استفسار في غاية الاهمية عن كلية علوم/رياضة 2008

[محمد.فوكس]

السلام عليكم..
انا طالب علمي/رياضة و مرحلة تانية و جتلي في التنسيق علوم/رياضة المنصورة..
و طبعا مستني احول اسكندرية انشاء الله..
روحت النهاردة المنصورة عشان اقدم في المدينة الجامعية عشان لو معرفتش احول ابقى في المضمون..
قالولي لسه بعد اسبوع..مش دي القضية.
لقيت ورقة متعلقة مكتوب فيها:[/[/B]COLOR]مسارات التخصص بكلية العلوم بالمنصورة(علمي رياضة):
اللائحة الداخلية لمرحلة البكالوريوس بنظام الساعات المعتمدة للعام الجامعي 2008/2009
المستوى الاول:
اساسيات الرياضيات+اساسيات الفيزياء+اساسيات الكيمياء+متطلبات الجامعة+مواد اختيارية و هي اما: (رياضيات+فيزياء)او (رياضيات+جيولوجيا)
(الرياضيات+فيزياء) متفرع منه(رياضيات,فيزياء,فيزياء حيوية) للمستوى التاني.
(الرياضيات+جيولوجيا)متفرع منه(جيوفيزياء)للمستوى التاني.
(رياضيات) متفرع منها (رياضيات,رياضيات و علوم حاسب) للمستوى الثالث.
(فيزياء) متفرع منه (فيزياء)للمستوى الثالث.
(فيزياء حيوية) متفرع منه (فيزياء حيوية) للمستوى الثالث.
(جيو فيزياء) متفرع منه (جيوفيزياء) للمستوى الثالث.
انا بقى مش فاهم حاجة من كل ده..
و اللي مستغرب منه و خايف منه ان كلمة كيمياء مظهرتش الا مرة واحدة بس..
انا اساسا داخل عشان ادرس كيميا.
أمال في الكيميا فيزيا و الكيميا جنرال و الكيميا سبيشال..
الحاجات دي اتغيرت ولا ايه.
انا عندي دليل الكلية بتاع 2006 و مفيش اي كلام شبه اللي فيه.
يا ريت حد يشرح الكلام ده لأني خايف جدا و بفكر في التحويل لو مكانش ممكن ادخل كيميا..
شكرا
سلام عليكم..