إداريو التعليم» يهددون بنقل إضرابهم أمام مجلس الوزراء.. والمالية: «حافز الإثابة» ليس

[السيد درويش]

إداريو التعليم» يهددون بنقل إضرابهم أمام مجلس الوزراء.. والمالية: «حافز الإثابة» ليس من حقهم

كتب خالد عمر عبدالحليم والمحافظات ـ مصباح الحجر ومحمد فايد وممدوح عرفة ٥/ ٣/ ٢٠٠٩رفضت وزارة المالية صرف حافز الإثابة للإداريين بوزارة التربية والتعليم. قال ممتاز السعيد، وكيل وزارة المالية، أمام لجنة القوى العاملة بمجلس الشعب أمس، إن الإداريين لا يستحقون صرف الحافز بموجب القانون، فيما واصل أكثر من ٧ آلاف موظف فى محافظات الشرقية والغربية والدقهلية إضرابهم عن العمل، مهددين بنقل الإضراب أمام مقرى مجلسى الوزراء والشعب.
وشهد اجتماع لجنة القوى العاملة بمجلس الشعب أمس مناقشة ساخنة بين ممتاز السعيد، وعدد من النواب، حول أحقية إداريى التربية والتعليم فى صرف حافز الإثابة، سخر خلالها السعيد من صرف مكافأة الامتحانات للمشاركين وغير المشاركين فى الامتحانات بقوله: «المكافأة تصرف للزبال الذى يمر فى شارع الوزارة»،
وحذر من الاستجابة لضغوط العاملين بالتربية والتعليم، لافتاً إلى أن ذلك من شأنه فتح الباب أمام عاملين فى وزارات أخرى للمطالبة بامتيازات غير قانونية ـ على حد قوله ـ وطالب النائب أحمد أبوحجى بصرف الحافز للعاملين، وتضامن معه أعضاء اللجنة.
فى السياق نفسه، واصل نحو ٨ آلاف إدارى إضرابهم فى ٣ محافظات أمس. ففى الشرقية نظم أكثر من ألف إدارى بمركز الحسينية وقفة احتجاجية وأضربوا عن العمل.
وأعلن العاملون بإدارة بلبيس عن الإضراب داخل مكاتبهم، وقال عدد منهم إنهم تعرضوا للتهديد من مديرى الإدارات التعليمية لإجبارهم على التراجع.
وفى الغربية، واصل أكثر من ٦ آلاف إدارى إضرابهم عن العمل، واعتصموا أمام الإدارات التعليمية، وأكد عدد منهم استمرارهم فى الإضراب لحين استجابة التربية والتعليم لصرف حافز الإثابة وتطبيق كادر خاص لهم.

[هدى مجدى]

اين حافز الإثابة الـ75% للمعلمين
و الا لازم نعمل إضراب زى الإداريين؟؟؟؟؟!!!!!!!

على فكرة أنا شايفة اننا و أنا أولكم غلط و بدأنا نتكلم ضد بعض
الإدارى فى نفس المركب معانا
احنا فى المدارس مش بنقبض زى أقل إدارى فى الإدارات و الدواوين
ده صحيح
و المفروض المدرس هو عصب التعليم كله
و المظلوم بحق هو الإدارى اللى فى المدرسة
و لكن كلنا مظلومين بالمقارنة مع 10% من الكبار اللى فى الوزارة اللى بيلهفوا 80% من موازنة الأجور فى الوزارة كلها
و احنا هنا بنتخانق على الفتات بتاعهم اللى بيرموه لنا اللى هو 20% اللى باقية من موازنة الأجور
و برضه لو بصينا لوزارات و أماكن تانية فى نفس الدولة بتاعتنا هنلاقى ان احنا مفرطين فى حقوقنا جدا بالمقارنة مع البترول و البنوك و الاتصالات و وزارة العدل و الضرايب و غيرها
يا ريت نبص لوضعنا صح و نطالب بحقوقنا بمساواتنا بباقى موظفين الدولة و بالعاملين بالوزارة اللى شافطين 80% من موازنة الأجور فى وزارتنا فى كروشهم من الحرامية الكبار
بلاش نبص لبعض احنا الصغيرين و يا ريت نتعلم نطالب بحقوقنا صح و أولها مساواتنا بباقى الوزارات و المصالح "إياها" اللى معمولة للكوسة و الوسايط
و أول حق نركز عليه و نقاتل و نضرب و نعتصم من أجله هو الـ75% الحافز اللى بياكلوه علينا
رغم إنى شايفة إن الإدارى اللى مش بيشتغل جوه المدرسة مش من حقه لا الكنترولات و لا أى عمل خاص بالامتحانات لأنه عمل المدرس و بالتالى مش من حق الإدارى اللى من بره المدرسة صرف مكافأة الامتحانات الـ200 يوم لأنه ببساطة ملوش فيها لأنه لا بيراقب و لا بيصحح و لا يعرف يصحح مكان المدرسين لو المدرسين عملوا إضراب عن التصحيح
تحياتى

[مستر محمد سلامه]

لما التعنت ؟؟؟

[سيف سالم]

فيه اقتراح
كل اداري عايز الحافز يكتب طلب نقل للمحليلت واكيد الحكومة حتوافق

[هدى مجدى]

أولا رغم تعاطفى مع الإدارى فى المدرسة إلا أننى لا أتعاطف مع الذين لم يتعاطفوا مع أنفسهم
المدرس يا باشا المفروض يكون جامعى و طبعا ذاكر لحد ما اتهرى مذاكرة و تعب هو و أهله مصاريف و مذاكرة و خد شهادة من الجامعة
كون فيه مدرسين مش جامعيين فمش ذنبى انهم خدوا الكادر لأن الوزارة غلطت فى التطبيق و بتتخبط
و الدليل ان الكادر مصروف على أساسى السنة اللى فاتت
و بالتالى اللى خد درجة مالية بعد 30/6/2008 يبقى يبلها و يشرب ميتها لأن الحساب هيكون على الدرجة المالية اللى كانت قبل 30/6/2008 و شكوى بسيطة و قضية صغيرة تعدل الأوضاع المقلوبة دى و اللى هى مخالفة للقانون 155 لسنة 2007 و أولها ان المدرس لازم يكون مؤهل عالى
و بالتالى لما أى حد يحكم على المدرس اللى مؤهل متوسط و يقيس الإدارى بيه و يقول اشمعنى ده خد و هو مؤهل متوسط و الإدارى لأ؟ هيكون غلطان ساعتها
و بالتالى أيضا الإدارى لا يستحق كادر المعلم
كما لا يستحق الإدارى مكافأة الامتحانات التى هى مقابل القيام بأعمال امتحانات النقل داخل المدارس و ليس تقشير البطاطس و قطف الملوخية و إرضاع الصغار فى المكاتب و التزويغ للتسوق ثم العودة للتوقيع انصراف و الاستيلاء على كل المزايا المالية و حجبها عن المعلم من كنترولات و أعمال امتحانات و لجان و خلافه
الإدارى الوحيد الذى يستحق مكافأة الامتحانات و ليس كادر المعلم هو الإدارى الذى يعمل داخل جدران المدارس بصفة أساسية و ليس منتدبا
ثم الإداريين بدواوين الإدارات و المديريات و ديوان الوزارة طالعين واكلين نازلين واكلين زى المنشار
بدليل ان 80% من ميزانية الأجور فى الوزارة رايحة لجيوبهم
ده حتى الخصم من مرتبات المدرسين و اللى المفروض بعد مدة يرجع للمدرسين الغلابة اللى اتخصم منهم بالتحقيقات الظالمة المتفبركة إياها اللى أكيد الكل عارفها بيستولى عليها الإداريين و يحطوها فى جيوبهم
و بعدين غالبية المدرسين بنسبة 95% مش بيدوا دروس و ان ادى درس بيكون حاجة تعبانة قوى ما تأكلش قطة
فبلاش حقد و يا ريت الإدارى أو المدرس أبو دبلوم يشوف نفسه نجح ازاى بالغش فى حين المدرس المؤهل العالى اللى الكادر معمول له طلع عينه ازاى لحد ما خد شهاداته لأنه لم يتكاسل و دخل ثانوى عام و بعدين كلية و أهله صرفوا عليه دم قلبهم و لف المعامل و السكاشن و قاعات المحاضرات و المكتبات كعب داير و اتغرب و قاسى و ذاكر و تعب
و إلا بقى يتساوى العامل مع المهندس و الممرضة مع الدكتور و الصراف مع المحاسب و هكذا
تحياتى