ضع سؤالك هنا ...وباذن الله تجد الاجابة الصحيحة

[klmnopq]

بسم الله الرحمن الرحيم

السلام عليكم

مش فاهم الإزدواج وحالتى النفسية فى انهيار
انا مش هدفى واحد يحل المسائل وخلاص

انا عايز افهم
أب ج ء متواززى أضلاع فيه أب = 12 سم وب ج =6 سم وإرتفاعه النازل على أب يساوى 5 سم أوجد القاس الجبرى لعزم الإزدواج الذى معيار كل من قوتيه 7 نيوتن وتؤثران فى أء و ج ب

[الاستاذ على الدين يحيى]

شوف يا أبنى العزيز مفيش داعى للضيق السريع والحكاية كلها بتبقى مجرد نقطة غامضة لو وضحت لك تبقى فى منتهى السهولة . وأى حاجة تطلبها أحنا كلنا هنا تحت أمرك . ها فيه حاجة أسهل وأحسن من كدة؟!!
عموماً نيجى لفهم الحل
من المعروف أن مساحة متوازى الأضلاع تساوى طول القاعدة × طول الارتفاع .. صح الكلام ؟
القاعدة هى أحد أضلاع متوازى الاضلاع ,
والارتفاع هو العمود النازل عليها من أحد الرؤوس المقابلة لها
بمعنى ان مساحة متوازى الاضلاع أ ب جـ د تساوى
أ ب × العمود النازل من الرأس د عليه يعنى = 12 × 5 = 60 سم
وممكن ان المساحة تساوى ب جـ × العمود النازل عليه من الرأس د وليكن رمزه ل مثلاً
ومادام كلاهما يعبر عن مساحة سطح نفس متوازى الاضلاع يبقى الناتج فى الحالتين متساوى .. صح ولا لأ ؟
يبقى أقدر أقول أن طول ب جـ × ل = 60 برضه .
وطبعاً طول ب جـ = 6 سم مثل طول أ ب
إذن 6 × ع = 60 ومنها ع = 10 وهو طول العمود النازل من د على الضلع ب جـ
يبقى عزم الازدواج = - ق × ل = - 7 × 10 = - 70 نيوتن . سم
أيه رأيك لسه برضه زهقان ولا الحكاية بقت سهلة ؟
وطبعاً السالب لأن حسب رسمى للسؤال كان الاتجاه مع حركة عقارب الساعة
وممكن عندك يبقى موجب وده حسب اتجاه رسمك أنت .. وكله صح والله العظيم .