بتتكلم في حق حد ومش عارف تبطل؟؟؟

[JusT DreaM]

السلام عليكم ورحمة الله وبركاته

الموضوع ده انا شوفته في منتدى تاني ففكرت اكتبهولكم بااسلوبي
بس الصراحة ملقتش طريقة عرض احسن من دي
فقولت انقله زي ماهو


فى حاجات بتحصل بينا كلنا مش بينا كشباب بس
لا ده بين الناس الكبار كمان الموضوع ده منتشر بينهم جدا يمكن يكون عن جهل منهم ومنا كلنا بخطورته
لكن إحنا فكرنا نعرض الموضوع علشان ننتبه لنفسنا كويس وناخد بالنا من كل كلمة بتخرج منا من غير قصد .





طبعا هتسألونى ايه هو الموضوع ده؟؟؟؟؟










هقولكم






الموضوع ده هو






" الغيبة والنميمة"






طبعا من أشد الذنوب اللى بنعملها خطورة لأن صعب الواحد يتحكم فيه





كتير واحنا قاعدين مع اصحابنا بنجيب فى سيرة الناس


ومش واحنا مع اصحابنا بس لا واحنا مع العيلة كمان !!












مفيش قعدة كدة بتخلى من اننا نتكلم فى سيرة حد










وطبعا كلنا عارفين الحديث الشريف عن سهل بن سعد قال:قال رسول الله صلي الله عليه وسلم" من يضمن لى ما بين لحييه وما بين رجليه اضمن له الجنة" واللى مقصود ما بين اللحية هوه اللسان أما ما بين رجليه فهو الفرج ، يعنى ياجماعة اننا نصون لساننا ده شىء مهم جدا لدخولنا الجنة وفى حديث شريف فى صحيح البخارى قال عليه الصلاة والسلام: (إذا أصبح ابن آدم فإن الأعضاء كلها تكفر اللسان، تقول: اتق الله فينا، فإنما نحن بك, فإن استقمت استقمنا، وإن اعوججت اعوججنا) رواه الترمذي






اه لو نعرف اد ايه اللسان ده ممكن يضيعنا وممكن ينجينا مكناش اتكلمنا كلمة واحدة مش من حقنا








وكمان فى حاجة بتحصل اما حد فينا مثلا بيسمع كلمة وبينقلها لواحد تانى .....






الواحد التانى ده هينقلها برضه بس مش زى ما هى لازم هيزود عليها شوية من عنده وهكذا تفضل تتنقل من واحد لواحد بس بعد ما تكون كبرت واتهولت لان كل واحد أخرجها بدماغه هوه وزود عليها سيناريو تانى .







قال تعالى: "ولا يغتب بعضكم بعضاً أيحب أحدكم أن يأكل لحم أخيه ميتاً فكرهتموه" سورة الحجرات آية (12)

يعنى اما بنتكلم عن حد كأننا بناكل فى لحم واحد ميت

تخيلوا التشبيه عامل ازاى واد ايه صعب...





ولكن هل من متعظ ؟!!

وكمان ربنا بيقول فى سورة الهمزة "ويل لكل همزة لمزة" آيه (1 ) وبيقول كمان فى سورة القلم " هماز مشاء بنميم" آيه (11)

وفي الصحيح عن أبي هريرة يرفعه إلى الرسول صلى الله عليه وسلم: "أتدرون ما الغيبة؟ قالوا: الله ورسوله أعلم؛ قال: ذكرك أخاك بما يكره؛ قيل: أفرأيت إن كان في أخي ما أقول؟ قال: إن كان فيه ما تقول فقد اغتبته، وإن لم يكن فيه ما تقول فقد بهته" رواه مسلم

وعن ابى داود عن الرسول صلى الله عليه وسلم: "يا معشر من آمن بلسانه، ولم يدخل الإيمان قلبه، لا تغتابوا المسلمين ولا تتبعوا عوراتهم، فإنه من يتبع عورات المسلمين يتبع الله عورته، ومن يتبع الله عورته يفضحه وهو في بيته". رواه أبو برزة الأسلمى .

وفى مقولة بتقول :




قال رجل للحسن البصري: إنك تغتابني؟ فقال: ما بلغ قدرك عندي أن أحكمك في حسناتي.






يعنى معنى كدة ان اى واحد بيغتاب واحد تانى التانى ده بياخد من حسناته .












وكان فى برضه أحد التابعين بيقول لو كنت مغتابا احدا لاغتبت والدى لانهما احق بحسناتى !!












وده يخلينا نعرف اد ايه الموضوع خطير جدا عن أبى هريرة قال رسول الله:(أتدرون ما المفلس ؟ قالوا : المفلس فينا من لا درهم له ولا متاع . فقال :إن المفلس من أمتي يأتي يوم القيامة بصلاة وصيام وزكاة، ويأتي قد شتم هذا، وقذف هذا، وأكل مال هذا، وسفك دم هذا، وضرب هذا، فيعطى هذا من حسناته، وهذا من حسناته، فإن فنيت حسناته قبل أن يقضى ما عليه أخذ من خطاياهم فطرحت عليه، ثم طرح في النار) صدقت ياحبيبى يارسول الله .





تخيلوا بقى لو حد جه يوم القيامة وفاكر نفسه انه عامل حسنات كتير جدا لكن ميلاقيش فى ميزانه اى حسنات بسبب كلام كان بيمشى يقوله بين الناس على حد او بسبب بدعة هو ابتدعها أو سنه سيئة سنها بين الناس فطبعا له أجرها وأجر من عمل بها.






من حق المسلم على المسلم أن لا يغتابه ولا يبهته، فإذا سمع أحداً وقع فيه ردَّ عنه وأسكته، وقد روى عن ابي الدرداء رضي الله عنه عن النبي صلي الله عليه وسلم




"من ردَّ عن عرض أخيه ردَّ الله عن وجهه النار يوم القيامة" رواه الترمذى







وكذلك عن جابر بن أبي طلحة الأنصاري قال رسول الله صلى الله عليه وسلم : "ما من امرئ مسلم يخذل امرأ مسلما في موضع تنتهك فيه حرمته ، وينتقص فيه من عرضه إلا خذله الله في موطن يحب فيه نصرته وما من امرئ مسلم ينصر مسلما في موضع ينتقض فيه من عرضه ، وينتهك فيه من حرمته إلا نصره الله في موطن يحب فيه نصرته ".

إيه رأيكوا احنا نكون من اللى بيسنوا سنة حسنة وبرضه هيكون لينا أجرها وأجر من عمل بها








وهى اننا نقدر نتحكم فى لساننا مش هو اللى يتحكم فينا.




طيب ياترى هنعمل كدة ازاى؟؟؟؟؟





نحاول نجرب وإحنا فى وسط عيلتنا مثلا كل ما نلاقى حد اتكلم عن حد وهو مش واخد باله نحذره ونفكره ونقوله امسك لسانك !











حتى احنا عندنا فرصة كبيرة اننا داخلين على رمضان فالتأثير على الناس فى المسائل دى هيبقى اسهل بكتير لأنه محدش عايز يخسر حسناته .






ومش بس اننا منتكلمش على حد نحاول كمان لو سمعنا أى كلمة عن أى حد اياك تنقلها ولو حصل مثلا وجبنا سيرة حد بالسوء استغفر بعدها على طول بس طبعا مش تقول خلاص هقول اللى على مزاجى وبعدها هستغفر لا ماإنت مش ضامن انك هتعيش لحد ما تخلص كلامك وتستغفر بعدها











وأول حاجة ممكن نبدأ بيها لو احنا قاعدين فى مكان بيحصل فيه غيبه اول حاجة ياريت نٌذكر الناس إن ده مينفعش وإنه حرام يعنى هنتكلم بلساننا برضه بس علشان نمنع الغيبة






وكمان نرد غيبة اللى بيتكلموا فى حقه لو الكلام ده مش حقيقى عشان ربنا ينصرنا بعد كدة لو اتحطينا فى مكانه






طيب لو مقدرناش؟؟؟؟


















هننسحب فورا من المكان ده وهذا اضعف الايمان ع الاقل الواحد ينجو بنفسه





ايه رأيكم نبدأ بنفسنا ونحاول نتغير ايدينا فى إيد بعض اكيد هنقدر



ممكن نقع مرة لكن هنقوم تانى ونبدأ من جديد لاننا مش ممكن نستسلم





خلوه شعار لينالا للاستسلام









افتكر الكلام ده دايما ( امسك عليك لسانك ) المقولة دى كلنا عارفنها بس قليل جدا اللى بيطبقها بالرغم من أهميتها.

الغيبة والنميمة والبهتان بيعرفوا بالثالوث الخطر





لانهم 3 حاجات من أشد المعاصى والكوارث اللى تقريبا كل المسلمين بيقعوا فيها












علشان كدة حبينا نتطرح الموضوع الخطير ده لان المفروض قبل ما ندخل على رمضان نصفى قلوبنا من كل الاخطاء اللى بنعملها وده يعتبر اكبر ذنب ممكن نعمله من غير ما نحس بيه

ويارب كلنا نقدر نحافظ على ألسنتنا من الغيبة عشان نرضى ربنا





وكل عام وأنتم بخير