ما هي الجمعية المصرية لمهندسي البرمجيات؟؟

[LA STELLA]

بس مش بدرى انك تفكرى فى التخرج من دلوقتى

لا بدرى ولا حاجة
هما كلهم 4 سنين
بيعدوا هوا
زى السنتين بتوع الثانوية
الواحد بيكبر والسنين بتعدى بسرعة اهه ،،

موضوع المسودة ده يا ستى ان مفروض علشان نعمل نقابة جديدة بيتعمل دراسة كاملة للموضوع زى مثلا
قانون النقابة
الشريحة اللى النقابة هتمثلها
مين يقدر يكون فى النقابة دى ومين لأ
الناس دول اصلا يستاهلو نعملهم نقابه ولا لأ " والكلام هنا على العدد مش القيمة "

اه اللى اعرفه ان احنا مالناش نقابة حتى الان لان عدد الخريجين اقل من الحد الادنى اللى يتعمل له نقابة

كده يعنى بتتجهز الحاجات دى كلها وبتعرض فى مجلس الشعب علشان يقرروا يا آه يا لأ وربنا يخليلنا الأخ فتحى موافقات قصدى فتحى سرور ويقول موافقون موافقه ونخلص
اللى حصل بقى ان الناس عملوا مسودة للموضوع ده وجهزوها وماشين فى الموضوع ده بإذن الله ربنا يتمه

يا مسهل ،، احسن شكله لما هيحب يقول حاجة تانية - غير موافقون - هيقولها ع حظ الغلابة

اصلا للاسف فى خلاف على اصل كلمة مهندسين دى حابى
عايزين يقصروا كلمة مهندس على خريجى كليات الهندسة واننا نكون مثلا مطوروا البرمجيات أو مصممى البرمجيات او اي حاجه تانيه
هذا والله اعلم انا معنديش استنادات موثوقه فى الموضوع ده

السبب ان احنا مننضمش لنقابة المهندسين من ضمن الاسباب يعنى
ان احنا 4 سنين
وهما خمسة
كل دا عشان سنة زيادة
طب ماهما السنة دى اعدادى
يعنى اللى اعرفه كمان ان حاسبات ومعلومات احسن من هندسة كمبيوتر
وخصوصا اخواتك الصغيرين هنا ما شاء الله ( حابى وهمس والاسطورة ) كنا حاطين الرغبات الاولى حاسبات اصلا

طبعا بما ان حضرتك من السابقون ونحن اللاحقون مستنيين مشاركات حضرتك معانا فى تعريفنا بالكلية وبالاقسام
عشان لسة شبه تايهين

ولكم كل الشكر والاحترام