مشاكل علمى رياضة (ثانوية عامة)

[OmarHeshamThan]

سلام عليكم, بفضل الله لحد دلوقتى كل حاجة ماشية كويس بالرغم من ان ثانوية كشرت عن انيابها فى شهر 12 بالذات
لكن تظل مشكلتى ومشكلة معظم الطلاب هى ان الرياضة بتاخد معظم الوقت والطاقة اللى عندنا, على سبيل المثال..حالياً عندنا التفاضل والتكامل والإستاتيكا خلصوا وشغالين فى الديناميكا, بالتالى بنحل امتحانات تفاضل وتكامل وإستاتيكا زائد مذاكرة الديناميكا ودا طبعاً مش محتاج اتكلم عن كمية الوقت اللى ممكن ياكله من اليوم, بالإضافة لإن الرياضة حصتين فى الاسبوع, للأسف احياناً نضطر نيجى على المواد التانية عشان نعرف نضمن ان الرياضة مفيهاش مشاكل لأن مشكلة فى جزء من فرع فى الرياضة بيتبعها مشاكل كتير فى بقية الفرع.
وللأسف المواد العلمية السنة دى (فيزياء وكيمياء) زاد علي منهجها جزء لا يستهان بيه ابداً, ودا الوقت من السنة اللى المراجعات والإمتحانات بتزيد فيه والوقت بيكون كالسيف حرفياً وفى مواد غصب عننا مش بنعرف نهتم بيها (بالذات العربى لأنى لغات).

ياريت اللى عنده حلول للموضوع دا يفيدنا ومتنسوناش بدعواتكم