السلام عليكم ورحمة الله وركاتة
اولا شكرا لمصطفى على اختيارك
وثانيا اسفة لو كنت أتاخرت
انا احب انى اتكلم عن نقطة معينة لانى لسة من يومين كنت بتناقش فيها مع بابا
فى مجتمعنا يوجد مفهوم سائد على بعض الشباب ومسيطر عليهم سيطرة تامة الا وهو مفهوم "هو انا اللى هغير الكون يعنى هى جت عليا"
أصبح عندنا كمية احباط ويأس وافتقاد للثقة بالنفس غير عادية ...الى ان تحولت لسلبية
للاسف بعضنا يعيش يومة فى روتين تام غير قابل للتغير ...وللاسف روتين غير مفيد للمجتمع ....
منتاسيين ان الله خلق الانسان فى الأرض ليعمرها
بس ازاى هنعمرها ؟؟؟
واحنا عايشين حياتنا بلا اهداف !!!
ازاى هنعمرها ؟؟؟
واحنا نفتقد الثقة بانفسنا !!!!
ازاى ؟؟
واحنا اليأس اصبح جزء لا يتجزأ من حياتنا !!! والسلبية اصبحت صديقة لكل تصرف يصدر منا !!!
يبقى لازم اننا نجاهد مع انفسنا علشان نغيرها
اكيد بداخل كل انسان مننا ايمان , بس المشكلة انة مش عارف يوجة ايمانة فى الطريق الصح
شئ جميل بجد واحساس اجمل
لما الانسان بكون عندة شعور انة كائن مفيد فى المجتمع ...لما بغير طريقة حياتة ويبعد عن السلبية
اللى هى مش من اخلاق ديينا
نبعد عن جملة "هو انا اللى هغير الكون يعنى هى جت عليا"
لما كل واحد فينا يقول كدة ...مين اللى هيعمر الارض ..مين اللى هيرتقى بحال الامة
هتقولوا لى وهنعمل اية يعنى ؟؟؟
هنعمل كتييييييير
ابسطها
لما تمحى امية شخص ...وتعلمة القراءة والكتابة
لما تساعد مسكين
لما تسعى لعمل الخير دايما
لما تحث الناس على فعل الخير
لما تساهم بعلمك للغات وتشارك فى ترجمة الكتابات الاسلامية
لما نلتزم ونتصف بالصفات الحميدة ونكون وجهة مشرفة للاسلام
لما تكون انسان فاهم دينك كويس وتعرف تدافع عنة وتقف بكل قوة ضد للحملات التبشيرية
لما تلتزم بدينك
لما ترفع ظلم عن انسان
لما تساعد اصحابك وتبعدهم عن طريق الضلال وتقربهم للهداية
واشياء اخرى كتييير ......
نكون هدفنا الاول هو اننا نرتقى بحال الامة الاسلامية ..نبعدها عن اى مداخل لطريق الجهل والتخلف ,, ونقربها لطريق التقدم والتطور
طريق التطور اللى الغرب بيحاولوا يبعدوا الامة الاسلامية عنة
دايما مصورين صورة الانسان المسلم ...انة انسان ارهابى وتنظيم قاعدة ...انسان خطر على البشرية ....
وساعة لما نيجى ونقول لا الانسان المسلم مش كدة .... لازم يكون معانا الدليل , الدليل اننا اناس مفيدة اناس لنا اهمية فى مجتمعنا
بجد الامة الاسلامية فى صحوة ما شاء الله كبيرة
لازم كلنا نشارك فيها
ولازم اننا نتمسك بتعاليم ديينا وبسنة الرسول عليه افضل الصلاة والسلام
لان هدف الغرب انهم يجعلوا من الامة الاسلامية امة لا فائدة ولا وجود لها
واحنا لما بنكون سلبيين فى طريقة حياتنا بكدة بنساعدهم على مخططهم دة وبنعمل ابادة للامة
لازم اننا نواجة كل ما يفعلوة من اجل تأخرنا .
لازم اننا نشوف المجاهدين فى فلسطين والعراق
نشوف اد اية هما ايجابيين ومش استسلموا وبيحاربوا وبيدافعوا عن ارضهم ...ولا قالوا هنعمل اية ؟؟؟ ولا قالوا العدو اقوى مننا ..
دايما فى قلوبهم انهم اقوياء بالله سبحانة وتعالى
ناخد من قصص الانبياء
قصة سيدنا محمد صلى الله عليه وسلم و اد اية تعب فى نشر الاسلام
قصة سيدنا موسى علية السلام واد اية هو جاهد وتعب مع اهلة فى اقناعهم انهم يتخلوا عن عبادة الاصنام
يقول الله سبحانة وتعالى
"إن الله لا يغير ما بقوم حتى يغيروا ما بأنفسهم"
اللهم اجعلنا خير اناس نافعة للامة
هو الموضوع شامل وكبير ويطول كتابتة فى كذا حاجة
بس اتمنى انة يكون وصل كلامى
ويكون افاد
على فكرة انا الكلام دة قلتة لنفسى اولا
وبعتذر عن انى كتبت بالعامية نوعا ما ومعلش سامحونى لو كانت الكلام مش مرتب 
وبختار
محمد السادات
وجارى ارسال الرسالة له
19-09-2008, 11:04 PM
العرض الشجري
