كواليس ما وراء الحلل

[الرهينه]

المشاركة الأصلية كتبت بواسطة اسيل رزق

بيوحشنى الموضوع ده

أنا بقا أبدعت أول يوم رمضان

ماما طبخت بطة علشان هما هياكلوها وأنا عملت كفتة فراخ ليا بس كانت جميلة جداً

مكسلة أكتب اللى عملته كان يوم طريف

بعدين بقا .. اعذرينى يا جميل

ايه يا ماهى الكسل ده .. ما تكتبى بضمير عشان ربنا يباركلك كده

وبعدين تعملى كفته وما تعمليش حساب اختك اخث عليكى

المشاركة الأصلية كتبت بواسطة الاستاذ محمد سرور

انا لى قصة اعتقد ان ما فيش حد فى المنتدى عملها القصة هى يوميات مع الخروف اشتريت انا وصديق لى خروف اسمه المهندس سيد (ده اسم صاحبى مش اسم الخروف )

مفهوم مفهوم

وجاء صديق ثالث و***ه واحنا كلنا سلخناه وقطعناه وفضلت رأس الخروف وكان لابد من تنضيفها وكان العناد قد اصابنى كعادتى فانا لا احب الفشل وحلفت انى انا و المهندس سيد نتغدى فته ولحمة رأس وريش الخروف المهم نضفت الرأس وقطعتها وسلقتها وجهزت التوابل لعمل الشوربه وكل شىء جميل وعملت الارز بتاع الفته وكله دة تمام ونيجى لحد النقطة الفاصلة الصلصة اللى حتتحط على الفته عملتها بالخل والتوم وهى على النار وزود التوم والخل علشان نعمل (دماغ فته )المهم وقمت بشوى الريش كل هذا قبل ان تأتى الخامسة عصرا المهم الاكل جهز وكل حاجة تمام والحمد لله اكلنا انا والمهندس سيد لوحدنا فى شقتى وقلنا نتفرج على مبارة كانت بين فرنسا وايطالياوجلسنا سويا على سرير امام التلفاز لنستريح بعد عناء اليوم وفجأة ايطاليا جابت جول.......... قلت لسيد شوفت الجول دة ........سيد لم يرد......... يا ابنى شوفتى الجول دة شوفت الواد عمل ايه........ سيد لم يرد....... فنظرت الى سيد فاذا به ...............الفته اللى بالخل والتوم مع اللحمة الضانى كبست عليه ونام لحد تانى يوم ........وابوه يتصل بى فين سيد........ اقوله نايم.......... يقولى طب صحيه يكلمنى ..........اصحى سيد ..مفيش سيد .......كانه واخد بنج ..........اول مرة ياكل لحمة تقريبا وماستحملش من الفرحة اغمى عليه تقريبا ولا ايه مش عارف

اها بس فى كتير بيقولوا مش بنحبها مش بتيجى عندنا خالص

............وابوه كل شويه يتصل .............وانا محتاس.......... بس الحمد لله تانى يوم لما صحى اتصل باهله وطمنهم عليه .........ومن ساعتها حرم ياكل لحمة معايا

يا نهار كل ده من اللحمه

............والحمد لله هذه كانت اولى انطلاقاتى فى المطبخ *** وتنضيف وطبخ (فته ولحمة رأس الباشا الخروف )

لا بس حضرتك عبقرى والله يا مستر ما شاء الله عليك
انا اعتبر البريمو ف اخواتى ف المطبخ بس عمرى ما افكر فى يوم انى اتهور واعمل كده ابدا

.بالمناسبة هو لسة راجع الان من السعوديه وحاولت اعزمه على كباب وطرب من شويه .........لكن سبحان الله مفيش محل كباب فاتح .........ورسيت فى الاخر على فول (سحور)

حمدالله ع سلامته

ومعلش يا مستر خليها عليك المرادى وخليها فول بدل ما يتكرر اللى حصل تانى والمرادى هيقوله ان حضرتك خطفته

بجد يا مستر رد حضرتك تحفه وعن جد نورتنى ف موضوعى المتواضع