((((نداء الى ابى وامى ...عايزكم تكونوا اصحابى))))

انا بقى مشكلتى ان مفيش حد فاهمنى فى البيت خالص ماما ليل نهار تتخانق معايا وبنتخاصم كتير انا وهى هى اصلا مش بتحبنى زى بقيه اخواتى لدرجه انها تقعد تدعى لاخواتى وتنسانى انا عمرها منصحتنى نصيحه ولا حتا اقعدت تتكلم معايا زى اى بنت ومامتها بس هى بتعامل اخواتى كويس جدا انا مش عارفه هى بتعمل ليه كده والله انا مامقصره معاها فى اى حاجه اى حاجه فى البيت انا الى بعملها وبرده مش عاجب ولو حد من اخواتى حتى رتب السرير بتاعه تقعد تدعيله اليوم كله بصراحه انا تعبت ونفسيتى بقيت زفت حد يقولى اى حاجه ارقق قلبها ليا شويه لانى بصراحه بخاف اوى من عصيان الوالدين ودى حاجه ماثره فيا اوى وارجوا الرد وانا فى انتظار ردودكم ليا وسورى طولت عليكم كتير

[الاستاذ محمد سرور]

المشاركة الأصلية كتبت بواسطة ( أنا بنتكم فاكرنى )

انا بقى مشكلتى ان مفيش حد فاهمنى فى البيت خالص ماما ليل نهار تتخانق معايا وبنتخاصم كتير انا وهى هى اصلا مش بتحبنى زى بقيه اخواتى لدرجه انها تقعد تدعى لاخواتى وتنسانى انا عمرها منصحتنى نصيحه ولا حتا اقعدت تتكلم معايا زى اى بنت ومامتها بس هى بتعامل اخواتى كويس جدا انا مش عارفه هى بتعمل ليه كده والله انا مامقصره معاها فى اى حاجه اى حاجه فى البيت انا الى بعملها وبرده مش عاجب ولو حد من اخواتى حتى رتب السرير بتاعه تقعد تدعيله اليوم كله بصراحه انا تعبت ونفسيتى بقيت زفت حد يقولى اى حاجه ارقق قلبها ليا شويه لانى بصراحه بخاف اوى من عصيان الوالدين ودى حاجه ماثره فيا اوى وارجوا الرد وانا فى انتظار ردودكم ليا وسورى طولت عليكم كتير

شوفى ابنتنا الغالية ....دى مش مشكلة ولا حاجة ...لكن دة اعتراف من والدتك بانك تقدرى تتحملى المسئولية ومش بحاجة لمساعدة حد .....كلامى مش مفهوم صح

حقولك مثال يفهمك
لو طائر عنده ثلاث اولاد ووجد ان فى واحد منهم بيطير لوحده وبياكل لوحده وقدر يعتمد على نفسه بسرعة
فبيكون بشكل طبيعى اهتمامه بباقى الطيور اكثر لانه يريد ان يتعلموا سريعا ما تعلمه الاول حتى يستطيع كل منهم ان يعتمد على نفسه ...وقد يستخدم بعض الثناء لاحدهم عندما يجد انه قدم تقدم ولو خطوة بسيطة فى اعتماده على نفسه فى حين انه قد لا يبدى اهتمام بالطائر الاول الذى تعلم بمفرده لانه يراه لا يحتاج اليه فى شىء

وهذا ما حدث معك
من الواضح انك تستطيعين ان تعتمدى على نفسك فى كثير من الاشياء لدرجة وصلت والدتك بشكل ظاهرى ليس اكثر انها تبدو مهتمة بباقى اخواتك ولكن بداخلها كلكم عندها سواء ومعزة واحدة (بفتح الميم)


نعمل ايه بقى علشان نعالج الاحساس اللى وصلك دة ....هاتى ماما وخليها تقرأ كلامك وردى عليك
او قولى لها هذا الكلام وانتم لوحدكم وشوفى ردها ايه ..... اكيد هتضحك او هضمك ليها


وعلى فكرة كلنا فى الهوا سوا
حقولك حاجة انا لما اخد البكالوريوس قلت لوالدى اول ما شفته ...تخيلى قالى ايه ....قال لى طيب
قلت يمكن مش فاهم ولا حاجة اقول له حاجة تخليه يسخن معايا شوية
قلت له ان شاء الله انا قدمت على دراسات عليا ....لاقيته بيقولى طيب

قلت خلاص ما فيش فايدة انا ادخل انام احسن

الطريف بقى ان بعد كام سنة من تخرجى لاقيت والدتى بتسألنى هو انت مدرس ايه

انا قلت الناس دى اكيد نسيتنى

وبعد كدة فهمت فين المشكلة .... نفس اللى حصل معاكى كانوا عارفين انى باعتمد على نفسى علشان كدة كانوا مركزين مع اخواتى اكتر ودة شىء طبيعى ....بس اللى مش طبيعى انهم نسيونى

اتمنى انك تكونى فهمت الموضوع
وحاولى تاخد الشق الاجابى منه بانك عندك مقومات تجعلك مسئولة عن نفسك

وابقى طمنينى وصلت لايه