ما حدث فى إمتحانات الكادر بإدارة الجماليه / دقهليه اليوم

[عادل مجاهدمصطفى]

المسرحيه تبدأ عندما توجهنا إلى الجنه التى بها الإمتحانات ودخلنا حجره الإمتحان د
الفصل الأول يبدأ بخناقه بين الممتحنيين ( المدرسيين ) والمراقبين بسبببعض الأوامر
المراقب ( كل واحد يبص أدامه ) واللى معاه محمول يطلعه
أثار هذا غضب بعض المدرسيين مما أدى إلى التراشق بالالفاظ وغيرها ومفيش داعى للباقى لأنكم عرفينه
بدأنا اللجنه وكل مدرس طلع شغله البرايه والأستيكه والقلم الرصاص الذى أصبح عقدة كل مدرس
المراقب ( إياك أشوف واحد بيكلم زميله )
المدرسيين غاضبون ولكن نعمل إيه
حكم القوى
وبعدها عينك ما تشوف إلا النور كل المدرسين قعدوا جنب بعضهم وهاتك ياغش
المراقب ( أنا طالع من اللجنه دى )
وبعدها جاءت وحده منقبه وهى تصرخ فى وجوهنا ( المدرسين ) إنتوا بتعملوا كده ليه عاوزين تودونا فى داهيه
( إنتوا مش عارفين إن هنا لجنه من الوزاره ) ومسكت هذه السيده التى عرفنا أنها مراقبه دور زميله من المدرسيين الممتحنيين وانهالت عليها بوابل من الصرخات والشتائم بسبب أنها تتكلم فى المحمول
مما جعل هذه الأستاذه الممتحنه إلى البكاء
المراقب ( باقى من الزمن نصف ساعه ولا دقيقه زياده يلا خلصوا )
والمدرسيين ( سيبك منه ) لأنهم ملهيين فى الغش والوقت لا يكفى والأسئله كتيره
أنا شخصيا خلصت الإمتحانات قبل الوقت ب 10 دقائق فقط
وبعدها قام المراقبين بجمع الأوراق واسدل الستار على لجنه من لجان إدارة الجماليه الثانويه
وفى النهايه أحب أن أقول لكم إذا كانت هذه الإمتحانات هى التى ستزيد من مستوى المدرسيين فهذا كذب
لأن هذه الإمتحانات إنما هى يوم قضى فيه بعض المدرسيين بعض الوقت وانصرفوا بعدها ولم يستفد أحد

وفى النهايه أحب أن أقول لكم حسبى الله ونعم الوكيل