قعدة كيف -- أول قعدة

tet0 · #1 29-07-2006, 04:27 AM

<div align="center">اهلا اهلاً

والله منورين

الحبايب كلهم عندي

ده يوم عيد والله

المهم مش حطول عليكم

القعده جاهزه وكله تمام

المصطبه مفروشه حصير والجوزه ام بوصه جاهزه والنار والعه وبراد الشاي المعتبر كمان

اه لا مؤخذه نسيت اعرفكم

الجماعه اللي معايا دول هما رفاق قعده الكيف

حتشوفوهم كتير اوي

يعني لازم تحفظوا اساميهم وتحاولوا تفهموهم

اللي قاعد علي الطرف ده سيد افندي موظف علي قده بيفك همومه معانا في قعده الكيف حكاياته كتيرر اوي حتعرفوها كلها طول مانتوا مواظبين معانا وهو غاوي شعر من بتاع المناسبات في كل مناسبه تلاقيه عامل قصيده مره عن عيد الفلاح ومره عن العيد السنوي لعيد ميلاد ابن سياده وكيل الوزاره

والتاني ابو جلابيه ده المعلم حنفي راجل شهم ومجدع و عنده محل عطاره في السوق وبيشوف من الناس اشكال والوان

اه ومعانا كمان تيتو ده شاب روش طحن شاب من بتوع اليومين دول اللبانه والبندانه والموبايل ابو كاميرا وبيحب يقعد معانا وبيني وبينكم هما مش بيحبوا يقعدوا معاها ولو كان باديهم كانوا رموه بره القعده خالص
( مش أنا و الله دا بعيد عنى خالص بس مش عارف دخل فى الموضوع كدة و خلاص )

ناقص بقي رمزي بيه وده رجل اعمال كبير متعرفش ليه دايما تلاقيه متقالط علينا بس اهو خدنا عليه واخد علينا والقعده متبقاش من غيره

وطبعا مفاضلش غيري اخوكم الغلبان محمد المصري دوري حيكون اداره الحوار بين المجموعه ودى مهمته أنه يجاري الكل علشان هو صاحب المكان والقعده بضيافته

اظن كده عرفتوا كل الموجودين معانا

عاوزكم تعيشوا معاهم حياتهم ويومياتهم كلها بنحكيها هنا في قعدة كيف خبره حياه حننقلهالكم يمكن تستفيدوا منها

حتشوفوا اراء متناقده في مواضيع كتير كتير عاوزين نعرف ردودكم وانت موافق علي رأي مين ؟؟

طبعا عاوزين تعرفوا اول قعده حتكون علي ايه

حالا حقولكم متستعجلوش كل اللي عليك تقفل الموضوع ده وتتقل عليا استنى عليا شوية وانت حتعرف الكلام علي ايه </div>

tet0 · #2 30-07-2006, 06:57 AM

طيب الموضوع شكله وحش و شكلها كدة مفيش اى قعدة

انا قايم مروح

و اللى حييجى المشاريب على حسابه

أدوات الموضوع	ابحث في الموضوع
مشاهدة صفحة طباعة الموضوع أرسل هذا الموضوع إلى صديق	ابحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري