زجل إهداء لمنتدى بوابة الثانوية العامة

[أحمـدنجـم]

تعالوا تعالوا بسرعة ورايا نخش بسرعة هناك
دا المنتدى مفتوح يا أخوانا خيره و علمه اداك
بوابة الثانوية العامة بخيرها بتجري وراك
يلا بسرعة ادخل هتلاقي كل العلم معاك

من إعدادي لثانوي الطلبة هتلقى فيه الخير
عربي وفيزيا وكيما و تلقى مواد دراسية كتير
واحد داخل فاكر انه عادي زي الغير
لقى جواه كل ما يتمنى أصله عنده ضمير

تعالوا تعالوا بسرعة ورايا نخش بسرعة هناك
دا المنتدى مفتوح يا أخوانا خيره و علمه اداك

مش بيقولك هات الفكة قصاد العلم فلوس
ولا بيقولك فهمك سكة روح اديها دروس
ولا بتخشه تحس بوحدة تحس انك متعوس
يلا بسرعة تعالى معانا خش يا عم ودوس

تعالوا تعالوا بسرعة ورايا نخش بسرعة هناك
دا المنتدى مفتوح يا أخوانا خيره و علمه اداك

في المنتدى أعضاء بيحبوا العلم وبيحبوك
تحس كأنك وسط العيلة امك ويا ابوك
تسأل تلقى جواب وف ثانية تلقى اللي يجاوبوك
تطلب مهما هتطلب اطلب علم وراح يدوك

تعالوا تعالوا بسرعة ورايا نخش بسرعة هناك
دا المنتدى مفتوح يا أخوانا خيره و علمه اداك

مش هتضيع وقتك لكن تستثمر أوقات
مش هتلف تدور دايماً زي التعلب فات
من بيتك ادخل ولا تنزل تاخد تاكسيات
ادخل سجل اسمك يلا تلقى تبات ونبات

تعالوا تعالوا بسرعة ورايا نخش بسرعة هناك
دا المنتدى مفتوح يا أخوانا خيره و علمه اداك

بدعي لكل الناس الشرفا اللي عملوه بإخلاص
يرفعهم درجات في الجنة يا ربي يا رب الناس
يحفظهم نايمين قايمين دا هما لينا أساس
هختم بأغلى صلاة لمحمد سيدي وسيد الناس

تعالوا تعالوا بسرعة ورايا نخش بسرعة هناك
دا المنتدى مفتوح يا أخوانا خيره و علمه اداك