نظرية صح ولا غلط

[BaNZeR]

المثلث 3،4،5 هو نفسه المثلث 6،8،10 وهو أيضاً المثلث 15،20،25

الفرق بينهما فقط هو مقياس الرسم او بعد الشكل

لكن في الخصائص والزوايا حتلاقي المثلثين او ال3 مثلثات متماثلين في الخصائص


وزي ما قالك استاذ محسن
في مثلثات تانية 5،12،13
بالنسبة للى انت فاهمه هي متناسبة برده

بس متقدرش تقول عليها نفس الكلام اللى قلته



لو انت عايز النظرية لنوع المثلث ده بس حقولك صح

بس لازم تفهم في الأول يعني ايه نظرية

نظرية يعني حاجة بتثبتها بتفيدك في ايجاد حاجات مش بنعرف نوجدها
وايا كان نوع الاثبات المهم النظرية ده بتكون في الحالة العامة
يعني المفروض إنها تنطبق على جميع المثلثات

وبعدين نطلع منها حالات خاصة

لكن مينفعش نجيب الحالة الخاصة بس ونعملها نظرية

بغض النظر عن أنه لا إفادة لها في إيجاد شيء جديد

فلو عندك ضلعين 3 ، 4 مش حنجيب تلت الأول ونضيفه على التاني عشان نقول الوتر 5

طيب كان الضلعين 4 ، 5 حنعرف منين إنه واحد من دول الوتر
ولو جمعنا تلت ال4 وعليهم 5 حيبقى الوتر 6.33 تقريباً

يبقى كده النظرية حتلخبطنا

أتمنى يكون المغزى وصلك


انا مش بقولك متفكرش
بالعكس انا بشجع الناس اللى بيحبوا يألفوا قوانين ونظريات وانا كنت كده
بس ملقتش حاجة جديدة عشان اخترعها

وياريت متزعلش لو حد اتأخر عليك في الرد
متنساش إنه معظمنا في امتحانات ومش فاضي