ليه بتحاسبونا ع ذنب مش ذنبنا؟!!!!!!!!!

[شموخ مسلمة]

السلام عليكم و رحمة الله و بركاته

هو ده يمكن أول موضوع ليا فى اقتراحات و حلول و مش عارفة يمكن كان المفروض احطه فى الركن العام
المهم .....

انا بس عايزة اوجه رسالة لمدرسينى الافاضل اللى -و الله العظيم- بحترمهم جداااااااااااااااا جداااااااااااااااااااااا و بتعلم منهم كتير جدا
و ياريت هما برده يعتبرونى بنتهم
لو سمحتم يا مدرسينا و برده يا استاذ عصام مش تحاسبونا ع اننا اصغر من حضراتكم فى السن
هتقولولى يعنى ايه
هقول لحضراتكم
الموضوع الاخير بتاع اسلام-معلش يا سادات انت مش رضيت تتكلم فيه فى الاقتراحات بس انا حبيت اكتبه هنا-
ليه اكتر كلمة اتقالت اتقاله انت سنك صغير ليه و لمحمد مع انهم مش صغيرين يعنى و بالعكس سواء اسلام او محمد بجد عقلية مميزة جداااااااااااااا
المفروض و اللى كلنا شايفينه ان فعلا اسلام ومحمد ليهم حق يبقى ليه مش ياخدوه يا أستاذ عصام
صراحة معلش انا كان فى حاجة ملاحظاها من ساعة موضوع الاسطورة و أكدلى كده الموقف من اسلام
انا متاسفة جدا انى اقول كده بس يعنى لو غلط ياريت حضراتكم تصححولى
انا حاسة ان أهم حاجة فى المنتدى هو المدرس طبعا أنا مش معترضة ع ده
بس يعنى ياريت ده مش يظلم حد مننا او يخلى حق اى حد فينا يتهدر فى المنتدى

اخر حاجة عايزة اقولها لانى حاسة انى هتوقف مش عارفة ليه
احنا بجد بنكن لكل المدرسين كل احترام ومش بنقصد خالص اننا نسئ لحد بس مش من حق أى حد أنه يحجر ع افكارنا لمجرد اننا سننا صغير
معلش انى عملت الموضوع بس صراحة المعاملة دى شبيهة بمعاملة معظم الاباء اللى مش بيسيبوا لينا حق ناخد حقنا

متاسفة لو قلت كلمة ضايقت اى حد
فى رعاية الله