رداً على وزير التعليم " انتم عارفين المرتب من الاول "

[محمد حسين الشربينى]

رداً على وزير التعليم " انتم عارفين المرتب من الاول "
لقد نفذ رصيدكم ولا داعي لأى كلام منك عن تطوير وهمي فإذا لم تكن تعلم ان المعلم هو أهم عناصر العملية التعليمية وإن راتبه لا يكفيه
فلترحل وكفاك مخادعة للمعلمين والطلاب وأولياء الأمور ....
اذا لم تكن قادرا على احترام المعلمين في حديثك فلتصمت أو تقل عن من علموك خير ..
كفى نكران للجميل ....
شوف يا معالي الوزير اه احنا كنا عارفين المرتب من الاول وزي ما قلت العقد شريعة المتعاقدين... بس انت بقا ما اخدتش بالك من كام حاجة.... وهي

اولا اخر دفعة تعيينات كانت من تلات سنين تقريباً ايام ما كان الدولار ب9 جنية يعني مرتب المعلم المعين وقتها كان حوالي 110 دولار دلوقت بقي الدولار ب 19 جنية وكسور يعني مرتب المعلم مبقاش محصل 55 دولار وحضرتك سيد العارفين ان الحكومة اللي هي الطرف التاني في العقد هي اللي غرقت قصدي عومت الجنية يعني هي اللي اخلت بالعقد

ثانيا تم رفع اسعار الوقود والضرايب والكهرباء والغاز في الفترة دي بنسب تتراوح ما بين 50 الى 150 % والحكومة بردو اللي هي الظرف التاني في التعاقد هي اللي عملت كدا

ثالثاً تم تثبيت البدلات الخاصة بينا على اساسي 2014 واالخصومات على 2017 بالمخالفة للقانون وبردو الحكومة الطرف التاني في التعاقد هي اللي عملت كدا

رابعاً بالنسبة بقا لحافز الاداء حضرتك احنا بندرس المناهج اللي انتم وضعتوها والقوانين والقرارات واللوائح اللي كلها تضارب اللي انتم بتصدروها يعني ماشيين على نفس السكة اللي انتم بترسموها يبقا مين اللي مفروض يتخصم من مرتبة احنا ولا حضراتكم
خامساً يا سيدي احنا موافقين نفضل محلك سر ومنخدش مليم زيادة ونلتزم بمبلغ التعاقد وشروطة بس تلتزم الحكومة كمان وتلغي كل قرارات زيادات الاسعار والتعويم مع العلم ان بتكلم عن السلع اللي الحكومة رفعتها عشان محدش يقولي جشع تجار والبوقين دول
وكمان متنازلين عن حافز الاداء بشرط يتشال من كل موظفي الوزارة واولهم حضرتك والوكلاء والمستشارين والمتابعين ما احنا كلنا بقا فشلة وفي منظومة واحدة فاشلة...

سيادة الوزير....اللي بيتة من زجاج ياخد بالة من كلامة

عبودة مصطفى

[ضياء الجمل]

كلام جميل جدا ياريت يوصل

[Mr. Bayoumy Ghreeb]

للأســـــــــــــــف

هذا الرد سيقرأه الزملاء من المعلمين و ليس الوزير

[محمد محمود بدر]

المشاركة الأصلية كتبت بواسطة Mr. Bayoumy Ghreeb

للأســـــــــــــــف

هذا الرد سيقرأه الزملاء من المعلمين و ليس الوزير

جزيل الشكر والتقدير لحضرتك



جزاكم الله خيرا وبارك الله فيكم

[سامى الجنانى]

اول خطوة لتطوير التعليم هى المعلم الذى يعمل بعد المدرسة سواق تكتك او فى عيادة دكتور ------الخ

[عمران جابر مهني]

مين يسمع الكلام د ويوصلوا للبهوات في مجلس الوزراء

[Nasr Fouad]

يسلم فمك
انت جبت المفيد

[bani17777]

لا فاض الله فاك اخونا استاذ محمد نرجو ان يصل هذا الكلام الى معاليه ......!!!!!!

[faraglxr]

متى يفيق المعلمون من ثباتهم ونومهم ؟ !
ومتى يتحرك المعلمون ويطالبون بحفهم المسلوب ؟

[Nasr Fouad]

المشاركة الأصلية كتبت بواسطة faraglxr

متى يفيق المعلمون من ثباتهم ونومهم ؟ !
ومتى يتحرك المعلمون ويطالبون بحفهم المسلوب ؟

سباتهم و ليس ثباتهم
لأن السُبات هو النوم العميق اما الثَبات هو السكون و عدم الحركة