلاب وكأن اصبح من يملك بعض المال هو المذنب الأول وان الجامعه يجب عليها لو رضخت لهذه الأراء ان تجعل تنسيق معين للفقراء وتنسيق للطبقه الوسطى وتنسيق قاتل للأغنياء يريت تتكلم بحياديه وتقف موقف وسط







كلامك كله منطقي وفعلا هي دي وجهه نظري بالظبط
ومع ذلك كل واحد له راي يجب ان بحترم

انا اشكرك على توضيح وجهة نظرك لانى شابف ان الكل خايف يقول وجهة النظر الحقيقيه انا والله بتمنى للجميع الخير وفى ناس من اعز اصحابى هيقدموا تعليم مفتوح وبعض اصحابى من الحاصلين على 93% اصابهم اليأس والاحباط فهل يستوى اللذين يعلمون والذين لايعلمون

[أيام وسنين]

أولآ شكرآ لكل الناس الى ردت

ثانيآ أنا أحترمت جميع وجهات النظر وأظن مش أنا الى قلت الكلمات دى الى هيا (الحقد وناس شايفة نفسها )
وهنا كلنا أخوة والحمد لله

أنا طرحت موضوع الجامعة المفوحة علشان أعرف وجهات النظر سوا كانت معارضة أو محايدة الجامعة المفتوحة وعلشان الجميع يستفيد من الجامعات

ثالثآ : هحكيلم قصة طريفة

واحد أعرفة جه بية الحظ أن أختة تتجوز وهو فى ثانوية عامة طبعآ ميقدرش يقول لا أنا الأهم عايز دروس خصوصية لا طبعآ علشان الأهل كانوا دايمآ بيشتكوا من الفلوس المهم أخينا دة وهو فى ثانوية عامة مكنش حد بيساعدة ولا حد بيقولة يا بنى عايز حاجة أشرحهالك وكان بيذاكر من كتب الله أعلم جت أزاى وكانت كلها كتب أسئلة وأجوبة ومفهاش شرح

أخينا دة مكنش عندة أصحاب علشان كان منازل

أخينا دة كان طول سنتين الثانوية أختة من خطوبة لكتب كتاب لجواز حتة أيام الأمتحانات

أخينا دة طول السنتين من نقل سكن هنا لهنا لهنا

أخينا دة أبوة وأمة كل يوم بيتعاركوا وأخواتة الصغيرين مش مخلينية يعرف يذاكر

أخينا دة كان بيطلع طول عمرة من أوائل مدرستة وكان نفسة يكون أنسان محترم ومتعلم وفى كلية نظيفة بس للأسف محدش ساعدة ومحدش كان بيهتم بية ورغم ذلك كان بيذاكر من أى كتاب يقدر يفهم منة حاجة وفى الأخر يوم النتيجة جاب 55% وحمد ربة أنة نجح أساسآ رغم هذة الظروف ولو كان حد مكانة مكنش جاب درجة أساسآ

أخينا دة أصحابة الى مش بيفهموا حاجة فى أى حاجة ولو كلمتهم هتقول عليهم معاقين
وبالرغم من ذلك المعاقين دول جابوا 90% وأكتر وهو يا عينى جاب 55% شوفتوا بقى الدروس بتعمل أية ؟؟؟؟

أخينا دة يبقى أنا
عايزينى بعد كل دة ومدافعش عن الجامعة المفتوحة ؟؟؟

دة ربنا بيحبنى علشان صبرت وللحظ شرط الخمس سنوات أتلغى وأمتى ؟؟ فى سنتى بالذات
علشان كدة أن الله مع الصابرين

وأحترم وجهات نظركم ولكن لا تنظروا الى أنفسكم ولكن أنظروا
الى الأخرين

علشان كدة قولت أنكم نايمين فى العسل ومتعرفوش حاجة

رابعآ : بالنسبة الى بيقول طب مهو الى فى ثانوى مش قادر يجيب فلوس أزاى وهيدخل جامعة مفتوحة أزاى ؟؟
هرد عليك بكل عقل

فى ثانوى الواحد لو أشتغل مش هيعرف ولا ياخد دروس ولا حتى يذاكر علشان وقت الشغل طبعآ
غير كدة السن القانوى للعمل مش هيسمح

أما فى الكلية هيعرف يشتغل بحريتة ويحاول ينسق مع مساعدة الوالد طبعآ ( مهو دلوقتى مفيش حد هيتجوز بقى )


دة كل كلامى وياريت عدم التعصب وأحترام وجهات نظر الأخرين

وشكرآ لحضراتكم