معاق ذهنيا.......من حقه برضه

[فيفا]

المشاركة الأصلية كتبت بواسطة ell0rd

السلام عليكم
وعليكم السلام

على فكرة من الساعة 4 الفجر من اول ما الموضوع نزل كل شوية افتحة وخلاص هرد يحصل حاجة مردش
ربنا يستر وميحصلش حاجة المرة دى

عدت على خير الحمد لله

احم احم

بسم الله ندخل فى الموضوع بقى

راى ممكن يكون مخالف شوية

بس هوة هيبقى راى اجتماعى بصفة عامة

بصراحة انا مش موافق
اهلا وسهلا بيك

لان الجواز دة مش لعبة الجواز دة مسئولية كاملة

يعنى مش اتنين عايشين مع بعض وخلاص

كلامك مظبوط جداااااااا مش لعبه

لا طبعا الجواز مفهوم واسع وكبير جدا عن كدة

حضراتكم اية مفهوم الزواج من نظركم ؟

هقولكم مفهوم الزواج من راى والى يحب يعلق علية يتفضل

اثبتت الدراسات الاجتماعية

ان مفهوم الزواج عند اغلب الشباب من سن 15: 25 سنة هو

فبيقول ان بنسبة 80 فى المية مفهوم الزواج عند اغلب الناس (( انجاب اطفال والمعاشرة فقط ليس اكثر ))

وبنسبة حوالى 11 فى المية من الفتيات هى (( السترة ))

وبنسبة حوالى 9 فى المية هى (( الارتباط بالمحبوب او المحبوبة فقط ))

طيب اية علاقة كلامى دة بموضوعنا؟؟

هقول لحضراتكم لو هنمشى مع المجتمع المعاقين دول محتاجين اية من التلات اشياء الى فوق دول ؟؟

الاول معتقدش انة موجود معاهم

طيب بسم الله نبدا كلامنا
مين قال لحضرتك ان المفهوم ده مش عندهم
؟؟
الدراسات اثبتت ان المعاقين ذهنيا عادين زينا
وعندهم مفهوم عن الزوراج
مش عارفه اوضح كلامى يعنى بس انتوا اكيد فاهمين
سورى لو فى جرئه شويه بس دى الحقيقه
والتانى بردة ملوش علاقة بيهم

مين برضه قال لحضرتك انه مش موجود انا هقول لحضرتك حاجه موقف انا عشته بجد مكنتش حابه اقوله بس هيوضح كلامك جداااااا
حضرتك بتقول انهم معندهمش مفهوم للمصطلح التانى اللى هو الارتباط بالمحبوب والمحبوبه فقط
لا الكلام ده مش مظبوط
انا فى الصيف اللى فات نزلت ملاكز للمعاقين ذهنيا عشان اتدرب واخد خبرة كان فى ولد عنده حوالى 20 سنه معاق ذهنيا اتعلق بيا لدرجه كبيرة اوى
مش هتتخيل كان بيقولى ايه
مرة كنت قاعده كده وجه قالى انا هدور على شغل قلت له ليه؟
قالى عشان اجيب فلوس واشترى شقه ونتجوز
ايه رايك بقى فى الكلام ده
؟؟؟

والتالت مش موجود

وليه موضوع السترة للبنت مش موجود؟
انت تعرف ان كتير من حالات ال****** بتبقى للبنات المعاقات ذهنيا
؟؟
باعتبارهم يعنى مش هيعرفوا يدافعوا عن نفسهم وانهم مش فاهمين حاجه
يبقى ليه مش موجود السبب ده
؟؟

طيب اقول راى انا بمفهوم الزواج وغالبا راى دة متجمع من حاجات كتير قوى

الزواج استقرار وتراحم وعشرة وتلاقى فكرى وثقافى ومفهوم للاساس السليم والصحيح لاسرة صحيحة بدنيا ودينيا ونفسيا اسرة كل اسرتها اصحاء نفسيا اسرة مترابطة برباط قوى جدا مش بسهولة يتقطع فى مقابل اى مشكلة من مشاكل الحياة اسرة ايديهم فى ايد بعض يكملو مشوار الحياة الطويل لان هما عندهم قناعة تامة ان ارتباطهم دة ارتباط روحى ان هما الاتنين شئ واحد

طيب المفهوم دة فية اية يتطابق مع المعاق زهنى غالبا مفيش خالص

يبقى اية الفايدة من الزواج لة ؟؟

انا وضحت وجهة نظرى على كلامك لو ليك تعليق اتفضل طبعا

راجع تانى للموضوع ان شاء الله
تنور

وانا اسف لو كنت طولت عليكم
لا خالص

وشكرا يافيفا على الموضوع
العفو

بجد موضوع جامد جدا والله

جزاكى الله خيرا

فى رعاية الله

وجزاك مثله يا محمد
منور ومستنيه عودتك