#1
|
|||
|
|||
![]() كل ما يخص التقديم لامتحان القدرات 2020 لطلبة ثانوية عامة مصرية ((فقط)) من الألف للياء: - التقديم للاختبار مش متحدد فاتح لحد امتى لكن قرب ينتهي وهينتهي في اى وقت - أخر يوم امتحان بالكليات الفنية يوم 20 أغسطس لكن التقديم اكيد قبليها هيقفل - كل كلية لها نظامها بالتقديم تابع الشرح وهنكتبلك كل حاجة - التقديم بيكون على كذا موقع وكذا مرة امشي خطوة خطوة واكتب معايا - لك تمتحنهم كلهم او تختار براحتك زى ماتحب ع حسب شعبتك المهم كل كلية لها امتحان واحد خاص بيها فقط يعني لو عايز فنون جميلة هتمتحن فنون جميلة عايز تطبيقية يبقي تطبيقية وهكذا. - الامتحان مرة واحدة لو رسبت مينفعش يتعاد - الامتحانات لو خلصت وممتحنتش يبقي مينفعش تكتبها ف التنسيق وراحت عليك للأبد (انساها خالص) - علمى رياضة له امتحانات (فنون جميلة عمارة/فنون جميلة فنون/فنون تطبيقية/ تربيةفنية/تربية نوعية شعبة فنية) - علمى علوم له كله عدا فنون جميلة عمارة - ادبي له كله عدا فنون جميلة عمارة وفنون تطبيقية نبــــــــــــــدأ: - لازم تعمل الخطوة دي مهمة جدا واساس لكل اللي جي: 1- هتدخل على الموقع دة (يفضل من كومبيوتر وليس فون) https://tansik.egypt.gov.eg/Qodrat/D...?Certificate=1 2- اختار مدارس ثانوية عامة نظام جديد هيطلعلك خانات تحت لازم تملاها 3- اكتب الرقم القومي بتاعك بالانجليزي + رقم جلوسك بالانجليزي + هتكتب الارقام اللى شايفها ف الصورة ودوس دخول 4- اختار الكليات اللى عايزها واختار أرغب هتلاقي الخانة بقت باللون الأخضر 5- دوس حفظ وطباعة الايصال 6- اعمل علامة صح ع الكلمة دي ( أقر بأن الرغبات المسجلة صحيحة ولن يمكننى التعديل بعد ذلك) 7- دوس موافق 8- بعد كدة صور الورقة دي مهمة جداااا او دوس طباعة الايصال واختار حفظها PDF هتنزل ملف كدة اطبعه من اى محل نسخة لكل امتحان هتمتحنه لانه هيتقدم مع الورق. 9- انت كدة حطيت رجل ف التنسيق عشان النتيجة تبان عليها لكن لسه مقدمتش برضو 10- هيطلعلك ميعاد ملكش دعوة بيه خااااالص (انسااااي) ومتلتزمش بيه - مادام مدفعتش يبقي لسه مقدمتش نيجي بقى للخطوة الجاية (هننقسم لكذا طريقة دفع) 1- لو هتمتحن فقط اى كلية تبع حـــلــــوان فقط فقط فقط (فنون جميلة حلوان/ فنون تطبيقية حلوان/تربية فنية حلوان/ رياضية حلوان): أ- بعد تقديمك بحوالي 24 ساعة من على موقع التنسيق هتدخل على الموقع دة (موقع جديد لانج خالص) http://app2.helwan.edu.eg/kodrat/Studentsrch.asp ب- حط الرقم القومي بتاعك ج- هيطلعلك انت ممتحن ايه بالظبط ويديلك كود جنبيه د- هتاخد الكود دة وتطلع ع مكتب البريد او اى كشك او محل فيه الخدمات دي (فوري - مصاري - امان - ممكن - ضامن - سداد - سمارت - ايجي بي - بي - وقتي) ه- هتدفع ع الكود اللى انت خدته من الموقع كل امتحان ب 450 ج ومفيش اكواد تانية غير دة و- هيديلك وصل تخليه معاك وهتلاقي مكتوب ف الوصل سداد رسوم جامعة حلوان او طالب قدرات ز- هتروح البيت ح- هتدخل ع نفس الموقع الجديد التانى اللى انت خدت منه الكود ساعات الموقع بيتأخر استني لبليل هيكون مسمع ولو اتاخر متقلقش ط- هيقولك الطالب مسدد وهتلاقي نزلك ميعاد تانى يوم اجباري دة ميعاد امتحانك ك- تروح الكلية ف الميعاد اللى قالك عليه ومعاك ادواتك ودوسيه محترم فيه صورة شخصية ليك وصورة رقم الجلوس وايصال موقع التنسيق وايصال الدفع اللى انت عملته وصورة الرقم القومي ل- تمتحن وربنا يوفقك والنتيجة هتبان ع نفس الموقع دة او ع موقع التنسيق الاولاني م- طبعا لو هتمتحن مثلا تطبيقية بعد جميلة تكرر التجربة دى ومش هتاخد وقت هينزلك ميعاد تانى بنفس الخطوات الفيديو دة شرح التقديم بالصور لاى جامعة تبع حلوان فقط: https://www.youtube.com/watch?v=C-8y...ture=emb_title 2- لو هتمتحن اى كلية غير حلوان (لو هتمتحن فنون المنصورة او نوعية اى مكان او اى اقاليم تانية): شوف انت عايز تمتحن يوم كام بالظبط وحدد بنفسك بمخك بقرارك الميعاد اللى انت عايزه براحتك معاك لحد يوم 20 سيبك من الميعاد بتاع التنسيق. هتاخد الوصل بتاع التنسيق وتطبعه وتضيف عليه صورة شخصية ليك 4 ف 6 لكل امتحان+ اصل وصورة رقم جلوس+صورة الرقم القومي او شهادة ميلاد+مصروف كل امتحان 450 او زى ما تحدد الكلية تروح الكلية بدري ف اليوم اللى انت عايز تمتحن فيه او قبلها بيوم تقدم كل دة ف دوسيه محترم وتقولهم انا جاهز للامتحان سواء قبلها بيوم او ف نفس اليوم المهم ان اخرك يوم 20 وحاول تروح قبل 18 عشان بس نكون بعيد عن الزحمة لو حد رخم عليك قوله والله انا عندى امتحان تاني او جي من سفر متقلقش هما هيخلوك تمتحن. المنصورة بيرخموا ولازم تروح قبلها بيوم دة شرح جامعة المنصورة: https://www.facebook.com/watch/?v=1892358044232974 بالنسبة لفنون اسكندرية بتعمل فيزا ميزا او البنك الاهلي وبتروح الكلية مع للورق وبتدفع بالفيزا هناك باقي الكليات عدا حلوان واسكندرية تقديمها زى المنصورة كاش ف الكلية باليد آخر تعديل بواسطة bahaaeldeen ، 15-08-2020 الساعة 04:17 PM سبب آخر: تعديل الخط |
![]() |
العلامات المرجعية |
أدوات الموضوع | |
انواع عرض الموضوع | |
|
|