القوانين الصارمة ...... حد عنده اعتراض

[استاذ بدوى الدجوى]

إن الحمد لله، أحمده وأستعين به، وأعوذ بالله من شر نفسي وسيئات عملي، من يهد الله فهو المهتد ومن يضلل فلن تجد له ولياً مرشداً..وأشهد أن لا إله إلا الله وحده لا شريك له وأشهد أن محمداً عبده ورسوله صلى الله عليه وسلم..

أما بعد:

ان شاء الله تم عمل هذا الموضوع لتوفير اكبر قسط للراحة النفسية للمدرسين الافاضل والاعضاء الموقورين
اولا احب ان اخبركم ان المشرف هو خادم فى البوابة يبحث عن الاخطاء ويعمل على اصلاحها حتى وان اقتضى ان يغضب البعض فالاهم من ذلك رقى البوابة وازدهارها فهو مكلف وعليه وجوب التنفيذ .

نخش فى الموضوع ان شاء الله ....... عاوزين موضوعاتنا ومشاركتنا تبقى ايجابية ....... ازاى ؟

يعنى مثلا انت داخل قسم اللغة الانجليزية بلاش تعمل موضوع لتغيير اسم الدخول لانه مش هيتفذ

فالافضل تدخل هنا على الاستاذ اشرف ( ادارة الموقع )

لو شفت احد الاعضاء عمل خطأ كبير جداااااااااااااااااااااااا اسمه لا يليق او مثلا واضع صورة غير لائقة بلاش تعمل موضوع ........... محدش هيسمعلك

فالافضل تدخل هنا على الاستاذ اشرف ( ادارة الموقع )

لو كنت مدرس انجليزى جديد بلاش تعمل موضوع خاص تقدم فيه نفسك ..... لن يعير له احد اى اهتمام .... قدم شغلك وبعدين

ادخل هنا على الاستاذ طارق ( قائد وموجه قسم اللغة الإنجليزية )

لو شفت مشاركة حسيت إنها غير مناسبة ابعت اللينك في نفس الموضوع اللي إحنا فيه ومتخافش على زعل حد تعالى لى انا ( العبد الفقير الى الله )

لو كنت طالب يجب الا تتعدى سلوكياتك حدود الذوق و اللياقة فى طلبك وسؤالك حتى تنال ثقة المدرسين فيك ونصل الى اهدافنا المنشودة

لو عندك اقتراح للحجرة المتواجد بها اكتبه هنا تعال لى انا ( العبد الفقير الى الله )

لكن لو عندك اقتراح عام سيادتك تدخل هنا

ومتزعلش لما تلاقى موضوع ليك تم حذفه او نقله ولو زعلت الرسالة الخاصة للمشرف اللى حذفها ستكون خير رسول وبلاش الهجوم الضارى فى موضوع خاص ....... لن يقبله اى مسئول ...... فعدمه احسن

الشكوى من الشخص مهما كانت مكانته ووضعه فى المنتدى مرغوبة جدا بس ليس على الملأ ما اجملها فى الخفاء حتى تكون نصيحة وليس تشهير ( فى حالة التشهير سيتم ايقافك فورا ) وان لم ترضى عن النتيجة فما اجمل ان يتدخل رجل له وزنه فى الموضوع مثل الاستاذ عصام (صوت الحق) او الاستاذ حسام ( fares elnet) او الاستاذ محمود طه القالع وكله فى رسالة خاصة وبلاش تكبر الموضوع وتكسب اعداء وتزعل ناس منك

انت الان مراقب على نفسك ...... شفت بسيطة ازاى ومريحة والبوابة بيتك وحافظ علي بيتك بنفسك وبعون الله سنكون عند حسن ظنك ولا قوانين صارمة ولا حاجة من دى وتمنياتنا لكم بقضاء اسعد الأوقات على البوابة

ملحوظة

الموضوع متجدد وسيتم وضعه فى جميع الاقسام التعليمية
علشان نبقى بنقدم خدمة ( Home delivery )