كلام هندسة ( ارسمها صح تعيشها صح )

[..Just Stop]

سلام عليكم

هو موضوع غريب شوية

بس ما علينا

فى ناس بتحسب حيااتها بالكيلو متر

وناس بتحسب حياتها بالمتر

وناس بتحسب حياتها بالسنتيمتر

انما فى هندسة عندنا بيعلمونا نحسب حياتنا بالميللى

يعنى لازم نرسمها صح

علشان نعيشها صح

يعنى معنى كلامى

ان كل واحد فينا لازم يعرف هو رايح فين وجاى منين

ميعيشى فى الدنيا وخلاص وزى ماتيجى

خطط لمستقلك بالميللى

متقولش سيبها تمشى بالبركة

لازم تحط ادامك هدف وتسعاله

لان الانسان اللى ملوش هدف زى الانسان الميت مش هيفرق معاه لا ليل ولا نهار

يعنى لو ليك هدف انك تدخل كلية كويسة من كليات القمة اكيد هتحط الهدف ادامك

والسعى اليه هو المذاكرة والاجتهاد

لو هدفك فى الحياة ان ربنا يرضا عنك

اكيد هتسعا لده وهتحاول متعصيش ربنا

يعنى تحديد الهدف من اهم وسائل النجاح

يعنى لازم تحسبها بالميللى علشان لو فرقت فى ميلى هيبقا الفرق بسيط

انما لو فرقت فى سنتى ....... ولو فرقت فى متر .........

لان الحياة عبارة عن

اهداف طموحات احلام مبادىء

يعنى لازم نرسم لوحة لحياتنا

ولو رسمناها صح اكيد هنعيشها صح

الموضوع ممكن يكون ملخبط شوية وفى نفس الوقت بسيط

يارب معنى كلامى يكون وصل

ومتسيبوش الايام توديكو وتجيبكو

اتحكم فى مستقبلك

اتحكم فى حياتك

حدد هدفك واسعى اليه

اكيد فى النهاية هتوصله

وارسم حياتك صح

علشان تعيشها صح

دمتم فى رعاية الله