شوية نصايح لطلبة اولى جامعة

[عبد المقصود مصطفى]

كام نصيحة كدا لكل االلى داخلين الجامعة بقا جديد
اولا كدا علشان ندخل الجامعة على نضيف انتى وهوا

جو محمد هنيدى دا انتهى ..يعنى متدخليش الجامعة اول يوم ببدلة يامعلم علشان منظرك


هيبقى وحش والاناقة فى البساطة تمام ؟؟


وانتى حاولى كدا تكونى بسيطة وفى فرق بين انك تحطى مكياج على وشك وانك تحطى وشك فى المكياج فاهمينى طبعا


وبلاش اللون الفسفورى ربنا يهديكم

والاناقة فى البساطة وهنفضل نكرر

بالنسبة بقا لما تكون واقف على الباب وبنت تقولك لو سمحت ممكن اعدى دى مش معجبة بيك يامعلم دى فعلا عايزة تعدى لانك سادد الباب يعنى هتعدى ازاى فبلاش التلوث اللى فى دماغك دا


ولو واحدة طلبت منك قلم اعطيها القلم ومتفكرش انها بتلاغيك لا فعلا هيا محتاجة القلم لانها اكيد نسيت قلمها فى البيت ممكن وحطت بداله قلم كحل ههه

اما بقا اللى داخلين كليات طبية بلاش اول يوم تروح بالبالطو البالطو مش هتحتاجوه فى الاول
والكليات الهندسية حرف T مش هتحتاجه برده غير ممكن بعد شهر من الدراسة


كل الى فات دا كان فكاهى ندخل على الجد بقا

انتى كبنت خدى معاكى غلاوتك وثقتك فى نفسك وفى اهلك وتعب 18 سنة مضيعيهوش فى 4 سنين ومترخصيش نفسك خليكى غالية دايما
اما بقا الولاد انتا مش رايح الجامعة علشان العروسة ركز فى دراستك وزاكر وكون حاجة والعروسة هيا الى هتجيلك بمعنى روح الجامعة وركز فى مزاكرتك ودراستك وسيبك من اى حاجة تانية
بالتوفيق ليكوا
#دعواتكم #