اهو اللي عاوز يدخل يتناقش اهلا بيه

[ymymym]

انا موضوعي جايز هيبقي غريب شويه بس مش عارفه احساسي انه هيتحذف كالعاده بس ما علينا
اهو افضفض شويه مش بقول كده لاسمح الله عشان ابين نفسي كويسه ولا حااجه من كده لأ بس حاجه خانقاني او بمعني اصح مش لاقيه حد زيي فعلا انا زي ما بيقولوا اهلي والله بيقولولي كده انتي عبيطه وساذجه وممكن اي حد يضحك علي عقلك يعني علي اساس اني بتعامل بطيبه زياده عن اللزوم او انا ممكن اصدق اي حاجه بسهوله
انا مثلا لما يتعمل معايا موقف معين وحش تلاقيني بسامح او بمعني اصح بعبط وهو فعلا كده عبط وانا اعترف مافيش حد اتعاملت معاه كده الا ويديني فوق دماغي جايز واحد يدخل هنا يقول لأ ليه ما احنا طيبين ومعرفش ايه بس مش دا اللي قصدي عليه مش الطيبه دي بجد انا بالنسبه ليا كل انسان انا شايفاه كويس لكن اجي مثلا اتعامل مع واحده معينه والاقيها سوسه مع انها بتبين انها طيبه بس سوسه وتلاقيني قلت ايه لأ دي كويسه بس انا اللي عقلي راح بعيد شويه واخد قم تاني منها وارجع اقول لأ مش تنازل عن كرامتي لأ بس معرفش مش عارفه بجد انا ليه كده مثلا اجي اطلب طلب هنا من ناس في المنتدي وتلاقيني اقول معلش انا اسفه علي الازعاج اه في ناس تستاهل كده وفي ناس متستاهلش ابدا اني اقولها كده او مش متستاهلش
لأ تلاقيها مطنشه شويه بس مش عارفه بقي انا مبتعاملش كده خالص لو حكيت حاجه لحد تلاقيها تسمع الحاجه دي من هنا وتخليها لبعد كده تستغلها ضدي
كل واحد عاوز مصلحته وبس والله انا اكتشفت ان كل واحد عاوز مصلحته وبس
انا ليا واحد قريبي كان زيي كده بس لقيته فجاه اتغير بقي زي الباقيين بقوله ليه كده قالي اذا كانوا هما بيتعاملوا كده ليه انا متعاملش كده زيهم قلتله لأ هتلاقي زيك كتير وانا كده وهتلاقي كتيييييييير قوي زينا بس يظهر اني انا اللي عبيطه لوحدي ومع الاسف انا فعلا عبيطه مش طيبه الاقي واحده تحكيلي حاجه واصدقها وتطلع حته بنت ببقي من جوايا بغلي بس بعبطي اسامح واقول معلش مش ذنبها دا ذنب المجتمع اللي حوالينا ذنب اهلها اللي علموها كده بس افكر تاني طب مانا متاثرتش خالص باللي حواليا مع ان كل اللي بتعامل معاهم كده بس متغيرتش وارجع انا في الاخر يتقال عليا ايه

عبيطه

يا تري بقي دا يبقي فعلا عبط ولا طيبه بجد وهل هلاقي حد كده
ولو انا اتعاملت مع حد كده يقولوا بقي كمان عليه ايه معندوش كرامه

مع الاسف دنيا غريبه فعلا