((( لجنة من الوزارة))) معظمنا سمع الكلمة دى ايام الدراسة

[marwa.m]

السلام عليكم ورحمة الله وبركاتة

اخويا رجع من المدرسة متأخر شوية سالتة فية اية

قلى اصل فية لجنة من الوزارة كانت فى المدرسة

وطبعا لازم الخروج يكون فى معادة والمدرسة نظيفة

والمدرسين فى احسن حال

والطلبة مستلمين احسن تغذية

وكل مدرس يجرى على الدفتر ويحضرة


والفصل يبقى نظيف ويظهر جو الترابط الاسرى فى المدرسة والعصاية تستخبى

اكيد كلنا سمعنا كلمة فية لجنة فى المدرسة

وفهمين كلامى كويس

لان دة حصل لمعظمنا


لازم يكون فية لجنة من الوزارة فى كل مكان يعنى عشان نبقى تمام

لية ميبقاش فية لجنة فى ضميرنا

تفكرة دايما ان الصح لازم يتعمل

لية بعد ماالجنة بتاعت الوزارة بتمشى

كل حاجة بترجع لحالها

وانا فى الاعدادى مكنوش فى مدرستنا بيعملوا اذاعة مدرسية

وكنت انا وزمايلى بنتحايل عليهم عشان نعمل

بس مكنش فية فايدة

لحد مافى يوم الصورة اتقلبت وهما الى طلبوا مننا

نعمل ولما سئلنا فية اية قالو عشان فى لجنة من الوزارة


انا عايزة لجنة من الوزارة تبقى مع كل انسان فى كل مكان ودة صعب طبعا

لكن احنا معانا ضميرنا

ومعانا دينا

كفاية بقى كلمة لجنة من الوزارة

انا زهقت من الكلمة دى

يارب اكون عرفت اوصل قصدى

فى رعاية الله