هقتلك .. عشان . . بحبك .. صدقيني

[أحمـدنجـم]

هقتلك عشان تعيشي زي ما كنت زمان

هقتلك جوايا وأقتل كل شيء اسمه أمان

أيوه لازم تكرهيني .. عارفة ليه ؟ عشان بحبك

هقتلك صورة في عيني .. تقتليني جوه قلبك

عشان بحبك ..

يبقى لازم اكون حقير .. ندل وجبان

كنت بضحك آه عليكي في اللي كان

كنت عاوز بس واحدة اتسلى بيها

طبعي ألعب بالصبايا قالوا عني ألعبان

عشان بحبك

هشوه الصورة الجميلة قومي يلا قطعيها

كل كلمة حب دافية كنتي مني بتسمعيها

أسطوانة بقولها دايماً كل مرة اتحب فيها

فضي منها القلب يلا فَرْمَتِيهَا كسريها

عشان بحبك

هخلي موتي ليكي حلم في كل ليلة

وتشوفي من غيري الحياة جدا جميلة

هتشوفي واحد تاني بارد قلبه قاسي

كنت بالنسبة له ع الكورنيش بليلة

عشان بحبك

اوعو حد يقولها اللي ناوي اعمله

عشان تعيش تمشي طريقها تكمله

اصلي مش ليها يا ناس حبي ليا مستحيل

وعشان كده هقتلها يعني .....
برضه قلبي هقتله

عشان بحبك .. يا حبيبتي صدقيني