دفعة ثانوية عامة 2016

[Mohamed_Hamza]

المشاركة الأصلية كتبت بواسطة Duke Tefa

بالنسبة للكيمياء خصوصاً العضوية حاجة زي الزفت وربنا يستر

ربنا هيستر، بس انت ملكش حق الصراحة العضوية دي سهلة جدا، هيا محتاجة منك ماتركنهاش، وانك تكرر كتير جدا، وانك تربطها ببعض، طالما عاملالك مشكلة كدا خصصلها كل يوم وقت تحل فيه معادلات تخليق هي الي هتلملك الدنيا وهتربطلك العضوية ببعضها ودا المطلوب، او حتى خلي الوقت دا لمراجعة جزء معين منها مثلا النهاردا الالكانات بكرا الالكينات كدا.. عامة الكيميا دي مش هتحس انك مذاكرها فعلا غير لما تحللها امتحانات، فانت خليك جريء و ابدأ حل امتحانات اول ماتخلصها، انا قولت كدا كذا مرة والله، مش عارف مش راضيين تقتنعوا ليه، انا مجرب الموضوع دا والله ياجدعان مش بألف، اول اربع خمس امتحانات كيميا هتحلهم هتحس بالعجز وهترجع تشوف الاجابة كتير، بس بعد كدا هتنطلق في الحل وهتبقى وحش الكيميا اسمع مني

المشاركة الأصلية كتبت بواسطة رفيقة الامل

معبش ع الفضول ده يعنى
مممكن تكتب التفاصي دى هنا وكلنا نقراها لعل وعسى محدش عارف يمكن ف الوقت ده كلامك يفرق معاه ومعانا يمكن تنصحه بنصيحها تفرق مع الكل
انا اسفه ع الفضول ده
وبارك الله فيك

لسه ماكتبتلوش حاجة مستنيه يلاغيني هو الاول، معظم الكلام اللي هقولهوله قلته قبل كدا
ومع ذلك مش هنساكم بردو وهبقى اكتبلكم اللي عندي يمكن زي ما بتقولي كلامي يفرق مع حد
هو الموضوع نفسي بشكل كبير مش اكتر

المشاركة الأصلية كتبت بواسطة رفيقة الامل

انا كمان حاسة انى الاسبوع اللى عدوا دول مشتغلتش فيهم كويس لظروف نفسية وصحية
ومضايقة ومش عارفة خلاص هتحاسب ع الاسبوعين دول ولا ايه الدنيا
ولا خلاص تعب اهلى هيروح معايا
بس بردو واثقة ف كرم ربنا

عادي، ابدأي من النهاردا بداية جديدة وانسي كل التقصير اللي عدا
كل يوم ابدأيه بنية جديدة انك هتعملي افضل ما عندك النهاردا وتبذلي مجهودك..
اصل هقولك على حاجة، تفكيرك في تقصيرك واهمالك في الماضي، مش هيجبلك غير الاحساس بالحسرة ودا هيدمرك، وخلاص الماضي دا عدا مش هينفع تغيريه مهما عملتي فمترهقيش نفسك في التفكير فيه، وتفكيرك في المستقبل كتير بردو دا تضييع وقت عشان دا بإيد ربنا محدش عارف ايه اللي هيحصله، احسن حاجة خليكي في الحاضر، دا الوحيد اللي تملكيه، واستغلي اللحظة اللي انتي عايشاها احسن استغلال بنظرة تفاؤل للمستقبل بردو، بس ماتفكريش فيه كتير عشان دا بتاع ربنا، وبلاش احلام اليقظة الزايدة عن حدها دي هاه خليكوا فدلوقتي..
فكروا بالشكل دا وان شاء الله ربنا هيكرمكوا من حيث لا تحتسبوا