"المالية" توافق على صرف حافز الإثابة لإداريى التعليم

[semsemsamarah]

أعلن زغلول كامل مدير إدارة الشئون المالية بوزارة التربية والتعليم، أن وزارة المالية وافقت ظهر اليوم الثلاثاء، على صرف حافز الإثابة للإداريين بمديريات التربية والتعليم الذين بدأوا اعتصاماً اليوم الثلاثاء بالمحافظات، احتجاجاً على رفض وزير المالية صرف الحافز البالغ نسبته 50% من أساسى الأجر بحجة أنهم يحصلون على مكافأة أعمال الامتحانات تتخطى تلك النسبة، وهو ما يعنى حرمانهم من الحافز طبقاً للمادة 4 من القانون 114 لسنة 2008.

كشف زغلول كامل لليوم السابع، عن أن لجنة طارئة انعقدت صباح اليوم لحل الأزمة تكونت من مندوب من وزارة المالية ورئيس إدارة الشئون المالية بالتربية والتعليم وأعضاء من لجنة التعليم بمجلس الشعب، واتفقت اللجنة على صرف الحافز سريعاً لإنهاء إضراب الإداريين.

موضحاً أن العائق الوحيد أمام عمل اللجنة هو رفض مندوب وزارة المالية التام لمخالفة المادة 4 من القانون 114، إلا أن اللجنة توصلت إلى تفتيت الحافز وصرفه على 3 مراحل تنتهى فى 2011، بمعدل 15% من أساسى الأجر فى العام الأول (316 مليون جنيه لجميع الإداريين) ومثلها فى العام الثانى ثم 20% (420 مليون جنيه) فى العام الثالث، وأضاف زغلول "بالتوصل لهذا الاتفاق نكون قد قضينا تماماً على أسباب الإضراب".
المصدر
http://www.youm7.com/News.asp?NewsID=73638

[محمد السيد غريب]

والله خبر حلو لان كلنا بنكمل بعض ويارب التنفيذ

[عاشقة الموج]

*****مباااااااااااااااااااااااااااااااااااااااااار ك للإداريين*****

[الباشا108]

لابد من دفع الحافز كاملا وفورا.........نفسى مندوب المالية ياخذ نفس اجر الادارى ويعيش به ....... العدل يا ههههههههوه

[semsemsamarah]

قررت لجنة التعليم منح وزارة المالية مهلة أسبوعين كحد أقصي لإخطارها بالرأي النهائي في صرف حافز الإداريين بوزارة التربية والتعليم البالغ عددهم 570 ألفاً.
المصدر
http://www.algomhuria.net.eg/algomhu...s/detail01.asp

[tarek elhamy]

*****مباااااااااااااااااااااااااااااااااااااااااار ك للإداريين*****

ويارب التنفيذ

[هدى مجدى]

يحصل الإداريون خاصة فى ديوان المديريات و الإدارات على
بدل توفير ميزانية
بدل من الخصومات
موقع دائم فى الكنترولات العامة بمكافأة 180 يوما
موقع دائم فى الملاحظة بالدبلومات و الشهادات العامة و النقل
مكافأة200 يوم نظير القيام بأعمال الامتحانات التى لا يقومون بها طبعا و هى تعنى الملاحظة فى امتحانات النقل فى المدارس و التصحيح و التى يقوم بها فعلا المدرسين فى المدارس!!!
و أخيرا حافز الإثابة الـ75% بعد أن نظموا الإضراب الأخير و هم لا يستحقون الكثير من هذه المزايا المالية التى يتم حرمان المدرسين منها
نريد المطالبة بمساواتنا مع الإداريين الذين يصرفون حافز الإثابة رغم أنهم يصرفون الكثير من البدلات التى لا يصرفها المدرسون و يصرفون مكافأة الامتحانات مثل المدرسين رغم أن الإداريين يحتكرون العمل فى الكنترولات و أعمال الامتحانات لصالحهم الخاص و يحرمون الشريحة العظمى من المدرسين منها.

[سامى الجنانى]

الف مبرووووووووووووووووووك لكل من لم يحصل على الكادر

[نجم المنصورة]

ربنا يوفق الجميع
ويبارك في رزقنا

[احمد عباس نت]

يااستاذه هدى اداريين المديريات والادارات تصرف اللى قلتى عليه طيب اداريون المدارس يعملوا ايه يسرقو من الدروس الخصوصية بتاعة المدرسين ولا يطفشوا الطلبه منهم ولا يقعدو بجوار الاسوار ويقولون لله ياحكومه ولا يقولون ادينا حسنه يامدرس
اتقى الله فيهم مش كفايه الحكومه عليهم

[هدى مجدى]

اين حافز الإثابة الـ75% للمعلمين
و الا لازم نعمل إضراب زى الإداريين؟؟؟؟؟!!!!!!!

على فكرة أنا شايفة اننا و أنا أولكم غلط و بدأنا نتكلم ضد بعض
الإدارى فى نفس المركب معانا
احنا فى المدارس مش بنقبض زى أقل إدارى فى الإدارات و الدواوين
ده صحيح
و المفروض المدرس هو عصب التعليم كله
و المظلوم بحق هو الإدارى اللى فى المدرسة
و لكن كلنا مظلومين بالمقارنة مع 10% من الكبار اللى فى الوزارة اللى بيلهفوا 80% من موازنة الأجور فى الوزارة كلها
و احنا هنا بنتخانق على الفتات بتاعهم اللى بيرموه لنا اللى هو 20% اللى باقية من موازنة الأجور
و برضه لو بصينا لوزارات و أماكن تانية فى نفس الدولة بتاعتنا هنلاقى ان احنا مفرطين فى حقوقنا جدا بالمقارنة مع البترول و البنوك و الاتصالات و وزارة العدل و الضرايب و غيرها
يا ريت نبص لوضعنا صح و نطالب بحقوقنا بمساواتنا بباقى موظفين الدولة و بالعاملين بالوزارة اللى شافطين 80% من موازنة الأجور فى وزارتنا فى كروشهم من الحرامية الكبار
بلاش نبص لبعض احنا الصغيرين و يا ريت نتعلم نطالب بحقوقنا صح و أولها مساواتنا بباقى الوزارات و المصالح "إياها" اللى معمولة للكوسة و الوسايط
و أول حق نركز عليه و نقاتل و نضرب و نعتصم من أجله هو الـ75% الحافز اللى بياكلوه علينا
رغم إنى شايفة إن الإدارى اللى مش بيشتغل جوه المدرسة مش من حقه لا الكنترولات و لا أى عمل خاص بالامتحانات لأنه عمل المدرس و بالتالى مش من حق الإدارى اللى من بره المدرسة صرف مكافأة الامتحانات الـ200 يوم لأنه ببساطة ملوش فيها لأنه لا بيراقب و لا بيصحح و لا يعرف يصحح مكان المدرسين لو المدرسين عملوا إضراب عن التصحيح
تحياتى

[Mr.Hani]

يارب يكون الخبر حقيقي ويتم تنفيذه

ولا ها يمر عليه كام سنة زى الكادر

[great0]

الاداريين عاله علينا

[great0]

الاداري واخد دبلوم من علي السكه الحديد و اتعين كوسه اما المدرس طلع عين ابوة في محاضرات و مذاكرة و سهر و الاداري كان فين مخدش كلية تربية ليه لما هو عايز يحط راسة براس المدرس يبقا الاداريين في الجامعه يبصوا للدكاترة و يطلبوا مرتبات زيهم هي الاية اتقلبت ولا اية

[هدى مجدى]

المشاركة الأصلية كتبت بواسطة احمد عباس نت

يااستاذه هدى اداريين المديريات والادارات تصرف اللى قلتى عليه طيب اداريون المدارس يعملوا ايه يسرقو من الدروس الخصوصية بتاعة المدرسين ولا يطفشوا الطلبه منهم ولا يقعدو بجوار الاسوار ويقولون لله ياحكومه ولا يقولون ادينا حسنه يامدرس
اتقى الله فيهم مش كفايه الحكومه عليهم

أولا رغم تعاطفى مع الإدارى فى المدرسة إلا أننى لا أتعاطف مع الذين لم يتعاطفوا مع أنفسهم
المدرس يا باشا المفروض يكون جامعى و طبعا ذاكر لحد ما اتهرى مذاكرة و تعب هو و أهله مصاريف و مذاكرة و خد شهادة من الجامعة
كون فيه مدرسين مش جامعيين فمش ذنبى انهم خدوا الكادر لأن الوزارة غلطت فى التطبيق و بتتخبط
و الدليل ان الكادر مصروف على أساسى السنة اللى فاتت
و بالتالى اللى خد درجة مالية بعد 30/6/2008 يبقى يبلها و يشرب ميتها لأن الحساب هيكون على الدرجة المالية اللى كانت قبل 30/6/2008 و شكوى بسيطة و قضية صغيرة تعدل الأوضاع المقلوبة دى و اللى هى مخالفة للقانون 155 لسنة 2007 و أولها ان المدرس لازم يكون مؤهل عالى
و بالتالى لما أى حد يحكم على المدرس اللى مؤهل متوسط و يقيس الإدارى بيه و يقول اشمعنى ده خد و هو مؤهل متوسط و الإدارى لأ؟ هيكون غلطان ساعتها
و بالتالى أيضا الإدارى لا يستحق كادر المعلم
كما لا يستحق الإدارى مكافأة الامتحانات التى هى مقابل القيام بأعمال امتحانات النقل داخل المدارس و ليس تقشير البطاطس و قطف الملوخية و إرضاع الصغار فى المكاتب و التزويغ للتسوق ثم العودة للتوقيع انصراف و الاستيلاء على كل المزايا المالية و حجبها عن المعلم من كنترولات و أعمال امتحانات و لجان و خلافه
الإدارى الوحيد الذى يستحق مكافأة الامتحانات و ليس كادر المعلم هو الإدارى الذى يعمل داخل جدران المدارس بصفة أساسية و ليس منتدبا
ثم الإداريين بدواوين الإدارات و المديريات و ديوان الوزارة طالعين واكلين نازلين واكلين زى المنشار
بدليل ان 80% من ميزانية الأجور فى الوزارة رايحة لجيوبهم
ده حتى الخصم من مرتبات المدرسين و اللى المفروض بعد مدة يرجع للمدرسين الغلابة اللى اتخصم منهم بالتحقيقات الظالمة المتفبركة إياها اللى أكيد الكل عارفها بيستولى عليها الإداريين و يحطوها فى جيوبهم
و بعدين غالبية المدرسين بنسبة 95% مش بيدوا دروس و ان ادى درس بيكون حاجة تعبانة قوى ما تأكلش قطة
فبلاش حقد و يا ريت الإدارى أو المدرس أبو دبلوم يشوف نفسه نجح ازاى بالغش فى حين المدرس المؤهل العالى اللى الكادر معمول له طلع عينه ازاى لحد ما خد شهاداته لأنه لم يتكاسل و دخل ثانوى عام و بعدين كلية و أهله صرفوا عليه دم قلبهم و لف المعامل و السكاشن و قاعات المحاضرات و المكتبات كعب داير و اتغرب و قاسى و ذاكر و تعب
و إلا بقى يتساوى العامل مع المهندس و الممرضة مع الدكتور و الصراف مع المحاسب و هكذا
تحياتى