الايمان والعصر ودور الدين فى الحياة

[عزة عثمان]

معنى رضا الله .

رضا الله ..

معنى رضا الله ؟!

فى يوم قررت انى ادعو الله بطلبات كتير محتاجها وفجأة وأنا بدعى نسيت كل شئ وافتكرت دعوة واحدة فقط وهى "يارب ارضى عنى " وفضلت أرددها كتير ولم ادعو بأى شئ سواها .. بعد الصلاه جريت على مكتبتى ببحث فى الكتب عن كتاب يفسر معنى الدعاء "يارب ارضى عنى ؟" ولم أجد أى كتاب بفسر سر هذا الدعاء

ذهب فى اليوم التالى الى ندوة بها أحد الشيوخ وسألته : ما ماهية الرضا ؟ يعنى ايه يارب ارضى عنى ؟ نظر وقال : استمرى على هذا الدعاء فهو كل الخير ...

وبعدها سألت اطفال قولتهم يعنى ايه ربنا يرضى عنا ؟ قالوا يعنى لما يكون راضى عنك هيحققك كل اللى عايزاه مش هو راضى !! يبقى خلاص كل اللى هتطلبيه هيعطهولك

وبعدها سألت صديقة : قلت لها ادعيلى ربنا يرضى عنى ؟قالت الله هذا الدعاء طلبته منى واحدة قبل كدا وربنا حقق لها اللى نفسها فيه !

وسألت أخرى فقالت : رضا ربنا ده يا فكرية هو البطانة اللى بنبطن بها احلامنا وكل حاجتنا يعنى مينفعش نخطو خطوة من غير رضاه ,رضا ربنا غايتنا اصلا فى الدنيا

والخلاصة
1- افتكروا دااااااااااائما ان رضا ربنا هو اصلا غايتنا وقبل ما تقبلوا على أى عمل لازم نسأل نفسنا هل هو فى غاية رضا الله أم لا (من وجد الله فماذا فقد)

2- أبحثوا عن رضاه وفكروا توصلوا لرضا ربنا ازاى , زى ما بنفكر كدا ازاى هنعمل ونحقق احلامنا واهدفنا لازم ايضا اولا نخطط ونفكر ازاى هنقدر نصل الى رضاه لأن برضاه هنقدر نحقق ما نريده ( اجتهدوا )

3-(رضيَ الله عنهم ورضُوا عنه) ذُكرت أربع مرات

اقرأوا تلك الأيات بتدبر وتمعن وقلبٍ سليم
بسم الله الرحمــــــــــــــن الرحيـــــــــــــــــــــم

(قَالَ اللّهُ هَذَا يَوْمُ يَنفَعُ الصَّادِقِينَ صِدْقُهُمْ لَهُمْ جَنَّاتٌ تَجْرِي مِن تَحْتِهَا الأَنْهَارُ خَالِدِينَ فِيهَا أَبَدًا رَّضِيَ اللّهُ عَنْهُمْ وَرَضُواْ عَنْهُ ذَلِكَ الْفَوْزُ الْعَظِيمُ )
سورة المائده آيه 119
____________________________
(وَالسَّابِقُونَ الأَوَّلُونَ مِنَ الْمُهَاجِرِينَ وَالأَنصَارِ وَالَّذِينَ اتَّبَعُوهُم بِإِحْسَانٍ رَّضِيَ اللّهُ عَنْهُمْ وَرَضُواْ عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الأَنْهَارُ خَالِدِينَ فِيهَا أَبَدًا ذَلِكَ الْفَوْزُ الْعَظِيمُ)
التوبه آيه 100
____________________________
(لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ أُوْلَئِكَ كَتَبَ فِي قُلُوبِهِمُ الْإِيمَانَ وَأَيَّدَهُم بِرُوحٍ مِّنْهُ وَيُدْخِلُهُمْ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا رَضِيَ اللَّهُ عَنْهُمْ وَرَضُوا عَنْهُ أُوْلَئِكَ حِزْبُ اللَّهِ أَلَا إِنَّ حِزْبَ اللَّهِ هُمُ الْمُفْلِحُونَ)
المجادله آيه 22
__________________________
(إِنَّ الَّذِينَ آمَنُوا وَعَمِلُوا الصَّالِحَاتِ أُوْلَئِكَ هُمْ خَيْرُ الْبَرِيَّةِ جَزَاؤُهُمْ عِندَ رَبِّهِمْ جَنَّاتُ عَدْنٍ تَجْرِي مِن تَحْتِهَا الْأَنْهَارُ خَالِدِينَ فِيهَا أَبَدًا رَّضِيَ اللَّهُ عَنْهُمْ وَرَضُوا عَنْهُ ذَلِكَ لِمَنْ خَشِيَ رَبَّهُ)
والبينه آيه 8


ادعولى بالرضا "يارب ارضا عنا " ياااااااااااارب رضاك رضاك يا ربى

يا بخت اللى ربنا راضى عنه