ليه الخصام؟...الصلح خير...أبدأ بنفسك

[Dr. akram]

بسم الله الرحمن الرحيم

قـــال رسول الله (ص) : لايحق لامرء ان يهجر اخاه فوق ثلاث ليال فيعرض هذا و يعرض هذا و خيرهم من يبدأ بالسلام.. "صدق رسول الله (ص)"
و هذا يدل على ان الخصام من الامور الغير محببة عند الله و رسوله لذا كان اقصى فترة للخصام لا تتعدى الثلاثة ايام ..
لذلك فلابد من كل زميل او زميلة هنا على خصام مع صديقه او مع صديقتها على المنتدى ان يدخل و يبدأ بنفسه ,, مش عيب ابدا هيكون الاجر و الثواب له و الاخر الذى لم يبدأ اكيد مش هيرفض المصالحة و ياخد الاجر و الثواب معاه فكلنا اخوات و كلنا لازم نحب بعض هنا على المنتدى و نفضل على خير و صلح..
عشــــــــان كده ابدأ و اكتب لنا اسمك و اسم اللى زعلان منه او زعلته و اى حاجة طالعة منك عايز تقولها ده لو عندك جراءة ,,, اما لو ما عندكش يبقى انا و استاذه رانيا حسن موجودين ابعت لنا رسالة خاصة بكل اللى عايز تقوله و ما تخافش ان شاء الله هنبقى وسطة الخير ..

و ده طبعا بعد ما استئذنا من الاستاذه رانيا حسن و وافقت و رحبت بكده و كتر خيرها انها دايما بتسعى فى الخير ...
ان شــــــاء الله مش هيبقى فيه اتنين متخاصمين مع بعض,,,, بس ربنا يستر و ما اتخاصمش انا مع حد و ما الاقيش حد يصالحنى عليه..