رسائل إلى ........ من مواطن مصرى

[أ/رضا عطيه]

المال الخليجى وعمايله

زمان -

ايام برنامج الكاميرا الخفية وبرنامج ادينى عقلك وغيرهم

كان الضيف اللى مستهدف يكون ضحكة الليلة كان من الشعب الغلبان

وعشان كدا كله كان بيضحك ولاحد قال كدا غلط او كدا حرام

كان الغلبان كله بيضحك عليه ويروح البيت لاولاده فارغ اليدين

دلوقتى برامج الضحك صبحت بفلوس وبالملايين

فاختاروا مايسموا بالرموز فى الكورة والفن والطرب

طب ماتضحك ياعم زى باقى الخلق وماتبقاش من قطاعين الارزاق

يطلع محامى غاوى شهرة يقولك كدا بيهين رموز البلد

لما كانوا الغلابة هما المستهدفين ماحدش سمع لك صوت وكله كان مباح

زعلان دلوقتى على الرموز اللى بيرجعوا بيوتهم جيوبهم عمرانه

ماتخليهم يتلهوا ببعض

وقطيعه تقطع الكل كليلة -