انتو مدرسين كسر.. اهانة جديدة لمعلمي الازهر

[affix]

احد الزملاء في محافظة اسوان يحكي ان وكيل الوزارة دخل على المدرسين في مركز تصحيح المرحلة الابتدائية الاسبوع الماضي وقالهم انتو مدرسين كسر (يعني لا تصلحوا للتدريس) وذلك بدون سبب واهانهم بطريقة سوقية جدا فهاجوا عليه واعترضوا وقالوا لن نصحح وكانت مشكلة كبيرة وطلبوا منه الاعتذار ولكنه رفض وهددهم انه سيتصل بامن الدولة تيجي تعتقلهم وكان موضوع كبير. فهل الكلام ده ينفع يا جماعة؟ بالله عليكم دول قادة وشيوخ يمثلوا الاسلام؟ ده غير اهانات الامير وورؤساء المناطق الاخرى المعروفين بالتسلط والكلام البذيء فالواحد مش عارف اذا كانت الاهانات دي مقصودة لكسر المعلمين وتدمير نفسيتهم ولا ايه بالظبط وفين شيخ الازهر اصلا من الناس دي ومين اللي بيحاسبهم؟ وكمان ياريت اللي فاهم يفهمنا التصرف القانوني لو الواحد تعرض لمثل هذا الموقف من مسئولي الازهر وربنا يطلعنا من الازهر على خير