مساعدة ارجوكم حلمى بيضيع

[Hanaa Mohamad]

السلام عليكم

اولا: انا طالبة بالصف الثالث الثانوى للاسف ماذكرتش من اول السنة كنت مبضينة بمعنى الكلمة كنت قبل اما اروح الدرس ببص على كلمتين وخلاص

هل القطار كدة فاتنى ومش هلحق بالكلية الى بحلم بيها مع العلم انى عايزة ادخل طب الموضوع متناقض شوية معايا

ثانيا: هل لو بدات دلوقتى هلحق اجيب مجموع الى يدخلنى الكليه ؟ ولا اقضيها حلم فى احلامى
مع العلم انى ضايعة فى معظم المواد زى الفيزيا والعربى والكميا والجيو وانا للاسف بردو ما بحلش خالص فى الكتب . مهو اكيد واحدة مش مذاكرة هتحل ازاى

ثالثا : انا لما اجى اذاكر وربنا يفتح عليا الحمدلله ما بكملش ساعة بيصبنى حاجة من اتنين لو كان الصبح بحس بالملل ولو كان باليل نفسى بنوزنى على النوم وللاسف بطاوعها . والنوم دا مصيبة بياكل اليوم والوقت
ومعرفش ابدا اتغلب على نفسى هى الى بتغلب فى الاخر بجد مش عارفة اعمل ايه

رابعا: انا فى حيرة من امرى مش عارفة اذاكر الجديد الى باخده فى الدرس ام اذاكر القديم الى ماذكرتهوش
حتى لو قولتولى ذاكرى ال2 مع بعض طب اعملها ازاى والمواد كتيرة ؟

ياريت لو حد اكبر منى وعدى ب3ث يفيدنى اعمل ايه مافضلش بالضبط غير 5 شهور ازاى استغلهم
الله يكرمكوم شوفولى حل انا مش عايزة اخيب امل ابويا وامى وكل عائلتى حطا امل فيا كبير
ياريت حد يحطلى خطة امشى عاليها وانا راضيه بكل الى هتقولوه وانا عارفة واحدة شكلى المفروض تقلل ساعات النوم عشان تنجز وبالنسبة للمواد الى ضايعة فيها اعمل فيها ايه

وجزاكم الله خيرا
من فرج عن أخيه كربة من كرب الدنيا فرج الله عنه كربة من كرب يوم القيامة ، والله في عون العبد ما كان العبد فى عون اخيه