|
أرشيف المنتدي هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
#1
|
||||
|
||||
![]() بسم الله الرحمن الرحيم مبدئيا كده ومن غير ضرب.. أنا جاي النهاردة عشان أرغي في موضوع واحد.. موضوع خطير.. موضوع شائك.. فأرجو أن تتسع صدوركم وتتفتح عقولكم لما سوف أقوله.. حوارنا النهاردة في الرياضة.. وفي جزء مهم جدا منها.. وهو: لماذا لا أحب الأهلي؟؟ الأهلي فريق عريق.. كبير.. فريق بطولات فعلا.. وشرف كبير لأي مصري أنه يشجع النادي الأهلي.. نادي القرن.. لكن أنا أعلن بمنتهي الصراحة والوضوح.. أنا لا أحب الأهلي.. أحترمه.. لكن لا أحبه.. أما بقى عن الأسباب اللي تخليني ما احبش الأهلي.. فأنا هاسردهالكو كلها دلوقتي.. مبدئيا أنا بشجع فريق عيان من فرق الأقاليم.. ألا وهو الإسماعيلي.. بحبه.. زي ما أنت بتحب الأهلي... وزي ما أنت بتحب الزمالك.. صحيح هو فريق ما بيخدش بطولات إلا فيما ندر.. وصحيح أنا ممكن أحضر بطولة كمان - إذا عمري وصل لستين سنة مثلا -.. بس بحبه.. بيتهمنا الأهلوية أننا حاقدين عالنادي الأهلي.. والله يا جماعة ما حقد.. مش حقد أبدا.. بس كل قصة ليها روايتين... من حق الأهلي أنه يبني نفسه كفريق.. وأنه يتطلع أنه يكون أقوى فريق في الدوري.. بس الأهلي عنده من المقومات ما تجعله يحترم مشاعر الغير.. يعني مثلا تخيلوا.. أنا إسماعلاوي وفرقتي فيها أربع خمس لعيبة كويسين.. جابولي دوري وكاس.. أفاجئ بيهم بيتسرسبوا واحد ورا التاني لفريق منافس.. مش لشيء إلا أنه فريق غني؟؟ يعني هو مكتوب عليا اللي انا مش راضي عنه في الحياة وباشوفه كل يوم يحصل حتي في وسيلة الترفيه بتاعتي؟؟ مصدر الفرحة؟؟ مش كفاية الغني في بلدنا دايس عالفقير في حياتنا.. والقوي بيسكع الضعيف علي قفاه؟؟ مش كفاية الظلم اللي أمريكا بتعمله فينا والكيل بمكيالين؟؟.. مش كفاية أن احنا صغيرين وقليلين في العالم أصلا... نبقى برضه صغيرين وقليلين حتى في الفرق اللي بنشجعها؟؟ ولا هو المطلوب مني أني أشجع الفريق القوي الغني وخلاص.. ما هو أنا قدامي حل من اتنين.. يا أفضل اشجع فرقتي واحافظ علي انتمائي لبلدي وفريقي.. واتنقط ولا اتشّل.. يا أما أشجع الفريق الغني المقتدر اللي معاه يدفع ويجيب أحسن لعيبة.. وفي الحالة دي بقى لو كل الضعاف اللي بيشجعوا الفرق الغلبانة اللي زي حالاتنا عملوا كده هيبقى مصر كلها بتشجع فريق ولا فريق ونص.. وتولع بقى الكورة وبقية الأندية.. يا جماعة انا عاوزكوا تبصوا للموضوع من وجهة نظر لو كانت الكورة دي دولة.. رئيسها اتحاد كوره همه الوحيد الحفاظ علي السلطة والكرسي.. وفي سبيل ده ما يقدرش يقلب عليه الناس اللي جابتوه هنا - الحزب الأهلي الوطني - وفي نفس الوقت الحزب ده عاوز يقضي علي كل أحزاب المعارضة اللي همها التغيير وإضفاء جو من المنافسة والديموقراطية.. نيجي بقى للشعب.. شوية شعب زي حالاتنا مقهور وشايف الظلم واقع عليه.. ظلم الفقر وقلة الحيلة وعدم القدرة علي التأثير في صنع القرار.. شعب بيتفرج علي التلفزيون - لما يكون في مناظرة بين الحزب بتاعه والحزب الأهلي الوطني - يلاقي مذيعة التلفزيون في برنامج أغاني ومعرفش أيه واحد يتصل بيها يقولها أنا عاوز أغنية ما ابصر أيه ولا ما ادرك أيه وأتمني الفوز النهاردة للنادي قصدي للحزب الأهلي.. لحد كده عادي.. ما هو واحد من جمهور الحزب ومن حقه يقول اللي هو عاوزه.. لكن المذيعة اللي هي لا مقدمة برنامج رياضي ولا محللة ترد عليه وتقوله فعلا أحنا النهاردة نتمني الفوز للأهلي ويارب عماد متعب يجيب جون ويفرحنا.. يفرحكوا؟؟؟ يفرح مين.. آآآآآآآآآآآآآآآه انتي قصدك يفرح مصر؟؟ ما هو الحزب ده برضه من مصر.. ولا احنا مالناش نفس نفرح؟؟ مش من حقنا؟؟ لو مش من حقنا.. يبقى يا أما نعزل ونسيب البلد دي.. يا أما ماحبش الأهلي..
__________________
عش ما شئت فإنك ميت وأحبب من شئت فإنك مفارقه وأعمل ما شئت فكما تدين تدان
|
#2
|
||||
|
||||
![]() يا رضا انت عايز اية من الاخر ؟؟
![]() محدش يشجع الاهلى ؟؟ ![]() مهو لو محدش شجع الاهلى أسم مصر دة مش هيبان فى الرياضة اساسآ مهو الاسماعيلى معملش حاجة فى ابطال العرب وانا كنت زعلان مووت علشان خرج لأنة بيمثل مصر فى بطولة العرب وكمان لزمتة اية الكلام بتاع الغنى والفقير احنا بنتفرج على كورة علشان استمتاع فقط يعنى ولا هناخد حاجة من اهلى ولا زمالك ولا اسماعيلى مهو انا بتفرج على برشلونة مهى برشلونة دى تبع مين مش اسبانيا برضوا ؟ يعنى بينا وبينهم بحر يعنى هنستفاد منهم اية غير اننا بنلعب بيهم فى البلاى ستيشن والفيفا والكلام دة ![]() بص انت ليك حق تشجع فريقك وكل أنسان لية الحق انه يشجع فريقة وانا مش مع الى يقولك انت بتشجع فريق تعبان وانا بشجع فريق كويس مهو الفريق التعبان دة لو مش هيتشجع هيفضل تعبان طول عمرة ومش هيبقى فية الا بطل واحد فقط فى مصر وعمرة مهيبقى بطل على طول وهيحصلة كبوات لية تونس بيدخل منها ثلاث او اربع فرق فى بطولة افريقيا وأحنا مفيش الا الاهلى وبس طب مهو فى فرق تانية فى مصر مهو تدخل هو فية حد حايشهم وكمان على حكاية ان الاهلى ياخد حد من الاسماعيلى فدة اسمة احتراف ومحدش بيغصب حد على حاجة وكمان الاهلى مهو بيطلع شبابة كلهم وكمان هو انت تتمنى بلاش تتمنى هو انت تحلم اصلآ تلعب فى الاهلى ؟ يا جماعة بلاش شغل السنة والشيعة دة ويبقى فية روح الاخوة وياعم مش عاوزك تشجع الاهلى انت حر بس انا هشجع الاهلى والزمالك والاسماعيلى لو هيشرفوا الكورة المصرية وعمرى مهيكون فى قلبى كراهية لحاجة ملهاش لازمة أساسآ والاختلاف فى الرأى لا يفسد للود قضية شكرآ لك
__________________
I don't Care MohameD MadkouR
|
#3
|
||||
|
||||
![]() اقتباس:
غير المره اللي صاحبه كتبه فيها دي علشان حكاية اللاعيبه اللي راحت و اللي جت من و إلي الاسماعيلي أنا مش كاتبهولك علشان تشجع الأهلي أنت براحتك تشجع اللي انت عايزه بس ما تشوهش صورة الاهلي و شكرا ع موضوعك الرياضي السياسي الاجتماعي
__________________
المجد للشهداء و الكيان فقط ![]() |
#4
|
||||
|
||||
![]()
طب بتضحكوا على نفسكوا وبتصدقوا الكدبه إنكم نادي القرن مع إن إنتو عارفين مين نادي القرن الأفريقي الحقيقي و بنقول ماشي سيبهم يضحكوا على نفسهم ويعيشوا الوهم لكن تقول إن مجدي طلبه أساسا أهلاوي عشان خطفتوه م الزمالك أرجوك تصحح المعلومه لأن الموضوع كده بقه فيه درجه من ال...........
__________________
أدب النفس واستكمل فضائلها ------- فأنت بالنفس لا بالجسم إنسان |
#5
|
||||
|
||||
![]()
يعيش النادى الاسماعيلى رمز الاصالة و الكورة الجميلة
تعيش الاسماعلية مصنع اللعيبة حقااااااااااااا ان الاسماعلية بلد المواهب لكن نعمل ايييييييييييييييييه مهو الانحراف خرب الدنيا ربنا ياخد الاهلى و اتحاد الكورة مرة واحدة قادر يا كريم و تخلصنا من الفساد اللى ملا البلد |
#6
|
||||
|
||||
![]() اقتباس:
![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() ![]() |
#7
|
||||
|
||||
![]() اقتباس:
|
#8
|
||||
|
||||
![]()
موضوع ممتاز طبعا
بس اققولك حاجة انت فى بلد يحكمها 2 الحزب الوطنى ولا يحكمها الاهلى بل هو الاكثر شعبية فى مصر ولكن للاسف ازا نظرت الى مشجعين الاهلى ومشجعين الاندية الاخرى ستجد 3/4جماهير الاهلى بتشجع الاهلى علشان بيكسب بس وكتير مننهم هيقولك لا انتماء ومش انتماء والكلام دة اما مشجعين الزمالك مثلا فهم اكثر من وقفوا خلف فريقهم وشجعوه لانه مدرسة الفن والكرة ولانهم معجبين بمدرستة الكروية جماهير الاسماعيلى لان النادى الاسماعيلى هو مصدر السعادة لشعب الاسماعلية باكملة يربى الاطفال على حبة يطلق عليهم اللعب البرازيلى افضل اداء كرة فى مصر فى الملعب تشعر بالمتعةالكروية والفرق دة بيبان فى انك لو سالت اى واحد مش مهتم بالكورة هيقولك انا اهلاوى لانة شايف الشهرة الاعلامية والتركيز عليه فقرر انه يختار الاسهل والاشهر علشان طبيعة الشعب المصرى اساسا انه بيفهم فى كل حاجة فلازم ميطلعش مبيفهمش
__________________
Nadal ![]() VAMOS RAFA
|
#9
|
||||
|
||||
![]() اقتباس:
أصل واحد دخل جوا نفوس 3/4 جمهور الاهلي يبقي واصل بقي و مسخر جن و حاجات كده
__________________
المجد للشهداء و الكيان فقط ![]() |
#10
|
||||
|
||||
![]() اقتباس:
آه سوري أنا نسيت أكتبه " إنتقالات اللاعبين بين الاهلي و الاسماعيلي هل هي حب من طرف واحد " ما حدش أبدا ً قال ان اللاعبين دول صنعهم الاهلي ( روبرت اكروي دا نيجيري لو تاخد بالك ) دول اللاعبين اللي إشتراهم الاسماعيلي من الاهلي و الاهلي نادي القرن و مش انا بس اللي بقول كده دور ع الاحصائيات و انت تعرف أن الكبير كبير
__________________
المجد للشهداء و الكيان فقط ![]() |
#11
|
||||
|
||||
![]() اقتباس:
![]()
__________________
عش ما شئت فإنك ميت وأحبب من شئت فإنك مفارقه وأعمل ما شئت فكما تدين تدان
|
#12
|
||||
|
||||
![]() اقتباس:
![]() |
العلامات المرجعية |
أدوات الموضوع | ابحث في الموضوع |
انواع عرض الموضوع | |
|
|