اقتباس:
المشاركة الأصلية كتبت بواسطة libishi
كل سنه وانتوا طيبين يا جماعه انا عبدالرحمن مجموعه ب و سكشن 9 لو حد معايا عايزين نتشرف وادعوا معايا ربنا يعدى السنه دى على خير
|
اهلا بيك يا عبد الرحمن معانا وان شاء الله تستفيد معانا وان شاء الله ربنا حيعدي السنة دي على خير ولما تفتكرها حتقول ان دي احسن ايام زي ايام الثانوية
اقتباس:
المشاركة الأصلية كتبت بواسطة jilly
انت ايه رايكك يا احمد فى د/اسماعيل بتاع elzoology ؟؟
انا شايفة انه بيهزر كتيير وبتاع كلام شوية بس شرحه مش وحش
انت كنت موجود لما طرد 2 قاعدين فى الاول؟ لما قالهم انتو ليه مش بتضحكوا؟؟
|
بصي بداية د/اسماعيل ده رئيس القسم يعني حاجه كبيرة وعلم راسخ وواخد الدكتوراه من 30 سنة او اكتر
وهو لسه مبدأش شرح جامد يعني..لسه في الاول
وممكن يكون اسلوبه ان يدخل الضحك في المحاضرة اثناء الشرح ..ده ممكن يكون اسلوبه لتوصيل المعلومة
اما حكاية الولدين اللي اتطردوا فأكيد ليها اسباب تانيه
ومتنسيش كمان البنت اللي زعقلها لما دخلت
يعني خلينا في حالنا ونقعد ساكتين ونحضر محاضراتنا وبس
01-10-2008, 07:45 AM
العرض الشجري
