(((___مشاكل طلاب الثانوية العامة___)))

[Dr.diamond]

المشاركة الأصلية كتبت بواسطة dr.ahmed91

عادي ال120 الف طالب اللي بياخدوا فيزياء كل سنة عندهم نفس الاحساس...بس كله يهون



المهم يكون المدرس ده سمعته كويسه في المنطقة والمدرسة بتاعتك وزميلاتك الشاطرين بياخدوا عنده ودرجات طلابه معروف انها عاليه

وكمان يا ستي 17 ده عدد ... ده انا كنت في مجموعة 75 واحد...بس الاستاذ ماشاء الله عليه عارفهم كلهم
باساميهم الثلاثية والرباعية(زي كده)



مفيش حاجة اسمها سؤال هايف وده تعرفيه لما تدخلي الجامعة..كل حاجة لازم تسألي فيها وتعرفي بتحصل ازاي



اي سؤال يقف معاكي لازم تسأليه سواء هنا في المنتدى او تلزقي للاستاذ قبل الحصة او بعدها




فعلا انت كده حتضيعي وقت جامد انتي بحاجة ليه لاحياء او الرياضة



انتي بايديكي تبقي من الناس دول....تقعدي قدام وتنتبهي وتسالي وتجيبي درجات كويسة في امتحاناته



الامتحانات ملهاش كبير ممكن الامتحان ييجي صعب اكتر او سهل خاااااااااااالص

المهم بقي....حاولي تعتمدي على نفسك وتذاكري اكتر وتحلي من كتب خارجية وتصححي الاجابات
وتحلي مسائل وتنتبهي مع الاستاذ وتذاكري اول باول وتساليه في اي حاجة وعندك المنتدى هنا ابقي اسالي

رد وافى جدا

وبرضه احب اقولك

انى كنت باخد فى سنتر المجموعه حوالى 150 واحد

والعدد مكنش مشكله ولا حاجه

وبرضه شرحه مكنش بالمستوى اللى انا عايزاه

بس مساءله كانت كتيره جدا وافكارها كتيره وده اللى كان مخلينى استمر معاه

بس مكناش بنسيبه الا واحنا مخلصين الاسئله اللى واقفه معانا كلها
ومفيش حاجه اسمها سؤال هايف وسؤال مش هايف

فيه مدرسين مش بيحبوا يجاوبوا او بيضايقوا بس ولا يهمك

خليكى غلسه واسالى اللى انتى عايزه وحطى فى دماغك انك بتدفعى فلوس عشان تتعلمى منه وتعرفى كل حاجه مش عشان تتكسفى تسألى

مش يمكن الحاجه اللى انتى يتحسبيها هايفه دى ومسألتيش فيها تجيلك فى الامتحان ساعتها بقى هتعملى ايه ؟؟ظ

اهم حاجه فى الفيزيا انك تطبقى كتير عالقوانيين وتشوفى افكار جديده وغريبه ومتسبعديش اى نوع من المسائل


واى حاجه احنا فى الخدمه


فى رعايه الله