مترو الاموات 2

[Rambo_Uranium]

السلام عليكم ورحمة الله وبركاته
حسبى الله ونعم الوكيل
حسبى الله ونعم الوكيل
لو قلت مية مره حسبى الله ونعم الوكيل مش كفايه على اللى بيحصل كل يوم لكن النهارده مش زى اى يوم النهارده الخميس المفروض ان ده يوم الراحه سكشن واحد فى الكليات والمدارس بتخرج بدرى ويوم ميه ميه المفروووض
لكن للأسف مترووو العكننه مترو الشلل مترو الخنقه
مترو الاموات ( الانفاق)
رايح فى امانه الله اركب المترو الساعه 8 الصبح وانا السكشن بتاعى الساعه 9 المفروض اكون هناك 9 فى المعمل .
والمترو بياخد حوالى ساعه الا ربع من عندنا من عين شمس لحد مايوصل لكليه الزراعه .
النهارده واحد رجليه اتكسرت زى منا شفت او زى ماالراجل قال وهو بيصوت بعد ماالباب قفل عليه مش ممكن المترو جى من المرج مليان مفيش خرم لأى حد يقف فيه حتى الباب ياجماعه مكبووووس ناس على اخره مش ممكن والناس بتركب ازاى بقا بتقف جمب الباب واللى وراك بيزق على جوه انا شفت المنظر مصدقتش ( مدد ياعريان مدااااااااااااااااااااااااااااااااد)
صحيح احنا متعوديين على الزحمه كل يوم
بس النهارده اللى حصل ده كتير قووووى فيه راجل المترو قفل على رجليه وايديه وهو طبعا راجل ماشاء الله على ذكائه انه ركب فى الموووت اللى جوه راح راكب والمترو قفل على ايديه ورجليه حاولنا نفتح الباب معرفناش الراجل فضل راكب المترو وهو قافل عليه من غير ماالباب يفتح ومشى الراجل كده الله اعلم لحد فين .

انا حرام عليا اركب واخش اموت الناس علشان اوصل لا انا طز فى الكليه بس اخاف ادوس على حد ولا حاجه علشان كده مرحتش وراح عليا السكشن .
استنيت 7 متروهات لحد ماربنا يكرم ويجيب واحد فاضى ونركب من غير ضحايا مفيش فايده
اخر مترو ده بقا مشى والباب مفتووووح
قمة الاستهتار والله مشى والباب مفتوح من كتر الزحمه الله اعلم بقا ان كان فتح ولا لأ.
قولت بقا اعمل ناصح كده ولا كده السكشن راح اروح لأى حد من صحابى يشرحهولى واشوف خدنا ايه روحت قولت انا ارجع للمرج واركب من اول الخط فاضىىىى
هههههههههههههههههههههههههه
المترو عطل فى نص السكه بين عزبه النخل وعين شمس هههههههههههههههههههه راح كل شيىء
ولا عربيه السيئات ( السيدات ) ياعينى على اللى بيحصلهم مش ممكن لاحول ولا قوة الا بالله
اخر مازهقت وصلت المرج طبعا وطلعت طبعا محطه المرج ملهاش حل المكن بتاع التذاكر مش عايز يدخل التذكره هههههههههههههههههههه والله مش راضى لقيت مكنه فى الاخر خالص بعد ماجربت كل المكن دخلت التذكره وعديت ورجعتها تانى هههههههههههههههههههههه
معرفتش اعمل ايه روحت البيت نمت
فى يوم تانى روحت دخلت المعمعه وجبت تذكره من الشباك بعد عذاب وجيت ادخلها فى المكنه فى محطه عين شمس التذكره دخلت ومخرجتش ههههههههههههههههههه سبحان الله
اللى بيقفوا على ميكنات التذاكر قالولى روح جيب تذكره تانيه روحت جبت تذكره انا خلاص كرهت المكنه دى راجل بقا بيعمل نفسه ناصح عليا بيقولى يابنى حط التذكره صح تذكرته دخلت هو كمان مطلعتش هههههههههههههههههههههههههههههههههه

ياجماعه ايه الحل حراااااااااااااااااام والله حرام
ايه الحل؟
انا بعد كده هنزل من بيتنا الساعه 6 الصبح
ايه الحل ؟
انا معنديش اى خيارات تانيه غير المتروووووووووووو
رجاء من طلبه جامعه عين شمس اركبوا اتوبيسات وسيبوا لينا المترو بهزرر

لازم كلنا نتعاون ونفكر فى حل للكارثه اللى اسمها مترو الانفاق سورى اقصدى مترو الاموات

وتانى هرجع اقول الله يسامحك يانفرتيتى زى ماقولت فى مترو الانفاق واحد .
http://www.thanwya.com/vb/showthread.php?t=40631

والسلام عليكم ورحمة الله وبركاته