امتحان علوم البحيرة كالعادة

[مستر أحمد حمدى]

امتحان العلوم محافظة البحيرة كالعادة ناااااااااااااار
=*=*=*=*=*=*=*=*=*=*=*=*=*=*=*=*=






الامتحان المثير للجدل دائما امتحان علوم البحيرة
أعتقد أن من يضع الامتحان لا يقيس درجة استيعاب الطالب للمنهج
بل يقيس مدى تعنته وتفننه فى تصعيب الامتحان على الطالب
كل عام نقول نفس الكلام
مش معقول السنه اللى فاتت يجيب 6 نقط من معلومات اثرائية
والسنادى نفس الشئ
أنا عن نفسى شايفة امتحان مش صعب خصوصا انى مرنت طلابى كويس
وحتى الاسئلة الغير متوقعه واللى جات ذى ازيد الصوديوم والجينيوم البشرى
راجعتهالهم ليلة الامتحان حتى ان طالب امس سألنى بقى الوسادة الهوائية وازيد الصوديوم ممكن يجوا فى الامتحان ؟؟؟ قلتله ايوه ممكن
امتحان البحيرة ممكن يجيب اى شئ
لكن أنا بتكلم على الطالب اللى مبيخدش درس او بيعتمد على كتاب المدرسة
حيلاقى صعوبة كبيرة جدا فى حل الامتحان
وهنا المفارقة ان مثلا فى الاسكندرية استحالة يجيى امتحان شبه البحيرة كده
كانت الدنيا اتقلبت
أنا فاكر السنه اللى فاتت جه سؤال واحد بس ( مش 6 اسئلة زى البحيرة ) من المعلومات الاثرائية اولياء الامور تجمهروا فى المحافظة أو الادارة مش فاكر بالتحديد واضطروا يوزعوا درجات السؤال ده على الطلبة
لكن عندنا فى البحيرة تقريبا اللى بيحط الامتحان بيقول دول فلاحين ومحدش حيقدر يتكلم
حرام يا ناس ارحموا الطلبه واولياء الامور
فالرسول الكريم صلى الله عليكم كان يدعو ويقول
( اللَّهُمَّ مَنْ وَلِىَ مِنْ أَمْرِ أُمَّتِى شَيْئًا فَشَقَّ عَلَيْهِمْ فَاشْقُقْ عَلَيْهِ وَمَنْ وَلِىَ مِنْ أَمْرِ أُمَّتِى شَيْئًا فَرَفَقَ بِهِمْ فَارْفُقْ بِهِ ) رواه مسلم
وبالله عليكم مش عايز رد من استاذ يقولى الامتحان كويس وساهل واديته كله للطلبه بتوعى لأنى حقولك انا بتكلم على الطالب المتوسط اللى المفروض الامتحان يكون معمول عشانه لكن انا رأيى أن الامتحان فى مستوى الطالب المتفوق

الدليل على كلامى ان فيه مدرسين مختلفين على حل الاسئلة فما بالك بالطلبه هههههههههه
ولاثبت لكم ذلك سترون بأنفسكم اختلاف مدرسى المنتدى فى حل الاسئلة هنا على صفحات المنتدى